បើទោះចូលក្នុងវ័យចាស់ជរារៀងៗខ្លួនក៏ដោយ ក៏លោកតា Vin McNamara នៅតែរក្សាចំណងស្នេហ៍ដ៏ស្មោះស្ម័គ្រ ជាមួយភរិយារបស់គាត់ដែរ។ លោកតា និងលោកយាយ បានកាន់រូបថតមួយសន្លឹកជាអនុស្សាវរីយ៍ដ៏ផ្អែមល្ហែម កាលពួកគាត់រៀបការនៅទីក្រុងដ៍ ចក្រភពអង់គ្លេស ជាទីកន្លែងដែលពួកគាត់ទាំងពីរ សិក្សាជាមួយគ្នា។ លោកតា Kiss ជីដូន និងលើកនំ Cake ឲ្យលោកយាយ ផ្លុំទាំងទឹកភ្នែករលីរលោង។ ឯជីដូន ដៃញ័រ នឹងខំផ្លុំដោយខ្យល់ដង្ហើមតិចៗ រហូតទៀនរលត់ ខណៈដែលមានស្នូរទះដៃពីភ្ញៀវរបស់គាត់ ដែលសុទ្ធតែជាយុវជនជំនាន់ថ្មី នៃក្រុមការងារក្រុមហ៊ុនថែទាំសុខភាពចល័ត ម៉ាច់ ដោយពួកគេម្នាក់ៗ រីករាយសើចញញឹមញញែម និងនិយាយបែបលែងសើច ទំនងច្រណែននឹងគូស្នេហ៍តាយាយផង។
ខួបអាពាហ៍ពិពាហ៍លក្ខណៈតូចមួយនេះ គឺបានធ្វើឡើងប្រកបដោយភាពរីករាយ ជាមួយនឹងការថតរូបបែបផ្អែមល្ហែម នៅផ្ទះល្វែងមួយកន្លែង ក្នុងទីក្រុងភ្នំពេញ។ ពិធីខួបអាពាហ៍ពិពាហ៍លើកទី៥៦នេះ គឺធ្វើឡើងបន្ទាប់ពីលោកយាយ Avis McNamara អាយុ៨៤ឆ្នាំ ធ្លាក់ខ្លួនឈឺធ្ងន់អស់ជាច្រើនឆ្នាំ ហើយសុខភាពរបស់គាត់ ទើបតែត្រឡប់មករកភាពប្រសើរ ក្រោមការមើលថែ និងព្យាបាល ពីសេវាថែទាំសុខភាពចល័ត ម៉ាច់ (MUCHs)។
តាមពិតទៅ ខួបអាពាហ៍ពិពាហ៍នេះ គឺជាគំនិតផ្តួចផ្តើមរបស់អ្នកស្រី នាយិកាក្រុមហ៊ុន ដើម្បីធ្វើឲ្យពួកគាត់កាន់តែទទួលបាននូវភាពរីករាយ លើសពីការថែទាំវេជ្ជសាស្ត្រ ដែលបានធ្វើឲ្យសុខរាងកាយគាត់ មានភាពប្រសើរឡើងៗ ពីមួយថ្ងៃទៅមួយថ្ងៃ។
លោកតា Vin McNamara វ័យ៨៨ឆ្នាំ បានមានប្រសាសន៍ថា៖«ខ្ញុំមានអារម្មណ៍ថា សប្បាយរីករាយណាស់នៅថ្ងៃនេះ។ មែនទែនទៅ ខ្ញុំមានការចងចាំនូវអនុស្សាវរីយ៍ល្អៗជាច្រើន ជាមួយនឹងភរិយារបស់ខ្ញុំ ស្ទើរពេញមួយឆាកជីវិតទៅហើយ។ ហើយសុភមង្គល និងការចងចាំនូវអនុស្សារីយ៍ទាំងនោះ នៅតែបន្តរហូតមកដល់សព្វថ្ងៃនេះ។ ខ្ញុំពិតជារំភើប និងមានសេក្តីសោមនស្សរីករាយណាស់»។
