ជាតិ
បាក់ឌុប
បាក់ឌុប៖ ក្នុងពេលប្រឡងគណិតវិទ្យា តើសិស្ស គួរធ្វើលំហាត់ពិបាកមុន ឬស្រួលមុន?
× ភ្នំពេញ៖ ក្នុងដំណើរការប្រឡងសញ្ញាបត្រមធ្យមសិក្សាទុតិយភូមិ មិនមានពេលច្រើនទេ សម្រាប់បេក្ខជនម្នាក់ៗ។ ដើម្បីធ្វើឲ្យទាន់ពេលវេលា និងមិនឲ្យអារម្មណ៍ស្មុគស្មាញ បេក្ខជន គួរតែធ្វើលំហាត់ស្រួលមុនលំហាត់ពិបាក។ នេះជាការបញ្ជាក់របស់លោក នាង បូ សាស្ត្រាចារ្យគណិតវិទ្យានៃវិទ្យាល័យបាក់ទូក និងសាលាមហាសាស្ត្រា។
វិញ្ញាសាមុខវិជ្ជាគណិតវិទ្យា ឬមុខវិជ្ជាដទៃ សុទ្ធតែមានលំហាត់ស្រួល និងលំហាត់ពិបាក សម្រាប់ដោះស្រាយ។ រយៈពេល១វិនាទីៗក្នុងពេលប្រឡង មានសារៈសំខាន់ណាស់សម្រាប់បេក្ខជន ហើយបេក្ខជនគួរតែបែងចែកពេលវេលា និងការដោះស្រាយឲ្យត្រឹមត្រូវផងដែរ។ ក្នុងបទសម្ភាសជាមួយសារព័ត៌មានថ្មីៗ លោកសាស្ត្រាចារ្យ នាង បូ បញ្ជាក់យ៉ាងដូច្នេះ៖ «ក្នុងពេលប្រឡង កូនត្រូវអានប្រធានឲ្យច្បាស់សិន រួចធ្វើគម្រោង។ ដោយលំហាត់ណាស្រួលជាងគេ ធ្វើលំហាត់នោះមុន ដើម្បីតម្កល់ពិន្ទុទុក។ ក្នុងករណីដល់លំហាត់លំបាក ធ្វើទៅគាំង និងខូចអារម្មណ៍ ពេលនោះកូនបានតម្កល់ពិន្ទុស្រួលៗរួចហើយ»។
ដើម្បីជ្រាបច្បាស់ សូមអញ្ជើញទស្សនាបទសម្ភាសខ្លីរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey ជាមួយលោក នាង បូ សាស្ត្រាចារ្យគណិតវិទ្យាដូចតទៅ៖
សូមបញ្ជាក់ថា សម័យប្រឡងសញ្ញាបត្រមធ្យមសិក្សាទុតិយភូមិ ដែលប្រព្រឹត្តទៅនៅថ្ងៃទី ១៩ ខែសីហា ២០១៩ខាងមុខនេះ មានបេក្ខជនដាក់ពាក្យសរុប ១១៩, ២១៧នាក់ ក្នុងនោះថ្នាក់វិទ្យាសាស្ត្រ មានចំនួន ៤៥, ៤១៤នាក់ និងថ្នាក់វិទ្យាសាស្ត្រសង្គម ចំនួន ៧៣, ៨០៣នាក់។ សម្រាប់មុខវិជ្ជាជម្រើសថ្នាក់វិទ្យាសាស្ត្រ គឺប្រវត្តិវិទ្យា និងថ្នាក់វិទ្យាសាស្ត្រសង្គម គឺផែនដី-បរិស្ថានវិទ្យា៕
© រក្សាសិទ្ធិដោយ thmeythmey.com