ជាតិ
ក្រសួង ណែនាំឲ្យមន្ទីរទេសចរណ៍យកចិត្តទុកដាក់ទប់ស្កាត់គ្រឿងញៀនតាមកន្លែងកម្សាន្ត
× ក្រសួងទេសចណ៍ បានណែនាំឲ្យប្រធានមន្ទីរទេសចរណ៍ទាំងអស់ យកចិត្តទុកដាក់ និងបន្តពង្រឹងកិច្ចសហប្រតិបត្តិការបង្ក្រាបបទល្មើសគ្រឿងញៀន នៅតាមកន្លែងកម្សាន្ត និងកន្លែងសប្បាយនានា។ នេះបើយោងតាមលិខិតចុះថ្ងៃទី៣ កក្កដារបស់ក្រសួងទេសចរណ៍ផ្ញើទៅប្រធានមន្ទីរទេសចរណ៍រាចធានី-ខេត្ត។
តាមលិខិតដដែល ការណែនេះធ្វើឡើង បន្ទាប់ពីក្រសួងសង្កេតឃើញថា ក្រុមឧក្រិដ្ឋជនគ្រឿងញៀននៅតែបន្តលួចលាក់ចរាចរគ្រឿងញៀនតាមគ្រប់វិធី និងនៅតាមក្លិបកម្សាន្ត និងកន្លែងសប្បាយជាដើម។
ដើម្បីទប់ស្កាត់បញ្ហានេះ ក្រសួងទេសចរណ៍ បានប្រាប់ទៅប្រធានមន្ទីរទេសចរណ៍ទាំងអស់ ឲ្យពង្រឹងការអនុវត្តតាមការណែនាំរបស់ក្រសួង ជុំវិញសកម្មភាពចូលរួមទប់ស្កាត់គ្រឿងញៀនខុសច្បាប់ក្នុងវិស័យទេសចរណ៍។ ទន្ទឹមនឹងពង្រឹងការអនុវត្តការងារ ក្រសួងទេសចរណ៍ ក៏ប្រាប់ទៅប្រធានមន្ទីរទេសចរណ៍ ឲ្យបង្កើនកិច្ចសហប្រតិបត្តិការ និងចូលរួមជាមួយសមត្ថកិច្ចពាក់ព័ន្ធ ក្នុងការអនុវត្តច្បាប់ ក្នុងដែនសមត្ថកិច្ចរបស់ខ្លួន ចំពោះមូលដ្ឋានដែលពាក់ព័ន្ធនឹងបទល្មើសជួញដូរ និងប្រើប្រាស់គ្រឿងញៀន៕
Tag:
ក្រសួងទេសចរណ៍
ទប់ស្កាត់
គ្រឿងញៀន
© រក្សាសិទ្ធិដោយ thmeythmey.com