អត្ថបទពាណិជ្ជកម្ម
លក់ និងចរចាយ៉ាងម៉េចទើបបានអាជីវកម្មរបស់អ្នករីកចម្រើន
× អាជីវកម្មតូចធំអាចរីកចម្រើនទៅមុខ គឺពឹងផ្អែកលើកត្ដាជាច្រើន ក្នុងនោះការលក់ និងការចរចាពិតជាមានសារៈសំខាន់ណាស់ សម្រាប់អាជីវកម្មរបស់អ្នក។
ម្ចាស់អាជីវកម្ម គួរតែមានចំណេះបន្ថែម ទាក់ទងនឹងការលក់ និងចរចា ព្រោះថាអ្នកអាចស្វែងយល់បន្ថែម ពីការផ្សព្វផ្សាយ ផលិតផលរបស់អ្នក កាន់តែមានប្រសិទ្ធភាពខ្ពស់ក្នុងទីផ្សា។ ក្រៅពីនោះទៀត អ្នកនឹងចេះពីរបៀប ក្នុងការចរចាជាមួយអតិថិជន ក៏ដូចជាដៃគូសហការ ធ្វើយ៉ាងណាចៀសវាងជម្លោះ និងបង្កើតស្ថានភាពឈ្នះ-ឈ្នះ សម្រាប់ខ្លួនឯងផ្ទាល់ និងដៃគូ។
ជាមួយគ្នានោះដែរ ម្ចាស់អាជីវកម្មដែលមានការយល់ដឹង ទាក់ទងនឹងការលក់ ក៏ដូចជាការចរចា អាចមានសមត្ថភាពបន្ថែម ក្នុងការទាក់ទងជាមួយដៃគូ ដែលមានគុណភាព និងសក្ដានុពល និងយល់ពីរបៀបដោះស្រាយបញ្ហា ប្រកបដោយប្រសិទ្ធភាព ដែលទៅតាមស្ថានភាព។
ការលក់ និងការចរចា ត្រូវបានធ្វើឡើងប្រកបដោយវិជ្ជាជីវៈ នោះទើបអាជីវកម្ម ឬក៏មុខជំនួញរបស់អ្នក ទៅមុខដោយរលូន និងស្ថិតនៅក្នុងចិត្ដរបស់អ្នកទិញបាន។
ម្ចាស់អាជីវកម្មទាំងអស់ អាចស្វែងយល់បន្ថែមពីសិល្បៈនៃការលក់និងចរចា ឲ្យកាន់តែមានប្រសិទ្ធភាព តាមរយៈវគ្គសិក្សា «ការលក់ និងការចរចា» (Sale and Negotiation) ដែលវគ្គសិក្សានេះ មានរយៈពេល ចំនួន ២ថ្ងៃ គឺនៅថ្ងៃទី៩ និង ១០ ខែសីហា ឆ្នាំ២០១៩ នៅមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC)។ វគ្គសិក្សានេះ មានតម្លៃ១៥០ដុល្លារ។ គ្រូបង្គោលសម្រាប់វគ្គសិក្សានេះទៀតសោត គឺលោក វីនស្តុន (Winston Scholsberg) ដែលជាអ្នកជំនាញផ្នែកលក់ ចរចា និងសិល្បៈក្នុងការនិយាយ មកពីប្រទេសហូឡង់ មានបទពិសោធបង្រៀនជាច្រើនឆ្នាំ លើកឆាកអន្តរជាតិ។
ក្រោយពេលបញ្ចប់វគ្គខ្លីនេះ ម្ចាស់អាជីវកម្ម ក៏ដូចជាអ្នកចូលរួមទាំងអស់ នឹងយល់កាន់តែច្បាស់ ពីការលក់និងការចរចា ប្រកបដោយវិជ្ជាជីវៈ និងសិក្សាជាមួយគ្រូបង្គោលដែលមានបទពិសោធន៍ ទាក់ទងនឹងផ្នែកនេះ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com