ជាតិ
សង្គមជាតិ
សមត្ថកិច្ច តាមចាប់ម្ចាស់សិប្បកម្ម ដែលផលិតភេសជ្ជៈក្លែងក្លាយច្រើនប្រភេទនៅកំពង់ធំ រូបពីបណ្តាញសង្គម
× កម្លាំងសមត្ថកិច្ច កំពុងតាមចាប់ម្ចាស់សិប្បកម្មមួយកន្លែងឈ្មោះ លឹម ភ័ណ្ឌ នៅក្រុងស្ទឹងសែន ខេត្តកំពង់ធំ ដែលលួចផលិតភេសជ្ជៈក្លែងក្លាយនិងប្រើសារធាតុគីមីជាច្រើនប្រភេទ ដូចជាទឹកក្រូចជាដើម។
លោក អ៊ុក កុសល ស្នងការនគរបាលខេត្តកំពង់ធំ ប្រាប់សារព័ត៌មានថ្មីៗតាមទូរស័ព្ទថា មកដល់ពេលនេះ កម្លាំងសមត្ថកិច្ច មិនទាន់បានឃាត់ខ្លួនម្ចាស់សិប្បកម្មនោះបានទេ ដោយសារពេលចុះទៅពិនិត្យ ម្ចាស់សិប្បកម្ម មិននៅកន្លែងកើតហេតុ។ លោក បញ្ជាក់ដូច្នេះថា៖«ភេសជ្ជៈដែលផលិតនេះ ត្រូវបានចែកចាយតាមបណ្ដាខេត្តនានា និងបានផលិតអស់រាប់ឆ្នាំមកហើយ»។
លោកស្នងការ អះអាងថា សមត្ថកិច្ច បានសម្រេចបិទសិប្បកម្មនោះជាបណ្តោះអាសន្ន កាលនៅថ្ងៃទី១០កក្កដា ឆ្នាំ២០១៩ ក្រោយចុះទៅឆែកឆេរឃើញភេសជ្ជៈគ្មានគុណភាព៕
Tag:
សិប្បកម្ម
ផលិតផលក្លែងក្លាយ
© រក្សាសិទ្ធិដោយ thmeythmey.com