ជាតិ
សេដ្ឋកិច្ច
កម្ពុជាខាតបង់ជាង ៦០០លានដុល្លារក្នុងមួយឆ្នាំ ដោយសារបញ្ហាជក់បារី
× ការសិក្សាថ្មីមួយបង្ហាញថា ជំងឺទាក់ទងនឹងថ្នាំជក់ បានធ្វើឲ្យខាតបង់សេដ្ឋកិច្ចកម្ពុជាប្រមាណ ៦៥៧លានដុល្លារក្នុងមួយឆ្នាំ។ ការខាតបង់ទាំងនេះ បូករួមនូវការចំណាយលើការថែទាំងសុខភាព បាត់បង់ផលិតភាពដោយសារការស្លាប់មុនអាយុ ពិការភាព និងការសម្រាកក្នុងពេលធ្វើការដើម្បីជក់បារី។
តួលេខខាងលើនេះ គឺយោងតាមរបាយការណ៍អំពីផលប៉ះពាល់នៃថ្នាំជក់លើផ្នែកសុខភាព និងសេដ្ឋកិច្ចនៅកម្ពុជា ដែលនឹងត្រូវសម្ពោធនៅព្រឹកថ្ងៃទី៤ខែកក្កដាឆ្នាំ២០១៩ នៅសណ្ឋាគារ Sunway ភ្នំពេញ។ គួរបញ្ជាក់ថា ការសិក្សានេះត្រូវបានធ្វើឡើងដោយក្រុមការងារអន្តរជាតិដែលដឹកនាំដោយកម្មវិធីអភិវឌ្ឍន៍សហប្រជាជាតិ (UNDP) អង្គការសុខភាពពិភពលោក (WHO) និង RTI International ៕
© រក្សាសិទ្ធិដោយ thmeythmey.com