ជាតិ
សេដ្ឋកិច្ច
ធនាគារជាតិ និងភាគីកូរ៉េ ស្រាវជ្រាវរួមគ្នាលើការអភិវឌ្ឍទីផ្សារអន្តរធនាគារ
×![]()
ដោយ: ភួង វ៉ាន់ថា
ធនាគារជាតិនៃកម្ពុជា និងធនាគារកណ្ដាលនៃសាធារណរដ្ឋកូរ៉េ នឹងធ្វើការសិក្សារស្រាវជ្រាវរួមគ្នាលើការអភិវឌ្ឍទីផ្សារអន្តរធនាគារនៅកម្ពុជា ដើម្បីត្រៀមបង្កាហានិភ័យនានាដែលអាចនឹងកើតមានឡើង និងធ្វើការភិវឌ្ឍប្រព័ន្ធប្រតិបត្តិការនៃអន្តរធនាគារឲ្យកាន់តែមានប្រសិទ្ធភាពបន្តែមទៀត។ ការសិក្សារនឹងចាប់ផ្ដើមអនុវត្តពីថ្ងៃចុះហត្ថលេខាយោគយល់គ្នា ដែលមានរយៈពេល៤ ខែ។ 
នាយិកាបច្ចេកទេសនៃធនាគារជាតិនៃកម្ពុជា លោកស្រី ជា សិរី បានលើកឡើងថា ធនាគារទាំងពីរ នឹងធ្វើការសិក្សារដើម្បីរកចំណុចល្អបន្ថែមដើម្បីធ្វើការអភិវឌ្ឍទីផ្សារអន្តរធនាគារកម្ពុជាឲ្យកាន់តែប្រសើរ និងមានប្រសិទ្ធិភាពជាងមុន។ លោកស្រីបន្តថា ការសិក្សារនេះដើម្បីត្រៀមលក្ខណៈ ព្រោះស្ថានភាពហិរញ្ញវត្តុពិភពលោកមានការប្រែប្រួលជាលំដាប់។ ដូច្នេះធនាគារជាតិត្រូវតែសិក្សារលើឧបករថ្មីៗ និងឈ្វេងយល់ពីកត្តាជំរុញផ្សេងៗ ក្នុងការធានាឲ្យមានការចូលរួមពីគ្រិះស្ថាន និងធនាគារ លើទីផ្សារអន្តរធនាគារឲ្យបានច្រើនជាងមុន។
លោកស្រីបាននិយាយថា៖« កន្លងមកធនាគារជាតិនៃកម្ពុជា យើងបានសិក្សា និងអភិវឌ្ឍទីផ្សារអន្តរធនាគារ ក៏ប៉ុន្តែវានូវមានភាពរអាក់រអួល ដូច្នេះយើងចង់ស្រាវជ្រាវបន្តែមទៀត ថាតើមានអ្វីខ្លះទៀតដែលយើងអាចធ្វើបានទៀត ដើម្បីឲ្យការងារនឹងដើរបានរលូន។ អ្វីដែលយើងគិតថាល្អនៅឆ្នាំមុន មិនប្រាកដថាធ្វើបានល្អនៅឆ្នាំនេះទេ»។
អគ្គនាយករងនៃធនាគាកូរ៉េ លោក ចាង គីស៊ុន បានលើកឡើងថា កិច្ចសហការនៃការស្រាវជ្រាវនេះពិតជាមានសារៈសំខាន់ណាស់ ក្នុងការជួយពង្រឹងសម្ថភាពមន្ត្រីជំនាញ លើផ្នែកជាច្រើនដូចជា ឈ្វេងយល់បន្ថែមពីដំណើរការប្រតិបត្តិការនៃទីផ្សារអន្តរធនាគារ និងចេះវិភាគទិន្នន័យ និងការធ្វើគោលនយោបាយដែលទាក់ទងផ្សេងៗផងដែរ។
គួររម្លឹកថា នេះជាលើកទី៤ ហើយ ដែលធនាការកណ្ដាលនៃប្រទេសទាំងពីរបានធ្វើការសហការលើផ្នែកសិក្សារស្រាវជ្រាវរួមគ្នា បើគិតទាំងពីរឆ្នាំ ២០១៦។ ប្រធានបទប្រចាំឆ្នាំនិមួយៗគឺផ្សេងៗគ្នា៕
© រក្សាសិទ្ធិដោយ thmeythmey.com
