ពីនេះ ពីនោះ
ព័ត៍មានសុខភាព
ទាំងអ្នកធ្លាប់កើត និងមិនធ្លាប់កើត មានដែលគិតថា ជំងឺអ៊ុតស្វាយជាដោយរបៀបណាទេ?
× រឿងដំបូងគេង និងសំខាន់បំផុតដែលត្រូវគិតនោះគឺថា បើសិនជាអ្នកកំពុងតែមានជំងឺអ៊ុតស្វាយហើយ អ្នកត្រូវតែរស់នៅដាច់ដោយឡែកពីគេ។ នេះដោយសារតែ ជំងឺអ៊ុតស្វាយមានអត្រានៃការឆ្លងតាមរយៈការប៉ះពាល់ ឬក្អក ឬកណ្តាស់ជាដើម។ នៅពេលមនុស្សម្នាក់ឆ្លងជំងឺអ៊ុតស្វាយហើយ វាអាចនឹងត្រូវការពេល ១០ ទៅ២១មួយថ្ងៃក្នុងការចេញជារោគសញ្ញា។
ចំពោះអាការៈឈឺជំងឺនេះវិញច្រើនតែយូរបំផុត ៥ ទៅ១០ថ្ងៃ ដោយមានការចេញជាពងបែកនៅលើស្បែក ហើយជាទៅវិញនៅរយៈពេលពីរទៅបីថ្ងៃក្រោយ។
យ៉ាងណាមិញ អ្នកជំងឺដែលស្ថិតក្នុងស្ថានភាពចម្លងទៅអ្នកដទៃខ្ពស់នោះគឺ រយៈពេល ១ ទៅ២ថ្ងៃមុនពេលចេញកន្ទួលរមាស់ និងរហូតដល់ ៤ ទៅ៥ថ្ងៃក្រោយពីចេញពងបែកលើស្បែក។
ជំងឺអ៊ុតស្វាយអាចព្យាបាលជាមួយនឹងការសម្រាប់ឲ្យបានច្រើន ញ៉ាំទឹកឲ្យបានច្រើន និងគ្រប់គ្រងរោគសញ្ញាដូចជា ក្តៅខ្លួន ឈឺក្បាល ។ល។ ទោះបីជាយ៉ាងនាក៏ដោយ ក្មេងដែលមានជំងឺអ៊ុតស្វាយគឺមិនត្រូវឲ្យគេប្រើថ្នាំអាស្ពីរីនទេ ព្រោះវាប្រឈមនឹងជំងឺ Reye’s Syndrome។ ចំណែកឯថ្នាំ Acetaminophen គឺជាជម្រើសតែមួយគត់សម្រាប់គ្រប់គ្រងការក្តៅខ្លួន។ ករណីខ្លះ គ្រូពេទ្យអាចនឹងឲ្យប្រើថ្នាំសម្លាប់វីរុសដែរ។ ចំពោះរយៈពេលនៃការព្យាបាល គឺអាស្រ័យទៅតាមអាយុ និងភាពធ្ងន់ធ្ងររបស់ជំងឺ។
ករណីខ្លះ អ្នកអាចនឹងកើតជំងឺអ៊ុតស្វាយទៀតទោះបីជាចាក់វ៉ាក់សាំងនេះរួចហើយក៏ដោយ ប៉ុន្តែគ្រាន់វាមិនមានភាពធ្ងន់ធ្ងរប៉ុណ្ណោះ ហើយរោគសញ្ញាវាក៏ស្រាកស្រាន្តទៅវិញលឿនជាងអ្នកជំងឺដែលមិនបានចាក់វ៉ាក់សាំងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com