ជាតិ
សង្គមជាតិ
សិស្សពីកំពង់ឆ្នាំង បន្ទាយមានជ័យ និងកំពង់ចាមឈ្នះមេដាយសំរឹទ្ធ៧ពីការប្រកួតវិទ្យាសាស្ត្រនៅថៃ
ពីឆ្វេងទៅស្តាំ (ផន ស៊ីភាវ ក្រូច ថាវរៈ ចូវ យូអ៊ី និង ហ៊ូ ខេមរបុត្រ រូបថត៖ ក្រសួងអប់រំ យុវជន និងកីឡា
×![]()
ភ្នំពេញ៖ យុវសិស្សកម្ពុជាទទួលបានមេដាយសំរឹទ្ធចំនួន៧ពីការប្រកួតប្រជែងអ្នកវិទ្យាសាស្ត្រវ័យក្មេងអាស៊ានបូកបីលើកទី៨ (8th ASEAN Plus Three Junior Science Odyssey-APT JSO) សម្រាប់ដែលមានអាយុពី១៣ឆ្នាំដល់១៥ឆ្នាំ ដែលរៀបចំនៅខេត្តប៉ាក់ធុមថានី ប្រទេសថៃ ក្រោមប្រធានបទ«យុវជនក្នុងការនាំយកវិទ្យាសាស្ត្រ ដើម្បីគោលដៅអភិរក្សប្រកបដោយចីរភាពក្នុងតំបន់»។
ការប្រកួតប្រជែងបានប្រព្រឹត្តទៅពីថ្ងៃទី៩ ដល់ថ្ងៃទី១៥ ខែមិថុនា ដោយមានបេក្ខជន៨០នាក់ពីបណ្តាប្រទេសមួយចំនួនចូលរួម ដូចជា បណ្តាប្រទេសអាស៊ាន កូរ៉េ ចិន និងស៊ុយអែត។ យុវជនកម្ពុជា៤ក្នុងចំណោម៥រូប បានវិលត្រឡប់មកវិញជាមួយមេដាយសំរឹទ្ធសរុបចំនួន៧។
មេដាយសំរិទ្ទចំនួន៧គ្រឿង រូបភាពពីក្រសួងអប់រំ យុវជន និងកីឡា
យោងតាមក្រសួងអប់រំ យុវជន និងកីឡា យុវសិស្ស ផន ស៊ីភាវ និង ក្រូច ថាវរៈ ដែលមកពីវិទ្យាល័យព្រះបាទសុរាម្រឹត ខេត្តកំពង់ឆ្នាំង បានមេដាយសំរឹទ្ធម្នាក់ៗចំនួន២ ។
រូបភាពយុវសិស្សទាំង៤នាក់ដែលឈ្នះបានមេដាយសំរិទ្ធ៧គ្រឿង ក្នុងការប្រកួតអ្នកវិទ្យាសាស្ត្រវ័យក្មេង នៅប្រទេសថៃ
ចូវ យូអ៊ី ដែលមកពីវិទ្យាល័យមង្គលបូរី ខេត្តបន្ទាយមានជ័យ ជាបេក្ខនារីតែម្នាក់គត់ ហើយទទួលមេដាយសំរឹទ្ធចំនួន២ផងដែរ។
ចំនួនយុវសិស្ស ហ៊ូ ខេមរបុត្រ មកពីវិទ្យាល័យដីដុះ ខេត្តកំពង់ចាមវិញ ទទួលបានមេដាយសំរិទ្ធ១គ្រឿង៕
Tag:
អប់រំ
យុវសិស្ស
វិទ្យាសាស្ត្រ
មេដាយ
© រក្សាសិទ្ធិដោយ thmeythmey.com
