សេដ្ឋកិច្ច
អចលនទ្រព្យ
អត្ថបទពាណិជ្ជកម្ម
×![]()
ដោយ: ថ្មីៗ
នៅពេលនិយាយពីការវិនិយោគលើវិស័យលំនៅឋាន ពិសេសខុនដូ គេតែងគិតដល់បរិបទនៃការរស់នៅបែបទំនើប ជាមួយលំនៅឋានលក្ខណៈប្រណិត។ ប៉ុន្តែទាំងនេះ មិនមែនជាអ្វីតែម្យ៉ាងដែលផ្តល់ជូនដោយខុនដូនោះទេ។ ការទិញខុនដូ គឺអាចទទួលបានផលចំណេញជាច្រើនទៀត ហើយមួយក្នុងចំណោមនេះ គឺផលចំណេញពីការជួលត្រលប់ ពីគម្រោងផ្ទាល់។ គម្រោងជាច្រើន បានយកចិត្តទុកដាក់ខ្ពស់ ដល់ការវិនិយោគរបស់អតិថិជន ហើយតាមរយៈការជួលត្រលបប្រចាំឆ្នាំ វាអាចផ្តល់ទំនុកចិត្ត និងឱកាសចំណេញ ដល់អ្នកទិញ បានភ្លាមៗ។ តើអ្វីទៅជាការធានាប្រាក់ចំណេញពីការជួលត្រលប់ ឬGuarantee Rental Return (GRR)?
ការធានាប្រាក់ចំណូលពីការជួលត្រលប់ គឺជាការធានាផ្តល់ប្រាក់ចំណេញ តាមរយៈគម្រោងជួល ក្នុងពេលអនាគត ដោយអ្នកអភិវឌ្ឍន៍ ឫក្រុមហ៊ុន ដែលគ្រប់គ្រងអចលនទ្រព្យផ្តល់ជូនអ្នកទិញ ដោយផ្នែកតាមកិច្ចសន្យា បន្ទាប់ពីចុះហត្ថលេខាលើកិច្ចសន្យាទិញ-លក់។
ការធានាជួលត្រលប់ គឺជាមធ្យោបាយដ៏ងាយស្រួលបំផុត ដែលអាចទទួលបានការជួលត្រលប់ តាមការរំពឹងទុកប្រចាំឆ្នាំ។ ត្រូវចងចាំថា ផលចំណេញដែលរំពឹងទុកប្រចាំឆ្នាំ គឺជាទឹកប្រាក់ទទួលបាន បន្ទាប់ពីកាត់ពន្ធរួច។
ឧទាហរណ៍ ប្រសិនបើអ្នកទិញយូនីតមួយ ដែលមានតម្លៃ ១៩៥,០០០ដុល្លារ ហើយអ្នកទទួលបានការជួលត្រលប់ ៨ % ក្នុងមួយឆ្នាំ នោះអ្នកនឹងទទួលបាន ១៥,៤០០ ដុល្លារ ក្នុងមួយឆ្នាំ។
ខាងក្រោមនេះ ជាខុនដូ ១២ គម្រោង ដែលបានកំពុងផ្តល់ជូនផែនការជួលត្រលប់ ដែលអ្នកទិញ គួរពិចារណា នៅពេលចង់វិនិយោគខុនដូនៅកម្ពុជា។
១. គម្រោង Blue Bay
គម្រោង Blue Bay ស្ថិតនៅឆ្នេរឯករាជ្យ នៃខេត្តព្រះសីហនុ ដែលអគារដំបូងរបស់គម្រោង លាតសន្ធឹងលើផ្ទៃដីចំនួន ១១០,០០០ ម៉ែត្រការ៉េ មានកម្ពស់ ៣៧ ជាន់ និងមាន ១,៤៤៨ យូនីត។ ក្នុងមួយយូនីតមានទំហំ ៥៥ ទៅ ១១៤ ម៉ែត្រការ៉េ។ គម្រោង Blue Bay នេះ ក៏មានរួមបញ្ចូលសេវាកម្មកម្សាន្តជាច្រើន មានដូចជាអាងហែលទឹកលើដំបូល សួនច្បារ កន្លែងហាត់ប្រាណ ផ្សារលក់ទំនិញរួចពន្ធ និងកន្លែងផ្សេងៗ នៅក្នុងគម្រោងផ្ទាល់តែម្តង។
គម្រោង Blue Bay នឹងបញ្ចប់ការសាងសង់ និងប្រគល់ផ្ទះ ជូនអតិថិជននៅខែធ្នូ ឆ្នាំ២០១៩ នេះ។ យូនីតនីមួយៗរបស់ Blue Bay មានតម្លៃចាប់ផ្តើមត្រឹមតែ ៣,៥០០ដុល្លារ ក្នុងមួយម៉ែត្រការ៉េ ហើយក្រុមហ៊ុនក៏ផ្តល់ជូនការធានាជួលត្រឡប់ប្រចាំឆ្នាំ រហូតដល់ ៦៤% សម្រាប់រយៈពេល ៨ ឆ្នាំ។ ចាប់អារម្មណគម្រោង Blue Bay សូមចុចទីនេះ!
