អត្ថបទពាណិជ្ជកម្ម
ធនាគារ អិម ជី អិន អេមផឹករើរ ប៊េង ចាប់ផ្តើមរប្រត្តិបត្តិការអាជីវកម្មរបស់ខ្លួននៅកម្ពុជា
×![]()
ដោយ: ថ្មីៗ
កាលពីថ្ងៃទី៧ ខែកក្កដា ឆ្នាំ២០១៩ ធនាគារ អិម ជី អិន អេមផឹករើរ ប៊េង ម.ក ដែលជាធនាគារពាណិជ្ជថ្មីមួយ បានប្រកាសចាប់ផ្តើមធ្វើប្រតិបត្តិការអាជីវកម្មរបស់ខ្លួនជាផ្លូវការ នៅក្នុងប្រទេសកម្ពុជា។ ការបើកប្រត្តិបត្តិការអាជីវកម្មរបស់ធនាគារ អិម ជី អិន អេមផឹករើរ ប៊េង នាពេលនេះ ប្រៀបបាននឹងការបើកទំព័រប្រវត្តិសាស្ត្រថ្មី នៃវិស័យធនាគារនៅកម្ពុជាដូច្នោះដែរ ស្របពេលដែលគេក៏សង្កេតឃើញផងដែរ ពីបរិបទនៃការរីកចម្រើន និងការទំនើបកម្មយ៉ាងឆាប់រហ័ស នៃវិស័យពាណិជ្ជកម្ម និងឧស្សាហកម្មនៅក្នុងប្រទេសមួយនេះ។
ធនាគារ អិម ជី អិន អេមផឹករើរ ប៊េង ម.ក មានការិយាល័យកណ្តាលធនាគារ ស្ថិតនៅតាមបណ្តោយមហាវិថីព្រះនរោត្តម ទល់មុខធនាគារជាតិនៃកម្ពុជាដែលជាបណ្តុំពាណិជ្ជកម្ម ដ៏សំខាន់ ចំកណ្តារាជធានីភ្នំពេញ។
លោក ឱម វិសាល អគ្គនាយកធនាគារ អិម ជី អិន អេមផឹករើរ ប៊េង ម.ក បានមានប្រសាសន៍ថា នៅក្នុងដំណាក់កាលដំបូងនេះ ធនាគារ អិម ជី អិន អេមផឹករើរ ប៊េង នឹងផ្តោតលើគោលដៅ អាទិភាពមួយចំនួនដូចជា៖
១.បំពាក់ម៉ាស៊ីនដាក់ និងដកប្រាក់ស្វ័យប្រវត្តិ (ម៉ាស៊ីន ATM ) ដែលប្រើប្រាស់បច្ចេកវិទ្យា សម្គាល់ភិនភាគផ្ទៃមុខ (Facial Recognition Technology) ដើម្បីផ្តល់នូវភាពងាយស្រួល ឆាប់រហ័ស និងមានសុវត្តិភាពខ្ពស់សម្រាប់អតិថិជន។
២. បង្កើត Emperor Banking Center សម្រាប់បម្រើអតិថិជន ដើម្បីទទួលបាននូវបទពិសោធន៍សេវា One Step Service។
៣. វិនិយោគបន្ថែម ព្រមទាំងសហការជាមួយក្រុមហ៊ុនបច្ចេកវិទ្យាហិរញ្ញវត្ថុ (Fin Tech) ដើម្បីបង្កើតមូលដ្ឋានគ្រឹះទិន្នន័យ ឌីជីថល សម្រាប់ការវាយតម្លៃហានិភ័យឥណទាន និងការផ្តល់ប្រឹក្សាហិរញ្ញវត្ថុ ជូនដល់អតិថិជនគោលដៅ។
ដើម្បីសម្រចបានគោលដៅអទិភាពខាងលើ ធនាគារបានស្នើសុំឲ្យមានការចូលរួមចំណែក ពីវិនិយោគិននានា ជាពិសេស វិនិយោគិនដែលជាបណ្តាញទំនាក់ទំនង របស់ម្ចាស់ភាគហ៊ុន ធនាគារ និងបានចូលរួមក្នុងព្រឹត្តការណ៍ បើកដំណើរការប្រតិ្តបត្តិការធនាគារ ដែលបានឃើញច្បាស់ ពីទិន្ឋភាព និងកាលានុវត្តភាពនៅកម្ពុជា។ ដើម្បីគាំទ្រ និងវិនិយោគជាមួយធនាគារ ព្រមទាំងជួយកៀងគរ វិនិយោគគិនដទៃទៀត ឲ្យចូលរួមវិនិយោគ សំដៅជំរុញការអភិវឌ្ឍសេដ្ឋកិច្ច និងសង្គមស្រមតាមចក្ខុវិស័យរបស់រាជរដ្ឋាភិបាលកម្ពុជា ក្នុងការលើកម្ពស់សេដ្ឋកិច្ចទីផ្សាសេរីក្នុងប្រទេសកម្ពុជា ក្នុងតំបន់ និងអន្តរជាតិ។ ជាពិសេសលើវិស័យសក្តានុពលមួយចំនួន ដូចជាវិស័យសេវាកម្ម អចលនទ្រព្យ កសិកម្ម ទេសចរណ៍ ឧស្សាហកម្ម ដែលកំពុងមានសន្ទុះ លូតលាស់គួរឲ្យកត់សម្គាល់ នាពេលបច្ចុប្បន្ន។
គួរបញ្ជាក់ដែរថា ដើម្បីចូលរួមជាមួយរាជរដ្ឋាភិបាល ធនាគារមានចក្ខុវិស័យជាក់លាក់ ចំពោះទីផ្សារគោលដៅ និងមានផែនការយុទ្ធសាស្ត្រ ច្បាស់លាស់ ក្នុងការអភិវឌ្ឍ និងពង្រីកសក្តានុពលរបស់ខ្លួន ដោយឈរលើស្មារតីរួមគឺ «រួមគ្នាគិត! រួមគ្នាធ្វើ! » សម្រាប់តម្រង់ទិស លើរាល់ការធ្វើសេចក្តីសម្រេចចិត្ត ដើម្បីសម្រេចគោលដៅនានាជាមួយអតិថិជន។ ម្យ៉ាងវិញទៀត ធនាគារ អិម ជី អិន អេមផឹករើរ ប៊េង ក៏បានកំណត់នូវចក្ខុវិស័យ និងផែនការយុទ្ធសាស្ត្ររយៈពេលវែង សម្រាប់ពង្រីកកេរ្តិ៍ឈ្មោះ និងវិសាលភាពអាជីវកម្មរបស់ខ្លួន នៅថ្ងៃអនាគតផងដែរ។ នៅពេលជោគជ័យ និងបានឈរជើងរឹងមាំនៅកម្ពុជាហើយនោះ ធនាគារ នឹងពង្រីកអាជីវកម្មរបស់ខ្លួន ទៅកាន់តំបន់អាស៊ាន អាហ្វ្រិក អាមេរិក និងអឺរ៉ុប៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
