នីសា យុវតីជនជាតិដើមភាគតិចព្រៅកាត់ឡាវ បង្ហាញសមត្ថភាពគុនល្បុក្កតោនៅសហគមន៍ខ្លួន

ជាតិ

សង្គមជាតិ

នីសា យុវតីជនជាតិដើមភាគតិចព្រៅកាត់ឡាវ បង្ហាញសមត្ថភាពគុនល្បុក្កតោនៅសហគមន៍ខ្លួន

10, Jul 2019 , 7:59 am

រូបភាព

ដោយ: អ៊ូ សុខមាន (OU Sokmean)

រតនគិរី៖ កញ្ញា កើន នីសា ជនជាតិដើមភាគតិចព្រៅ កាត់ឡាវ មានឱកាសបង្ហាញសមត្ថភាពសម្តែងក្បាច់គុនល្បុក្កតោនៅសហគមន៍របស់ខ្លួន ក្នុងពិធីរុក្ខទិវាដែលប្រារព្ធនៅខេត្តរតនគិរី កាលពីថ្ងៃទី៨ ខែកក្កដា។ វ័យ១៨ឆ្នាំ នីសា មានស្រុកកំណើតនៅស្រុកលំផាត់ ខេត្តរតនគិរី ផ្ទាល់ ហើយនាងបានចូលហ្វឹកហាត់ក្បាច់គុនល្បុក្កតោ នៅរាជធានីភ្នំពេញ តាំងពីចុងឆ្នាំ២០១៧មក។

សូមអញ្ជើញទស្សនាបទសម្ភាសរវាងកញ្ញា អ៊ូ សុខមាន អ្នកសារព័ត៌មាន ThmeyThmey ជាមួយកញ្ញា កើន នីសា ជាជនជាតិដើមភាគតិច«ព្រៅ»កាត់ឡាវ ហាត់ក្បាច់គុនល្បុក្កតោ ដូចតទៅ៖

ក្នុងបទសម្ភាសខ្លីជាមួយសារព័ត៌មានThmeyThmey ក្នុងពិធីដាំកូនឈើនៅក្នុងភូមិកាទៀង ឃុំល្បាំងពីរ ស្រុកលំផាត់ខេត្តរតនគិរីរបស់សមាគមអៃរាវតា ថ្ងៃទី៨កក្កដា ឆ្នាំ២០១៩ កញ្ញា កើន នីសា បាន អះអាងដូច្នេះ៖«សម្រាប់កម្មវិធីថ្ងៃនេះ គឺជាការសម្តែងលើកទីបួនរបស់ខ្ញុំនៃការបង្ហាញក្បាច់គុណល្បុក្កតោខ្មែរ ហើយក៏ជាលើកទីមួយក្នុងការសម្តែងក្បាច់គុណល្បុក្កតោនេះ ឱ្យបងប្អូនជនជាតិដើមបានទស្សនា។ ហើយក្នុងនាមខ្ញុំជាជនជាតិដើមភាគតិចមួយរូប ខ្ញុំពិតជាមានមោទកភាពខ្លាំងណាស់ដែលសម្តែងក្បាច់គុណល្បុក្កតោខ្មែរនេះបាន»៕