លោក Maurizio Sarri ក្លាយជាបង្វឹក Juventus ជាផ្លូវការ

កីឡាអន្តរជាតិ

អន្តរជាតិ

លោក Maurizio Sarri ក្លាយជាបង្វឹក Juventus ជាផ្លូវការ

16, Jun 2019 , 9:30 pm

រូបភាព

ដោយ: ថ្មីៗ

ទីបំផុតលោក Maurizio Sarri ត្រូវបានតែងតាំងជាគ្រូបង្វឹកក្លិប Juventus ក្នុងកិច្ចសន្យារយៈពេល៣ឆ្នាំ។ ក្លិបសេះបង្កង់ បានប្រកាសពីការតែងតាំងនេះ តាមរយៈគេហទំព័រផ្លូវការរបស់ខ្លួន នាថ្ងៃទី១៦ ខែមិថុនា។

អត្ថបទទាក់ទង

Sarri បានសំណងលើស៦លានដុល្លារដើម្បីចេញពី Chelsea ទៅដឹកនាំ Juventus

គ្រូបង្វឹកអ៊ីតាលីវ័យ៦០ឆ្នាំ ដែលមានបទពិសោធន៍ដឹកនាំក្លិបជាច្រើននោះ បានចាកចេញពី Chelsea ខណៈក្រោមការដឹកនាំរបស់លោករយៈពេលតែមួយរដូវកាលកន្លងមក ក្លិបតោខៀវ បានចំណាត់ថ្នាក់លេខ៣ Premier League និងឈានទៅវគ្គផ្តាច់ព្រ័ត្រ EFL Cup និងឈ្នះពាន Europa League។

លោកធ្លាប់មានប្រវត្តិដឹកនាំក្លិបមួយចំនួននៅអ៊ីតាលីដូចជា Pescara, Arezzo, Avellino, Verona, Grosseto, Alessandria, Sorrento តែក្លិបលំដាប់ទាប។ លោកធ្លាប់បានជោគជ័យគួរឲ្យកត់សម្គាល់ជាមួយក្លិប Empoli ដោយជួយឲ្យក្លិបនេះឡើងទៅកាន់ Serie A បន្ទាប់មកលោកបានចូលរួមជាមួយ Napoli ពីឆ្នាំ២០១៥ ដល់ឆ្នាំ២០១៨ ហើយធ្លាប់ឈ្នះជាគ្រូបង្វឹកឆ្នើមប្រចាំ Serie A នៅឆ្នាំ២០១៦ផងដែរ៕