លោក ឯល ប៊ុនណា នឹងទទួលបានសិទ្ធិគ្រប់គ្រងចម្រៀង៣០បទ

ជាតិ

សិល្បះ

លោក ឯល ប៊ុនណា នឹងទទួលបានសិទ្ធិគ្រប់គ្រងចម្រៀង៣០បទ

17, Jun 2019 , 3:57 pm

រូបភាព

ដោយ: ថ្មីៗ

លោក ឯល ប៊ុនណា អ្នកបទភ្លេង និងបទចម្រៀងជើងចាស់ នឹងទទួលសិទ្ធិគ្រប់គ្រងបទចម្រៀងចំនួន៣០ តាមសំណើរបស់សាម៉ីខ្លួននាពេលខាងមុខ។ នេះបើតាមសេចក្តីជូនដំណឹងរបស់ក្រសួងវប្បធម៌ និងវិចិត្រសិល្បៈ កាលពីថ្ងៃទី៣ ខែមិថុនា ឆ្នាំ២០១៩។

លោក ឯល ប៊ុនណា ដែលជាឪពុករបស់តារាចម្រៀង ណាំ ប៊ុណ្ណារ័ត្ន ផងដែរនោះ បានដាក់សំណើសុំសិទ្ធិគ្រប់គ្រងចម្រៀង៣០បទ ដែលក្នុងនោះ ក្រសួងពិនិត្យឃើញថា ២៨បទជាស្នាដៃនិពន្ធបទភ្លេង និងទំនុកចម្រៀងដោយលោក ឯល ប៊ុនណា តែម្នាក់ឯង រីឯ២បទទៀត ជាស្នាដៃសហនិពន្ធ ហើយបានផ្ទេរសិទ្ធិជូនលោកជាតំណាង។

ជាមួយគ្នា ក្រសួងបើកផ្លូវសម្រាប់ការប្តឹងជំទាស់ដែលមានសុពលភាពមួយខែ មុននឹងប្រកាសផ្តល់សិទ្ធិជាផ្លូវការជូនលោក ឯល ប៊ុនណា។

បទចម្រៀងដែលជាស្នាដៃនិពន្ធ និងទំនុកច្រៀងដោយ លោក ឯល ប៊ុនណា មានដូចជា ដំបៅដួងចិត្ត, បងស្រែកច្រៀងម្តេចនាងយំ, ណារីនឹមនួន ដែលច្រៀងដោយលោក ស៊ីន ស៊ីសាមុត បទប៉ុន្មានខែទៀតទើបបងរៀបការ, កុំនឹកអូនអី ដែលច្រៀងដោយអ្នកស្រី រស់ សេរីសុទ្ធា ជាដើម៕