២. គម្រោងThe Peak Residences
គម្រោងនេះ ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលមាន ៥៥ ជាន់ និង ១,០១៤ យូនីត។ យូនីត របស់ The Peak Residences មានទំហំ ៦២ - ១២៧ម៉ែត្រការ៉េ។ មិនតែប៉ុណ្ណោះ គម្រោង The Peak Residences ក៏បានបំពាក់ដោយគ្រឿងបរិក្ខារទំនើបជាច្រើន ដូចជា ម៉ាស៊ីនត្រជាក់ ទូរទស្សន៍ ខ្សែអ៊ីនធឺណិតជាដើម ហើយអតិថិជន ក៏អាចលេងកម្សាន្ត ជាមួយនឹងអាងហែលទឹក បន្ទប់សោណា សួនច្បារ និងកន្លែងហាត់កីឡាផងដែរ។
គម្រោង The Peak Residences អភិវឌ្ឍដោយក្រុមហ៊ុនឈ្មោះ Oxley Gem (Cambodia) ដែលធានាការជួល ៧៥% សម្រាប់រយៈពេល ១៥ ឆ្នាំ។ គម្រោងនេះ នឹងបញ្ចប់ការសាងសង់នៅឆ្នាំ២០២០ និងមានតម្លៃ ១៧៦,០០០ ដុល្លារ ក្នុងមួយយូនីត។ អ្វីដែលពិសេសនោះ គឺ គម្រោងនេះ ស្ថិតនៅក្នុងទីក្រុង ដែលអាចមើលទេសភាពទីក្រុងដ៏ស្រស់ស្អាតបំផុត។
៣. គម្រោងគម្រោង ព្រីនស៍ ហ្គោលដិន បេ
គម្រោងនេះ ស្ថិតនៅលើឆ្នេរសុខា នៃខេត្តព្រះសីហនុ ដែលលាតសន្ធឹងលើផ្ទៃដីចំនួន ២២,២០១ ម៉ែត្រការ៉េ។ គម្រោងនេះមានអគារអាផាតមេន ៤ ដែលមានចំនួន ២,១០០ យូនីត និងផ្សារដែលមានកម្ពស់ ៥ ជាន់ ស្ថិតនៅលើផ្ទៃដី ៥០,០០០ ម៉ែត្រការ៉េ។ លើសពីនេះ គម្រោងនេះ មានកម្ពស់ ៤១ ជាន់ និងក្នុងមួយយូនីត មានទំហំចាប់ពី ៤៥ ទៅ ៧៦ ម៉ែត្រការ៉េ ដែលនឹងបញ្ចប់ការសាងសង់នៅឆ្នាំ២០១៩នេះ។
គម្រោងនេះ អភិវឌ្ឍដោយក្រុមហ៊ុន ក្រុមហ៊ុន ព្រីនហ័នយូ រៀលអ៊ីស្ទេត ដែលធានាការជួល ១៦% សម្រាប់រយៈពេល ២ឆ្នាំ។ តម្លៃក្នុងមួយម៉ែត្រការ៉េ គឺ ២,៣០០ដុល្លារ ឬតម្លៃសរុប១០៣,៨៩១ដុល្លារ ក្នុងមួយម៉ែត្រការ៉េ។ គម្រោងនេះ ក៏មានបំពាក់បរិក្ខារទំនើបដូចជា អាងហែលទឹក សួនច្បារ កន្លែងហាត់ប្រាណ បន្ទប់សូណាជាដើម។
៤. គម្រោង Cheerful Bay
គម្រោងនេះ ស្ថិតនៅឆ្នេរអូរត្រែះ ខេត្តព្រះសីហនុ ដែលលាតសន្ធឹងលើផ្ទៃដីចំនួន ៤០,០០០ ម៉ែត្រការ៉េ មាន ៨អគារ។ អគារទាំងនោះ សុទ្ធតែអាចមើលឃើញទេសភាពឆ្នេរដ៏ស្រស់ស្អាត។ ប្លុក H មាន ៣ អគារ ដែលមាន ២៩ជាន់ ហើយប្លុក G មាន ៥ អគារ ដែលមាន២០ជាន់។ ចំនួនយូនីតសរុប គឺ ៦៨៣ ដែលយូនីតនីមួយៗ មានទំហំ ៥១ ទៅ ៣០៣ ម៉ែត្រការ៉េ។
