កីឡាអន្តរជាតិ
អន្តរជាតិ
Man Utd ជិតទិញបានខ្សែការពារ Wan-Bissaka ពី Crystal Palace តម្លៃ៧០លានដុល្លារ
× Manchester United ជិតទិញបានខ្សែការពារ Aaron Wan-Bissaka ពី Crystal Palace ហើយ ដែលគេជឿជាក់ថាមានតម្លៃផ្ទេរ ៥៥លានផោន (៧០លានដុល្លារអាមេរិក)។
បើតាមការផ្សាយរបស់ Goal.com ខ្សែការពារស្លាបស្តាំសញ្ជាតិអង់គ្លេស វ័យ២១ឆ្នាំរូបនេះ នឹងត្រូវទៅពិនិត្យសុខភាពនៅទឹកដី Old Trafford នៅសប្តាហ៍នេះតែម្តង។ Wan-Bissaka នឹងក្លាយជាកីឡាករទី២បន្ទាប់ Daniel James ដែលលោករបស់ Ole Gunnar Solskjaer ទិញពី Swansea City ក្នុងតម្លៃ១៩លានដុល្លារកាលពីដើមខែមិថុនានេះ។
Goal បានបញ្ជាក់ទៀតថា Wan-Bissaka បានទៅកាន់ទីលានហ្វឹកហាត់ Carrington របស់ Man Utd មុនពេលទៅចូលរួមជាមួយក្រុមជម្រើសជាតិអង់គ្លេសអាយុក្រោម២១ឆ្នាំ សម្រាប់ការប្រកួតពានរង្វាន់អ៊ឺរ៉ុប Euro-U20 នៅរដូវក្តៅនេះនៅអ៊ីតាលី។
Wan-Bissaka បង្ហាញខ្លួនយ៉ាងល្អក្នុងតំណែងខ្សែការពារស្លាបស្តាំសម្រាប់ Crystal Palace រដូវកាលមុន។ ការផ្លាស់ទៅកាន់ក្លិបបិសាចក្រហមរូបគេនឹងត្រូវជំនួសតំណែងរបស់ Antonio Valencia ដែលចាកចេញពី Old Trafford រដូវកាលថ្មីនេះ៕
Tag:
បាល់ទាត់
Aaron Wan-Bissaka
Manchester United
© រក្សាសិទ្ធិដោយ thmeythmey.com