អចលនទ្រព្យ
អត្ថបទពាណិជ្ជកម្ម
×![]()
ដោយ: ថ្មីៗ
ជាទូទៅ មនុស្សភាគច្រើនចង់រស់នៅក្នុងផ្ទះធំ ផ្ទះវីឡា ឬផ្ទះដែលមានទំហំទូលាយ ដោយ សារគេជឿថាវា អាចធ្វើឲ្យការរស់នៅ កាន់តែមានសុភមង្គល។ នេះប្រហែលជាការពិតមែនហើយ។ ប៉ុន្តែវាមិនមែនមានន័យថា ផ្ទះដែលមានបន្ទប់តិច និងមានទំហំតូច មិនអាចផ្តល់ក្តីសុខឲ្យដល់ជីវិតនោះឡើយ។
ការពិតផ្ទះតូច ឬធំ វាអាចធ្វើឲ្យអ្នកដែលជាម្ចាស់ផ្ទះ ទទួលបានអារម្មណ៍កក់ក្តៅដូចគ្នា និងអាចរស់នៅ ក្នុងជីវិតបែបទាន់សម័យដូចគ្នា។ ប៉ុន្តែប្រហែលជាផ្ទះទំហំតូច មានកន្លែងតូចចង្អៀតបន្តិច ដូច្នេះហើយម្ចាស់ផ្ទះត្រូវតែមានភាពឆ្លាតវៃ ក្នុងការរៀបចំផ្ទះតូច ឲ្យទៅជាលំនៅដ្ឋានល្អបំផុត។
ខាងក្រោមជាចំណុចខ្លះៗ ដែលអាចផ្លាស់ប្តូរការគិតបែបអវិជ្ជមានចំពោះផ្ទះដែលមានទំហំតូច៖
ទីតាំង
ទីតាំងជាកត្តាសំខាន់បំផុត សម្រាប់អចលនទ្រព្យ។ ទីតាំងកាន់តែល្អ យូនីតកាន់តែថ្លៃ។ ដូច្នេះយូនីត លំនៅដ្ឋានតូចៗល្មមបែបខុនដូ អាផាមេន ផ្ទះល្វែងជាន់លើ ជាជម្រើសអ្នកមានប្រាក់មានកំណត់។ បើទោះបីផ្ទះរបស់អ្នក មានទំហំតូចពិតមែន តែអ្នកទទួលបានចំណេញដ៏ច្រើន ពីសក្តានុពល និងសេវាកម្មដែលមានស្រាប់ នៃតំបន់លំនៅដ្ឋានរបស់អ្នក។ ហើយទាំងនេះ ប្រហែលជាអ្វីដែលអ្នកកំពុងតែត្រូវការចាំបាច់។
ឧទាហរណ៍ អ្នកមានផ្ទះ ដែលមានបន្ទប់គេងមួយ នៅក្នុងសង្កាត់បឹងកេងកេង១ ឬដូនពេញ អ្នកនឹងទទួលបានសេវាកម្មគ្រប់បែបយ៉ាងដូចជា សាលារៀន មន្ទីរពេទ្យ ហាងទំនិញ ហាងកាហ្វេ ភោជនីយដ្ឋាន ស្ថាប័នរដ្ឋ និងសេវាកម្មសំខាន់ៗ ជាច្រើនទៀត។ ពិតណាស់អ្នកត្រូវការសេវាកម្មទាំងនេះ។
ប្លង់បន្ទប់ស្អាត
ទំហំបន្ទប់តូច មិនមែនតែងតែជាបញ្ហានោះទេ។ ប្រសិនបើវាមានប្លង់ ដែលមានរៀបចំដោយអ្នកជំនាញ ដែលបានបែងចែកច្បាស់លាស់ នូវកន្លែងមុខងារសំខាន់ៗ ដូចជាផ្ទះបាយ កន្លែងញ៉ាំអាហារ បន្ទប់ទឹក បន្ទបគេង និងរានហាលជាដើម។ ការរៀបចំប្លង់បានត្រឹមត្រូវ អ្នកនឹងមិនមានអារម្មណ៍ថា ផ្ទះរបស់អ្នកមានទំហំតូចនោះទេ។ ជាក់ស្តែង អ្នកអាចរកបានផ្ទះ ឬខុនដូប្រភេទជាមួយគម្រោង The View គម្រោង ឡាវីស្តារ និងគម្រោង CPEC Roman garden ជាដើម។
សម្រាប់បុរីវិញ នៅពេលបច្ចុប្បន្ន ផ្ទះបែបនេះត្រូវបានអភិឌ្ឍន៍សាងសង់ចាប់ពី ៤ ម៉ែត្រ គុណ ៨ ម៉ែត្រឡើងទៅ។ វាតូចពិតមែន ប៉ុន្តែប្លងផ្ទះស្អាតគួរសម។
ចេះរៀបចំ និងដេគ័របន្ថែម
បើអ្នករៀបចំ អ្នកនឹងទទួលបានបន្ទប់ស្អាត។ ការរៀបចំ សំដៅដល់ការតុបតែងលម្អ ឲ្យបន្ទប់នីមួយៗមានភាពទាក់ទាញជានិច្ច។ ពោលគឺការបោសសម្អាតបន្ទប់នីមួយៗឲ្យស្អាត ការតុបតែងទ្វារ និងផ្លូវចូល ការលាបពណ៌បន្ថែម ការដាក់កម្រាលព្រំនៅមុខទ្វារផ្ទះ មានផើងផ្កា ឬដាំកូនរុក្ខជាតិ ឱ្យមានសណ្តាប់ធ្នាប់ និងស្រស់ស្អាត។ ក្រៅពីនេះ វាក៏ទាមទាឲ្យចេះរៀបចំប្រភពទឹក ឬសួន ដោយរៀបចំឱ្យមានរបៀប។ នៅក្នុងបន្ទប់ គួរប្រើកញ្ចក់ ដើម្បីឲ្យបន្ទប់មើលទៅទូលាយ។
បើអ្នករៀបចំ អ្នកនឹងទទួលបានបន្ទប់ស្អាត។ ការរៀបចំ សំដៅដល់ការតុបតែងលម្អ ឲ្យបន្ទប់នីមួយៗមានភាពទាក់ទាញជានិច្ច។ ពោលគឺការបោសសម្អាតបន្ទប់នីមួយៗឲ្យស្អាត ការតុបតែងទ្វារ និងផ្លូវចូល ការលាបពណ៌បន្ថែម ការដាក់កម្រាលព្រំនៅមុខទ្វារផ្ទះ មានផើងផ្កា ឬដាំកូនរុក្ខជាតិ ឱ្យមានសណ្តាប់ធ្នាប់ និងស្រស់ស្អាត។ ក្រៅពីនេះ វាក៏ទាមទាឲ្យចេះរៀបចំប្រភពទឹក ឬសួន ដោយរៀបចំឱ្យមានរបៀប។ នៅក្នុងបន្ទប់ គួរប្រើកញ្ចក់ ដើម្បីឲ្យបន្ទប់មើលទៅទូលាយ។
អ្នកនឹងកាន់តែពេញចិត្ត បើសិនបើក្នុងផ្ទះរបស់អ្នក មានការិយាល័យសម្រាប់ធ្វើការងារ ឬអានសៀវភៅ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