ក្រុមហ៊ុន Yunnan Jingcheng Group ដែលជាក្រុមហ៊ុនសាងសង់គម្រោងនេះ ធានាការជួលត្រឡប់ ៩៧% សម្រាប់រយៈពេល ១៥ ឆ្នាំ ហើយគម្រោងនេះ នឹងត្រូវបានបញ្ចប់ និងប្រគល់ជូនអតិថិជន នៅខែមិថុនា ឆ្នាំ២០២១។ តម្លៃសរុប គឺ ៩៩,៤៨០ដុល្លារ។ ចំណែកឯបរិក្ខារ នៅក្នុងខុនដូ មានលក្ខណៈទំនើបបំផុត ដូចជាម៉ាស៊ីនត្រជាក់ គ្រឿងសង្ហារិមជាដើម។ ចាប់អារម្មណ៍គម្រោង Cheerfule Bay សូមចុចទីនេះ!
៥. គម្រោង La Vista One
គម្រោងនេះ មានទីតាំងស្ថិតនៅចំណុចប្រសព្វ រវាងទន្លេមេគង្គ និងទន្លេសាប តំបន់ជ្រោយចង្វារ។ គម្រោងខុនដូនេះ មានយូនីតសរុបចំនួន ១,៧៥០ ដែលយូនីតនីមួយៗ មានទំហំ ចាប់ពី ៤៨ ទៅ ១២៧ ម៉ែត្រការ៉េ និងមានកម្ពស់ ៤១ជាន់។
គម្រោង La Vista One សាងសង់ដោយក្រុមហ៊ុន Yin Yi Venture។ គម្រោងនេះ ក៏មានធានាការជួលត្រលប់មកវិញ រហូតដល់ ១៨% សម្រាប់រយៈពេល ៣ ឆ្នាំ។ ខុនដូនេះ មានតម្លៃ ២,២០០ ដុល្លារ ក្នុងមួយម៉ែត្រការ៉េ។ រីឯតម្លៃសរុប គឺ៨០,០០០ដុល្លារ។ គេរំពឹងថា គម្រោងនេះ នឹងបញ្ចប់ការសាងសង់នៅឆ្នាំ ២០២១។
៦. គម្រោងលីងណានហ្គាដិន
គម្រោងនេះ ស្ថិតនៅមហាវិថីហ៊ុនសែន សង្កាត់ចាក់អង្រែ ខណ្ឌមានជ័យ រាជធានីភ្នំពេញ ដែលមានចំនួនយូនីតសរុប ១,៩០២ និងមាន៣៣ជាន់។ យូនីតនីមួយៗ នៅក្នុងគម្រោងនេះមានទំហំចាប់ពី ៦៦ ទៅ ១៤៥ ម៉ែត្រការ៉េ ដែលមានពី ១ ទៅ ៤ បន្ទប់គេង ជាមួយនឹងរានហាលខាងមុខ។ បន្ទប់នីមួយៗ មានបំពាក់ដោយបរិក្ខារទំនើបៗ។
គេរំពឹងថា គម្រោងនេះ នឹងបញ្ចប់ការសាងសង់របស់ខ្លួននៅឆ្នាំ ២០២០ ហើយគម្រោង នឹងប្រគល់ផ្ទះជូនអតិថិជននៅឆ្នាំដដែល។ ក្រុមហ៊ុន ក៏ធានាការជួលត្រឡប់ ៣៥% សម្រាប់ រយៈពេល ៥ឆ្នាំ។ តម្លៃក្នុងមួយម៉ែត្រការ៉េគឺ ២,១០០ដុល្លារ និងតម្លៃសរុបគឺ ១៣៨,៥៧៩ ដុល្លារ។
៧. គម្រោង The Peninsula Private Residence
