ជាតិ
ក្រុមចម្រៀងនិងរាំ Tempura Kidz ដ៏ល្បីនៅជប៉ុន មកសំដែងនៅកម្ពុជា
× ក្រុមចម្រៀងនិងរាំ Tempura Kidz ដែលលេចធ្លោនៅប្រទេសជប៉ុន នឹងមកសំដែងនៅរាជធានីភ្នំពេញក្នុងកម្មវិធីបុណ្យផ្កាយឆ្នាំ២០១៩ និងកម្មវិធីផ្សេងៗទៀតចាប់ពីថ្ងៃទី១២ ដល់ទី១៩ ខែកក្កដា ឆ្នាំ២០១៩។ នេះបើតាមសេចក្ដីប្រកាសព័ត៌មានរបស់ស្ថានទូតជប៉ុន។
Tempura Kidz ជាក្រុមចម្រៀនិងរាំ ដែលពេញនិយមមានសមាជិត៤រូប ក្នុងនោះមានស្រី៣នាក់ ដែលបង្កើតឡើងនៅឆ្នាំ២០១២។ Tempura Kidz បានចូលរួមសំដែងនៅឆាកអន្តរជាតិជាច្រើន រហូតដល់១៣ប្រទេសនិង១៧ទីក្រុង ក្នុងនោះមានកម្ពុជាផងដែរ។ នេះជាលើកទីពីរ ពួកគេមកកាន់កម្ពុជា បន្ទាប់ពីមកលើកដំបូងនៅឆ្នាំ២០១៧។
កម្មវិធីបុណ្យផ្កាយឆ្នាំ២០១៩ គឺចូលរួមដោយសេរីដែលរៀបចំនៅមជ្ឈមណ្ឌលសហប្រតិបត្តិការកម្ពុជាជប៉ុន (CJCC ) ចាប់ពីរសៀលថ្ងៃទី១៣ ខែកក្កដា ហើយការប្រកួតតន្ត្រីពិសេសប្រព្រឹត្តទៅល្ងាចថ្ងៃទី១៤ ខែកក្កដា នៅសាលអង្គរ-គីហ្សូណា នៃ CJCC ៕
Tag:
បុណ្យផ្កាយ
TEMPURA KIDZ
© រក្សាសិទ្ធិដោយ thmeythmey.com