កីឡាជាតិ
ជាតិ
ក្រុម Down Town Sport ពេលលើកពានហ្វ៊ុតសាលថ្នាក់ជាតិនៅឆ្នាំ២០១៨
×![]()
ការប្រកួតបាល់ទាត់ក្នុងសាលដណ្តើមពានរង្វាន់ AFF Futsal Cup 2019 ត្រូវប្រកួតបើកឆាកទាំងពូល A និង B នៅរសៀលថ្ងៃទី១៨ ខែមិថុនា ឆ្នាំ២០១៩។ ចំណែកក្រុម Down Town Sport របស់កម្ពុជាត្រូវប្រកួតបើករបស់ខ្លួននៅថ្ងៃទី១៩ ខែមិថុនា ដោយប៉ះក្រុមមកពីម៉ាឡេស៊ី។ សម្រាប់ការប្រកួតនេះមានក្រុមចូលរួមចំនួន៦ដោយបែងចែកជាពីរពូល ហើយការប្រកួតធ្វើឡើងតាមរូបមន្តវិលជុំ។ 
ក្រុម Black Steel Futsal Club របស់ឥណ្ឌូណេស៊ីត្រូវតទល់ជាមួយក្រុម PTT Chonburi Bluwave របស់ថៃនាជំនួបបើកឆាកពូល A វេលាម៉ោង២រសៀលថ្ងៃទី១៨ មិថុនានេះនៅទីលាន Terminal 21 Korat ប្រទេសថៃ។ នៅម៉ោង៤រសៀលថ្ងៃអង្គារនេះដែរ ក៏មានការប្រកួតបើកឆាកពូល B មួយគូទៀតដែរ គឺក្រុម Melaka United Soccer Association របស់ម៉ាឡេស៊ីប៉ះក្រុម Myanmar Imperial University FC របស់ក្រុមមីយ៉ាន់ម៉ា។
ក្រុមកីឡាករ Down Town Sport ថតជុំគ្នានៅអាកាសយានដ្ឋានអន្តរជាតិភ្នំពេញមុនចាកចេញទៅប្រទេសថៃ, រូបភាពពី Down Town Sport
ចំណែកក្រុម Down Town Sport ដែលជាម្ចាស់ជើងឯកហ្វ៊ុតសាលថ្នាក់ជាតិឆ្នាំ២០១៨ របស់កម្ពុជា ត្រូវប្រកួតបើកឆាករបស់ខ្លួនជាមួយក្រុមមកពីម៉ាឡេស៊ី Melaka United Soccer Association នៅថ្ងៃទី១៩ ខែមិថុនា ឆ្នាំ២០១៩ នាវេលាម៉ោង៤រសៀល។ ចំណែកក្រុម Black Steel Futsal Club របស់ឥណ្ឌូណេស៊ី ប៉ះ ក្រុមមកពីវៀតណាម Sanvinest Sanatech Khanh Hoa នៅម៉ោង២រសៀល។
សម្រាប់ការប្រកួត ដែលថៃធ្វើជាម្ចាស់ផ្ទះនេះ ក្រុម Down Town Sport របស់កម្ពុជាស្ថិតនៅពូល B ជាមួយក្រុមមកពីម៉ាឡេស៊ី Melaka United Soccer Association និង Myanmar Imperial University FC របស់មីយ៉ាន់ម៉ា។ ចំណែកពូល A មានក្រុមម្ចាស់ផ្ទះថៃ PTT Chonburi Bluwave, ក្រុម Sanvinest Sanatech Khanh Hoa របស់វៀតណាម និងក្រុម Black Steel Futsal Club របស់ឥណ្ឌូណេស៊ី។ ការប្រកួតប្រព្រឹត្តទៅចន្លោះពីថ្ងៃទី១៨-២៣ មិថុនា ឆ្នាំ២០១៩៕
Tag:
AFF Futsal Cup 2019
Down Town Sport
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
