ជាតិ
បទយកការណ៍ / បទសម្ភាសន៍
ផែនការមេអភិវឌ្ឍទេសចរណ៍ នឹងជួយឲ្យខេត្តសៀមរាប ក្លាយជាគោលដៅទេសចរណ៍ដែលមានគុណភាព
× សៀមរាប៖ គណៈកម្មាធិការអន្ដរក្រសួង បានរៀបចំសិក្ខាសាលាជជែកពិភាក្សាមួយ ពីការរៀបចំផែនការមេអភិវឌ្ឍន៍ទេសចរណ៍ ខេត្តសៀមរាប។ ផែនការមេនេះ មានបំណងធ្វើឱ្យខេត្តសៀមរាបក្លាយជាគោលដៅទេសចរណ៍ ប្រកបដោយគុណភាព និងភាពទាក់ទាញ។ លោក ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ និងជាសមាជិកគណៈកម្មាធិការអន្ដរក្រសួង បានគូសបញ្ជាក់ថា ដើម្បីអាចធ្វើកិច្ចការនេះបាន ផែនការនេះ ត្រូវគិតគូរពីភាពស្អាត ភាពបៃតង និងភាពឆ្លាត។ ការរៀបចំផែនការមេនេះ ក៏បានគិតគូរ ភ្ជាប់តំបន់ប៉ូលសំខាន់ៗក្នុងខេត្ត ទៅកាន់តំបន់បេតិកភណ្ឌ ដែលគ្រប់គ្រងដោយអាជ្ញាធរជាតិអប្សរា បឹងទន្លេសាប និងឧទ្យានជាតិភ្នំគូលែនផង។
ដើម្បីជ្រាបច្បាស់ពីការរៀបចំផែនការមេអភិវឌ្ឍន៍ទេសចរណ៍នៅខេត្តសៀមរាប សូមស្ដាប់បទសម្ភាស រវាងអ្នកនាង អ៊ីសា រ៉ហានី នៃសារព័ត៌មានថ្មីៗ និង លោក ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ និងជាសមាជិកនៃគណៈកម្មាធិការខាងលើនេះដូចតទៅ
គួរបញ្ជាក់ថា គណៈកម្មាធិការអន្ដរក្រសួង រៀបចំផែនការមេអភិវឌ្ឍន៍ទេសចរណ៍ខេត្តសៀមរាបនេះ ត្រូវបានបង្កើតឡើង នៅចុងឆ្នាំ២០១៨ ដោយមានរដ្ឋមន្ត្រីក្រសួងទេសចរណ៍ លោក ថោង ខុន ជាប្រធាន និងរដ្ឋមន្ត្រីក្រសួងវប្បធម៌ និងវិចិត្រសិល្បៈជាអនុប្រធាន ព្រមទាំងក្រសួងពាក់ព័ន្ធជាមួយចំនួនទៀត។ ក្នុងការងាររៀបចំផែនការមេនេះ ក៏មានអ្នកជំនាញការអន្ដរជាតិចំនួន៨រូប ដែលមានជំនាញផ្សេងៗគ្នា រួមនិងអ្នកជំនាញការជាតិ ដើម្បីធ្វើការសិក្សានិងរៀបចំការងារនេះ៕
Tag:
ទេសចរណ៍
សៀមរាប
ណេប សាមុត
អង្គរ
© រក្សាសិទ្ធិដោយ thmeythmey.com