ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
គ្មាននរណាម្នាក់គិតថា បញ្ហាស្ងួតមាត់ គឺជាស្ថានភាពសុខភាពគួរឱ្យបារម្ភមួយឡើយរហូតដល់អាការៈខ្សោះទឹកមាត់កើតមានឡើយ។ ជាញឹកញយបញ្ហានេះតែងកើតឡើងបណ្ដាលមកពីផលប៉ះពាល់នៃការប្រើប្រាស់ថ្នាំមួយចំនួន។ ប៉ុន្តែវាក៏អាចជាផលវិបាកនៃស្ថានភាពមាត់ធ្មេញផងដែរដូច្នេះអ្នកត្រូវតែអើពើនឹងបញ្ហានេះ! ដោយសារទឹកមាត់មានសារៈសំខាន់ណាស់ក្នុងការសម្អាតអាហារនិងបាក់តេរីនៃមាត់ ហើយថែមទាំងដើរតួនាទីជាផ្នែកមួយរបស់ដំណើរការរំលាយអាហារទៀតផង។ 
ទោះជាយ៉ាងណាកុំបារម្ភ! ខាងក្រោមនេះយើង នឹងបញ្ហាឱ្យដឹងពីវិធីងាយៗ ប៉ុន្តែមានប្រសិទ្ធិភាពខ្ពស់ព្យាបាលបញ្ហាស្ងួតមាត់ ៖
ទោះជាយ៉ាងណាកុំបារម្ភ! ខាងក្រោមនេះយើង នឹងបញ្ហាឱ្យដឹងពីវិធីងាយៗ ប៉ុន្តែមានប្រសិទ្ធិភាពខ្ពស់ព្យាបាលបញ្ហាស្ងួតមាត់ ៖
១. ទទួលទានទឹកឱ្យបានច្រើន
បញ្ហាខ្សោះជាតិទឹកក្នុងរាងកាយ គឺជាមូលហេតុទូទៅបំផុតមួយនៃបញ្ហាស្ងួតមាត់។ វេជ្ជបណ្ឌិតជាច្រើនណែនាំឱ្យទទួលទានទឹកពី ៨ ទៅ ៩ កែវក្នុងមួយថ្ងៃ ឬប្រមាណជា ២ លីត្រ។
២. ទំពារស្ករកៅស៊ូគ្មានជាតិស្ករ
នោះក៏ព្រោះតែស្ករកៅស៊ូគ្មានជាតិស្ករភាគច្រើនមានផ្ទុកសារធាតុ xylitol ដែលជួយរំញោចការផលិតទឹកមាត់។ ដូច្នេះការទំពារស្ករកៅស៊ូគ្មានជាតិស្ករអាចដោះស្រាយបញ្ហាស្ងួតមាត់បាន។
៣. ជៀសវាងភេសជ្ជៈមានផ្ទុកជាតិកាហ្វេអ៊ីន
ធ្លាប់ចាប់អារម្មណ៍ឬអត់ថាក្រោយពេលទទួលទានកាហ្វេ អ្នកអាចកាន់តែស្រេកទឹកឡើងពេញមួយថ្ងៃ? ជៀសវាងទទួលទានភេសជ្ជៈមានផ្ទុកជាតិកាហ្វេអ៊ីន ក៏ព្រោះកាហ្វេអ៊ីនបង្កើនការបញ្ចុះទឹកនោមដែលបណ្ដាលឱ្យអ្នកបាត់បង់ជាតិទឹក។ កាហ្វេ និងតែ អាចធ្វើឱ្យអាការៈនៃបញ្ហាស្ងួតមាត់កាន់តែអាក្រក់ឡើង។
៤. ទទួលទានអាហារមានជាតិជូរ និងក្រូចឆ្មារ
ការទទួលទានអាហារមានផ្ទុកជាតិជូរ គឺជួយរំញោចក្រពេញទឹកមាត់។ ច្របាច់ក្រូចឆ្មារម្ខាងក្នុងទឹកពេញមួយកែវជាដំណោះស្រាយដ៏ប្រសើរបំផុត។ ប៉ុន្តែចូរប្រយ័ត្ន ក៏ព្រោះជាតិអាស៊ីតក្នុងក្រូចឆ្មារអាចបង្កផលប៉ះពាល់ដល់ការបាក់ធ្មេញ។
៥. ជៀសវាងផលិតផលផ្សំឡើងពីសារធាតុ tobacco
សារធាតុ tobacco អាចបង្កផលប៉ះពាល់ដល់ការផលិតទឹកមាត់ ជាពិសេសប្រសិនបើអ្នកទទួលទានថ្នាំណាមួយក្នុងពេលជាមួយគ្នា។ ជាតិជ័រនៃបារីក៏អាចបង្កការរលាកដល់ក្រពេញទឹកមាត់ផងដែរ។
៦. បៀមស្ករគ្រាប់គ្មានជាតិស្ករ
វិធីនេះអាចជួយដោះស្រាយបញ្ហាបានមួយខណៈពេល! ការបៀមស្ករគ្រាប់គ្មានជាតិស្ករ គឺល្អជាងស្ករគ្រាប់ធម្មតាដែលអាចបង្កបញ្ហានៃជំងឺពុកធ្មេញ។
៧. រក្សាអនាម័យមាត់ធ្មេញឱ្យបានល្អ
ការថែរក្សាអនាម័យមាត់ធ្មេញបានល្អជារឿងចាំបាច់ណាស់។ ដុសសម្អាតធ្មេញឱ្យបាន ២ ដងក្នុងមួយថ្ងៃ ប្រើប្រាស់ទឹកខ្ពុរមាត់ និងខ្សែរ៉ូតសម្អាតធ្មេញ ទំពារស្ករកៅស៊ូគ្មានជាតិស្ករ ហើយកុំភ្លេចទៅជួបពេទ្យធ្មេញឱ្យបានទៀងទាត់។
៨. ចៀសវាងការដកដង្ហើមតាមមាត់
ការដកដង្ហើមតាមមាត់អាចធ្វើឲ្យបញ្ហាមាត់ស្ងួតកាន់តែអាក្រក់ឡើង និងថែមទាំងបង្កជាបញ្ហាសុខភាពមាត់ធ្មេញផ្សេងទៀតផងដែរ។ ដូច្នេះដើម្បីការប្រសើរចូរព្យាយាមដកដង្ហើមតាមច្រមុះច្រើនជាងតាមមាត់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
