ចង់ធ្វើអ្វីដែលប្លែក! លោក វិបុល រៀនចេះ«អារក្បាច់ស្ពាន់»ខ្លួនឯង ដែលជាជំនាញកម្រ

ជាតិ

បទយកការណ៍ / បទសម្ភាសន៍

ចង់ធ្វើអ្វីដែលប្លែក! លោក វិបុល រៀនចេះ«អារក្បាច់ស្ពាន់»ខ្លួនឯង ដែលជាជំនាញកម្រ

02, Jul 2019 , 8:59 pm

រូបភាព

ដោយ: ភួង វ៉ាន់ថា

ភ្នំពេញ៖ ដោយចិត្តស្រលាញ់ផ្នែកវិចិត្រសិល្បៈ លោក សុខ សុវណ្ណវិបុល បានតស៊ូរអស់រយៈពេល ១០ឆ្នាំ ដើម្បីបង្កើតស្នាដៃលើការ អារក្បាច់ស្ពាន់ ដែលគេទទួលស្គាល់នាពេលបច្ចុប្បន្ននេះ។ បានរៀនផ្នែកក្បាច់ និងគំនូរបែបទំនើប ប៉ុន្ថែលោកមិនបានចាប់អាជីពជាជាងគំនូរនោះទេ ព្រោះចង់ធ្វើអ្វីដែលប្លែក។ លោកបានសម្រេចចិត្តយកស្ពាន់មកច្នៃ ឬអារ ឲ្យលេចជាផ្ទាំងរូបភាព ឬវត្ថុផ្សេងៗ ដូចជា ផ្ទាំងរូបព្រះពុទ្ធ បន្តោងសោ វត្ថុអនុស្សាវរីយ ជាដើម ជាមួយនឹងការលម្អដោយក្បាច់ខ្មែរ។ លោកអះអាងថា អារក្បាច់ស្ពាន់ ដែលលោកចេះមកទល់សព្វថ្ងៃនេះ គឺលោករៀនពីការច្នៃប្រឌិដ្ឋដោយខ្លួនឯង តែសិល្បៈក្បាច់គឺលោកចេះពីគ្រូ។