កីឡាអន្តរជាតិ
អន្តរជាតិ
World Cup នារី៖ ម្ចាស់ផ្ទះបារាំងឡើងទៅវគ្គ១/៤ ជាមួយអាល្លឺម៉ង់ អង់គ្លេស និងន័រវែស
× ជ័យជម្នះលើក្រុមភ្ញៀវប្រេស៊ីល ២-១ បាននាំឲ្យម្ចាស់ផ្ទះបារាំងឈានទៅកាន់វគ្គ៨ក្រុមចុងក្រោយពានរង្វាន់ FIFA Women's World Cup ឆ្នាំ២០១៩ រួមជាមួយអាល្លឺម៉ង់ អង់គ្លេស និងន័រវែសដែលឈ្នះការប្រកួតរៀងខ្លួននៅវគ្គ១៦ក្រុមចុងក្រោយ។
នាការប្រកួតវគ្គ១/៨ផ្តាច់ព្រ័ត្រ នាយប់ថ្ងៃទី២៣ ខែមិថុនា ក្រុមកីឡាការិនីរហស្សនាមមាន់គកបារាំងបានយកឈ្នះសាំបាប្រេស៊ីលដោយលទ្ធផល ២-១ មុនពេលអង់គ្លេសទម្លាក់កាមេរូនដោយលទ្ធផល ៣-០។ មុនជំនួបរវាងពីរគូនេះ ក្រុមតន្ទ្រីដែកអាល្លឺម៉ង់បានទទួលជ័យជម្នះលើក្រុមពីទ្វីបអាហ្វ្រិកនីហ្សេរីយ៉ា ៤-០ ហើយន័រវែសឈ្នះអូស្ត្រាលីដោយបាល់កាច់សេចក្តីប៉េណាល់ទីក្រោយបញ្ចប់ការប្រកួតក្នុងម៉ោងផ្លូវការ ១-១។
ដូច្នេះក្រុមតោកំណាចអង់គ្លេសត្រូវតទល់ជាមួយន័រវែសនៅវគ្គ១/៤ផ្តាច់ព្រ័ត្រ។ ម្ចាស់ផ្ទះបារាំងត្រូវអង្គុយរង់ចាំការជួបគ្នារវាងអេស្ប៉ាញនិងអាមារិក ខណៈអាល្លឺម៉ង់ក៏ត្រូវចាំការប្រកួតរវាងស៊ុតអែតជាមួយកាណាដាផងដែរ៕
Tag:
បាល់ទាត់
World Cup Women
© រក្សាសិទ្ធិដោយ thmeythmey.com