កីឡាជាតិ
ជាតិ
អបអរសាទរ! ដោនថោនស្ព័តឡើងទៅវគ្គ១/២ AFF Futsal Cup ក្រោយឈ្នះក្រុមម៉ាឡេស៊ី ៥-៤
× ក្រុមដោនថោនស្ព័ត (Down Town Sport) ដែលតំណាងឲ្យកម្ពុជា បានយកឈ្នះក្រុមម៉ាឡេស៊ី Melaka United ៥-៤ នាការប្រកួតពានរង្វាន់ AFF Futsal Cup 2019 នៅខេត្ត Nakhon ratchasima ប្រទេសថៃ។ ជ័យជម្នះនេះ នាំឲ្យក្រុមកម្ពុជាឡើងដោយស្វ័យប្រវត្តិទៅវគ្គពាក់កណ្តាលផ្តាច់ព្រ័ត្រ ដោយ Melaka បរាជ័យពីរលើកផ្ទួនរួចទៅហើយនៅក្នុងពូល B ដែលមាន៣ក្រុម។
កាលពីថ្ងៃទី១៨ ខែមិថុនា Melaka United បានចាញ់ក្រុមមីយ៉ាន់ម៉ា Myanmar Imperial University បានយកឈ្នះ ៧-២។
Down Town Sport នឹងត្រូវជួបក្រុមមីយ៉ាន់ម៉ា Myanmar Imperial University នាថ្ងៃទី២០ ខែមិថុនា ស្អែកបន្តទៀត ដើម្បីដណ្តើមយកចំណាត់ថ្នាក់លេខ១នៅក្នុងពូល B៕
© រក្សាសិទ្ធិដោយ thmeythmey.com