ចំណតរថយន្តបណ្តោះអាសន្ននៅមុខអង្គរវត្ត នឹងក្លាយជាកន្លែងដាំកូនឈើ

ជាតិ

រថយន្ត

18, Jul 2019 , 9:19 pm

រូបភាព

រូបភាពផ្តល់ដោយរូបពីអាជ្ញាធរជាតិអប្សរា

ដោយ: ថ្មីៗ

ចំណតរថយន្តបណ្តោះអាសន្ន នៅខាងមុខប្រាសាទអង្គរវត្ត នឹងត្រូវបញ្ឈប់ប្រតិបត្តិការ ចាប់ពីថ្ងៃទី១ ខែសីហា ឆ្នាំ២០១៩ទៅ។ នេះបើតាមសេចក្តីជូនដំណឹងរបស់អាជ្ញាធរអប្សរានៅថ្ងៃទី១៨ ខែកក្កដា ដែលបានប្រាប់ឲ្យម្ចាស់រថយន្តគ្រប់ប្រភេទ ត្រូវទៅចតរថយន្តរបស់ខ្លួន នៅចំណតរថយន្តប្រាសាទអង្គរវត្តដែលបានរៀបចំរួចរាល់ ដែលស្ថិតនៅផ្នែកខាងលិច នៅចំណតរថយន្តបណ្តោះអាសន្ន។

ទោះជាយ៉ាងណាក៏ដោយ អាជ្ញាធរអប្សារា មិនបានបញ្ជាក់មូលហេតុនៃការបញ្ឈប់ប្រតិបត្តិការនេះទេ ក៏ប៉ុន្តែគេកត់សម្គាល់ថា ចំណតបណ្តោះអាសន្ននេះ រងការខូចខាត និងត្រូវការរៀបចំឡើងវិញ។

បើតាមសេចក្តីជូនដំណឹងដដែល ទីតាំងចំណតរថយន្តបណ្តោះអាសន្ន នឹងត្រូវរៀបចំជាកន្លែងដាំកូនឈើឡើងវិញ ដោយរក្សាមួយផ្នែកនៃទីតាំងនេះ សម្រាប់ប្រើប្រាស់ជាចំណតរបស់រ៉ឺម៉កកង់បី៕