ជាតិ
រលំអគារនៅខេត្តព្រះសីហនុ៖ រកឃើញ២សពនាក់បន្ថែម សរុបអ្នកស្លាប់កើនដល់១៣នាក់
×![]()
ដោយ: ថ្មីៗ
បន្ទាប់ពីការិយាល័យអ្នកនាំពាក្យរដ្ឋបាលខេត្តព្រះសីហនុ ប្រកាសពីការរកឃើញសាកសព៤នាក់ក្នុងគំនរនៃអគារដែលរលំក្នុងខេត្តព្រះសីហនុ ក្រុមសង្គ្រោះបានបន្តរកឃើញសព២នាក់បន្ថែមទៀត មុនឈានចូលថ្ងៃទី២៣ ខែមិថុនា។ តុល្យការថ្មីចុងក្រោយ បង្ហាញថា ចំនួនអ្នកស្លាប់បានកើនដល់១៣នាក់ ខណៈអ្នករងរបួសមាន២៣នាក់ ដោយគិតត្រឹមម៉ោង១២អាធ្រាត្រថ្ងៃទី២២ ខែមិថុនា។
កម្លាំងដល់ទៅ១០០០នាក់ឯណោះដែលកំពុងប្រតិបត្តិការរកជនរងគ្រោះក្នុងគំនរអគារដែលរលំនោះ។ រដ្ឋបាលខេត្តព្រះសីហនុ បានកំណត់រួចហើយ ថា នឹងបន្តស្វែងរកជនរងគ្រោះឲ្យទាល់តែអស់ ទោះជាដល់យប់ថ្មើរក៏ដោយ។
ចំណែកសម្តេចនាយករដ្ឋមន្រ្តី ហ៊ុន សែន ដែលកំពុងស្ថិតក្នុងកិច្ចប្រជុំកំពូលអាស៊ាន នៅប្រទេសថៃ ក៏បានបង្ហោះសារចូលរួមរំលែកទុក្ខ និងសោកស្តាយដែរ ចំពោះឧបទ្ទវហេតុដ៏អាក្រក់នេះ ហើយបានបញ្ជាមកសមត្ថកិច្ច ឲ្យបន្តជួយសង្គ្រោះជនរងគ្រោះ។
លោក សាយ សំអាល់ ប្រធានក្រុមការងារថ្នាក់ជាតិចុះជួយខេត្តព្រះសីហនុ បានចុះពិនិត្យដោយផ្ទាល់នៅ កន្លែងកើតហេតុ និងបានកៀរគរកម្លាំងសង្គ្រោះពីមជ្ឈដ្ឋាននានាដើម្បីជួយសង្គ្រោះជនរងគ្រោះខ្លះដែលសង្ស័យថាបាននិងកំពុងស្ថិតនៅក្នុងគំនរបាក់បែកនោះនៅឡើយ។ ប៉ុន្តែទោះជាយ៉ាងណា មិនទាន់ មានប្រភពព័ត៌មានណាមួយ អាចបញ្ជាក់ថា នៅមានមនុស្សប៉ុន្មាននាក់ទៀតកំពុងជាប់ក្នុងគំនរអគាររលំ នេះទេ៕
កម្លាំងដល់ទៅ១០០០នាក់ឯណោះដែលកំពុងប្រតិបត្តិការរកជនរងគ្រោះក្នុងគំនរអគារដែលរលំនោះ។ រដ្ឋបាលខេត្តព្រះសីហនុ បានកំណត់រួចហើយ ថា នឹងបន្តស្វែងរកជនរងគ្រោះឲ្យទាល់តែអស់ ទោះជាដល់យប់ថ្មើរក៏ដោយ។
ចំណែកសម្តេចនាយករដ្ឋមន្រ្តី ហ៊ុន សែន ដែលកំពុងស្ថិតក្នុងកិច្ចប្រជុំកំពូលអាស៊ាន នៅប្រទេសថៃ ក៏បានបង្ហោះសារចូលរួមរំលែកទុក្ខ និងសោកស្តាយដែរ ចំពោះឧបទ្ទវហេតុដ៏អាក្រក់នេះ ហើយបានបញ្ជាមកសមត្ថកិច្ច ឲ្យបន្តជួយសង្គ្រោះជនរងគ្រោះ។
លោក សាយ សំអាល់ ប្រធានក្រុមការងារថ្នាក់ជាតិចុះជួយខេត្តព្រះសីហនុ បានចុះពិនិត្យដោយផ្ទាល់នៅ កន្លែងកើតហេតុ និងបានកៀរគរកម្លាំងសង្គ្រោះពីមជ្ឈដ្ឋាននានាដើម្បីជួយសង្គ្រោះជនរងគ្រោះខ្លះដែលសង្ស័យថាបាននិងកំពុងស្ថិតនៅក្នុងគំនរបាក់បែកនោះនៅឡើយ។ ប៉ុន្តែទោះជាយ៉ាងណា មិនទាន់ មានប្រភពព័ត៌មានណាមួយ អាចបញ្ជាក់ថា នៅមានមនុស្សប៉ុន្មាននាក់ទៀតកំពុងជាប់ក្នុងគំនរអគាររលំ នេះទេ៕
Tag:
រលំអគារ
© រក្សាសិទ្ធិដោយ thmeythmey.com