បើតាមប្រសាសន៍របស់លោកតា Vin McNamara សេវាកម្មថែទាំសុខភាពចល័តម៉ាច់ ពិតជាបានផ្តល់សេវាកម្មល្អណាស់ ចំពោះការថែទាំសុខភាព ភរិយារបស់លោកតា។ កាលពីដំបូងឡើយ លោកតា បានទទួលសេវាកម្មថែទាំសុខភាព ពីគិលានុបដ្ឋាកផ្សេងៗគ្នាពីរ ឬបីនាក់ ប៉ុន្តែ លោកតា ទើបទទួលបានសេវាថែទាំសុខភាពចល័ត របស់ MUCHs គឺពួកគេបានថែទាំសុខភាពភរិយារបស់លោកតា បានដិតដល់បំផុត។
លោកតាបន្តយ៉ាងដូច្នេះថា៖ «MUCHs ពិតជាបានបំពេញភារកិច្ចល្អណាស់ ក្នុងការផ្តល់ទំនុចិត្ត ជាពិសេសការផ្តល់ការថែទាំអ្នកជំងឺ ដោយការយកចិត្តទុកដាក់យ៉ាងខ្លាំង។ ឥឡូវនេះ ភរិយារបស់ខ្ញុំ មានកម្លាំងឡើងវិញ អាចធ្វើដំណើរបាន ហើយពួកយើងគ្រោងធ្វើដំណើរត្រលប់ទៅប្រទេសអូស្ត្រាលីនៅសប្តាហ៍នេះ។ ប្រសិនបើភរិយារបស់ខ្ញុំ អាចត្រឡប់មកកម្ពុជាវិញ ក្នុងរយៈពេល៣ខែក្រោយ ខ្ញុំនឹងជ្រើសរើសសេវាថែទាំសុខភាពចលត័ម៉ាច់ ដើម្បីមើលថែទាំភរិយាខ្ញុំបន្តទៀត។ លោកតាបន្តទៀតថា«ខ្ញុំចូលចិត្តប្រទេសកម្ពុជាណាស់។ ខ្ញុំ និងភរិយា បានមករស់នៅទីនេះ តាំងពីឆ្នាំ១៩៩៣»។
ក្រុមហ៊ុនថែទាំសុខភាពចល័តម៉ាច់ មានសេវាដូចជា៖ សេវាថែទាំចាស់ជរា អ្នកជំងឺរ៉ាំរ៉ៃ អ្នកជំងឺដែលសម្រាកនៅមន្ទីរពេទ្យ និងថែទាំក្រោយចេញពីមន្ទីរពេទ្យដល់គេហដ្ឋាន និងពិគ្រោះព្យាបាលជំងឺ ដោយវេជ្ជបណ្ឌិតជំនាញជាដើម។
សហគ្រិនស្ត្រី សំដីទន់ភ្លន់ អ្នកស្រី ឌី ផនភិរម្យ ជាសហស្ថាបនិកក្រុមហ៊ុនថែទាំសុខភាពចល័ត បានមានប្រសាសន៍ថា ការរៀបចំខួបអាពាហ៍ពិពាហ៍នេះ គឺជាផ្នែកមួយធ្វើពួកគាត់សប្បាយចិត្ត ស្របពេលដែលសុខភាពអ្នកជំងឺ បានប្រសើរឡើងពីមួយពេលទៅមួយពេល។ អ្នកស្រីបានអត្ថាធិប្បាយបន្ថែមយ៉ាងដូច្នេះថា៖«ការរៀបចំខួបអាពាហ៍ពិពាហ៍នេះ ជាការរៀបចំឲ្យគាត់ចេញពីចិត្តរបស់ពួកយើង ដែលម៉ាច់ មិនត្រឹមតែជាគិលានុបដ្ឋាកប៉ុណ្ណោះទេ គឺជាសាច់ញាតិរបស់គាត់ផងដែរ។ ម្យ៉ាងទៀតយើងឃើញគាត់ជាគូស្នេហ៍មួយ ដែលគាត់យកចិត្តទុកដាក់ជាមួយគ្នាមែនទែន។ នៅពេលឃើញយាយឈឺ មើលទៅគាត់សោកសៅ ឃើញគាត់មកថ្នមថែ មុនចូលគេង។ គាត់មកម៉ាស្សាឲ្យយាយសិន មុនគេងគាត់មកថើបយាយសិន។ មើលទៅជាក្តីស្នេហាពិតរបស់គាត់ ដែលស្រឡាញ់គ្នាដល់ចាស់ ពួកគាត់នៅតែផ្អែមល្អែម»។
បើតាមស្ថាបនិក MUCHs រូបនេះ លោកយាយ Avis McNamara មានជំងឺទឹកនោមផ្អែមធ្ងន់ធ្ងរប្រមាណ២ឆ្នាំហើយ ប៉ុន្តែគាត់ទើបតែមកប្រើសេវាកម្មថែទាំសុខភាពចល័ត បាន៨ខែប៉ុណ្ណោះ ហើយក៏មានសុខភាពប្រសើរឡើង។
អ្នកស្រី ឌី ផនភិរម្យ រៀបរាប់យ៉ាងដូច្នេះទៀតថា៖«២ឆ្នាំដំបូង គាត់អត់ទាន់ស្គាល់ក្រុមហ៊ុន MUCHsទេ។ ក្រោយមកគាត់ស្គាល់តាមមិត្តភក្តិគាត់ដែលជាជនជាតិអាមេរិកកាំង ក៏មករកក្រុមហ៊ុន MUCHs។ នៅពេលយើងចាប់ផ្តើមផ្ដល់សេវាជូនគាត់ គឺលំបាកមែនទែន ព្រោះគាត់មានដំបៅធំៗមែនទែន។ គាត់មានអ្នកមើលថែផ្ទាល់ ដែលគាត់ទុកចិត្តនៅផ្ទះដែរ ប៉ុន្តែគាត់មិនមានចំណេះដឹងមើលថែ តាមបែបវេជ្ជសាស្ត្រនោះទេ។ អ៊ីចឹងបន្ទាប់ពីគាត់បានទទួលព័ត៌មានអំពីក្រុមហ៊ុន ម៉ាច់ គាត់ក៏ទាក់ទងមកភ្លាម។ ពេលនោះយើងក៏ចាប់ផ្តើមធ្វើកុងត្រា ផ្ដល់ការមើលថែគាត់ ដោយមានការខិតខំប្រឹងប្រែងពីក្រុមការងារ បានធ្វើឲ្យសុខភាពគាត់ប្រសើរ តាំងពីដំបៅធំៗ រហូតដល់បានជាសះស្បើយ ស្ទើរតែ១០០% ហើយពេលលនេះ។ មានថ្ងៃមួយនោះ ម៉ាក់យាយឈឺធ្ងន់ ស្ទើរតែផុតជីវិតទៅហើយ ប៉ុន្តែក្រុមការងារយើង បានសស្រាក់សស្រាំ រួមទាំងការយកចិត្តទុកដាក់ពីគ្រួសារគាត់ផង ឥឡូវនេះគាត់មានសុខភាពប្រសើរ និងមានPlanទៅលេងអូស្ត្រាលីនៅសប្តាហ៍នេះទៀតផង»។
ទំនាក់ទំនងក្រុមហ៊ុនថែទាំសុខភាពចល័ត ម៉ាច់
- តាមរយៈលេខទូរស័ព្ទ៖ 078 818163/ 010 818751
- តាមរយៈអាសយដ្ឋាន ផ្ទះលេខ 628, ផ្លូវ Downtown4,2004, សង្កាត់ទឹកថ្លា ខណ្ឌសែនសុខ រាជធានីភ្នំពេញ
- ហ្វេសប៊ុកផេក MUCHs - Home Health Care, Cambodia
(អត្ថបទពាណិជ្ជកម្ម)