រថយន្ត
អន្តរជាតិ
នៅឆ្នាំ១៨៩៤ អ្នកកាសែតបារាំងរៀបចំព្រឹត្តិការណ៍ប្រណាំងរថយន្តលើកដំបូង Paris-Rouen
× អ្នកកាសែតបារាំងឈ្មោះ Pierre Giffard បានរៀបចំព្រឹត្តិការណ៍ប្រណាំងរថយន្តពិភពលោកជាលើកដំបូងបំផុតរវាងក្រុងប៉ារីស និង Rouen នៅឆ្នាំ១៨៩៤។ រថយន្ត២១គ្រឿង បានចូលរួមប្រកួតប្រជែង។ នេះបើតាមការផ្សាយរបស់សារព័ត៌មាន Le Parisien។
១២៥ឆ្នាំក្រោយមក Teuf-Teuf ដែលជាក្លិបយានយន្តដ៏ចំណាស់ជាងគេនៅបារាំង រៀបចំកម្មវិធីដើម្បីរំលឹកដល់ព្រឹត្តិការណ៍ប្រវត្តិសាស្ត្រនេះ កាលពីថ្ងៃទី១៤ ដល់ថ្ងៃទី១៥ ខែមិថុនា ឆ្នាំ២០១៩ នៅតំបន់ Evreux, Ivry-la-Bataille និង Saint-Andre-de-l’Eure ដែលជាទីតាំងអនុស្សាវរីយ៍នានា។
Le Parisien បានបញ្ជាក់ថា ព្រឹត្តិការណ៍ Paris-Rouen ជាលើកដំបូងនោះ មិនមែនជាការប្រណាំងផ្នែកល្បឿននោះឡើយ ប៉ុន្តែបង្ហាញពីភាពរឹងម៉ាំ និងការវិវត្តន៍នៃម៉ាស៊ីនរថយន្តនាពេលនោះ ប៉ុន្តែពួកគេមិនបើកបរក្នុងល្បឿនលើសពី១២.៥គីឡូម៉ែត្រក្នុង១ម៉ោងបានឡើយ៕
© រក្សាសិទ្ធិដោយ thmeythmey.com