-​ល្បី​កក្រើក ល្បើក​កក្រោះ អស់​អាប់មុខ​

​រៀង​ទំនុក រុក​ទំនៀម ត្រៀម​ដោះស្រាយ​

​តទៅ​មុខ ទុក​ទៅ​មាន រៀន​ខ្វល់ខ្វាយ​

​ត្រូវ​ត្រៀម​កាយ ត្រាយ​ត្រៀម​កិច្ច ច្បិច​ច្បាស់ច្បង​។​

 

-​ផ្តើម​ចេះ​ចាំ ផ្តាំ​ចេះ​ចោទ ផ្តោត​ខុសត្រូវ​

​ត្រាច់​ត្រង់​ផ្លូវ ត្រូវ​ត្រង់​ផ្លោះ ច្រោះ​សៅហ្មង​

​ដឹង​ដំណាល ដាល​ដំណក់ ដក់ចិត្ត​ចង​

​ត្រៀម​ចំណង ត្រង​ចំណាំ ចាំ​ទទួល​។​

 

-​ចាប់​បណ្តុះ ចុះ​បណ្តាក់ ចាក់​ចំណេះ​

​ចាប់​ហ៊ាន​កេះ ចេះ​ហ៊ាន​កាយ ឆាយ​ក្តី​ក្តួល​

​ឈប់​បំពាន ឈាន​បំពោក ឈ្ងោក​ចាំ​ស្រួល​

​ស្រុះ​ទទួល ស្រួល​ទទូច ស្ទូច​ស្ទង់​កិច្ច​។​

 

-​ស្ទា​ទម្លុះ ស្ទុះ​ទម្លាយ ស្ពាយ​ទម្លាប់​

​រៀន​ផ្សារភ្ជាប់ រាប់​ផ្សារ​ភ្ជិត គិត​ច្បាម​ច្បិច​

​ចាំ​ឲ្យ​ច្បាស់ ចាស់​ឲ្យ​ច្បាំង តាំង​ល្បោយ​ល្បិច​

​ការណ៍​ដូចម្តេច កិច្ច​ដូច​ម្តា ហា​ទទួល​៕