គម្រោង Peninsula Private Residence ស្ថិតនៅក្នុងសង្កាត់ជ្រោយចង្វារ ដែលជាតំបន់ ដែលមានការអភិវឌ្ឍឆាប់រហ័ស។ គម្រោងនេះមាន ២៥ ជាន់ និងមាន ១៥៥ យូនីត។ ក្នុងមួយយូនីតមានពី ១ ទៅ ៤ បន្ទប់គេង ជាមួយរានហាល និងមានទំហំពី ៤២.១២ ទៅ ១២៩.៥៨ ម៉ែត្រការ៉េ។
Peninsula Private Residence ធានាការជួលត្រឡប់ ៨% សម្រាប់រយៈពេល ២ឆ្នាំ។ គម្រោងនេះ នឹងត្រូវបញ្ចប់ ហើយប្រគល់ផ្ទះនៅឆ្នាំ២០២០។ យូនីត មានតម្លៃ២,០២០ដុល្លារ ក្នុងមួយម៉ែត្រការ៉េ និងតម្លៃសរុប ១១៣,៤៤៣ដុល្លារ។
៨. គម្រោង New Landmark
គម្រោងនេះ សាងសង់លើផ្ទៃដីចំនួន ១៤,៤៦៨ ម៉ែត្រការ៉េ ដែលមានចំនួនយូនីតសរុប៣,៤១៩។ យូនីតនីមួយៗ មានទំហំពី ៣១ ទៅ ១០៦ ម៉ែត្រការ៉េ។ ខុនដូនេះ មានកម្ពស់ ៣៧ជាន់។ ការសាងសង់ គ្រោងបញ្ចប់នៅឆ្នាំ២០២១ ហើយត្រូវប្រគល់ជូនអតិថិជន នៅថ្ងៃទី៣០ ខែសីហា ឆ្នាំ២០២១ សម្រាប់អគារ B។ លើសពីនេះទៀត អគារC មាន ៣៧ជាន់ ដូចអគារ B ដែរ និងអគារ A មាន ៣៣ ជាន់។
គម្រោងនេះ សាងសង់ដោយ ក្រុមហ៊ុន Wan Heng Run Investment ហើយក្រុមហ៊ុន ធានាជួលត្រឡប់ ៣៦% សម្រាប់រយៈពេល ៣ ឆ្នាំ។ យូនីត មានតម្លៃ ១,៩០០ដុល្លារ ក្នុងមួយម៉ែត្រការ៉េ និង ៤០,០០០ ដុល្លារ សម្រាប់តម្លៃសរុប។
៩. គម្រោង Sky Park Condo
គម្រោង Sky Park Condo ស្ថិតនៅផ្លូវជាតិលេខ៦ នៅខេត្តសៀមរាប។ គម្រោងនេះ មានចម្ងាយត្រឹមតែ ៥ នាទីពីផ្សារទំនើប Heritage Walk , ៨នាទី ពីផ្សារចាស់, ១០នាទី ពីអាកាសយានដ្ឋានអន្តរជាតិ និងប្រាសាទអង្គរវត្ត និងពីផ្សារលើ តែ ១៥នាទីប៉ុណ្ណោះ។ អភិវឌ្ឍលើផ្ទៃដីចំនួន ៥,៦០០ ម៉ែត្រការ៉េ មានកម្ពស់ ៤ជាន់ ហើយក្នុងមួយជាន់មាន ១០ យូនីត។ ក្នុងមួយយូនីត មានទំហំ ៧២ ទៅ ១៣៨ ម៉ែត្រការ៉េ។
ក្រុមហ៊ុន Hunter Estate ដែលជាក្រុមហ៊ុនអភិវឌ្ឍគម្រោងនេះ កំពុងផ្តល់ជូនការជួលត្រឡប់ ក្នុងអត្រា១២% សម្រាប់រយៈពេល ២ឆ្នាំ។ យូនីតក្នុងគម្រោងនេះ មានតម្លៃត្រឹមតែ ៩១៤ ដុល្លារ ក្នុងមួយម៉ែត្រការ៉េ ឬ ៦៧,០០០ដុល្លារ សម្រាប់តម្លៃសរុប។ ខុនដូ បំពាក់ដោយបរិក្ខារទំនើបៗ មានអាងហែលទឹក និងបន្ទប់សោណាជាដើម។
១០. គម្រោងឆ្នេរសមុទ្រមរកត
គម្រោងនេះ ស្ថិតនៅចម្ងាយ ២០០ម៉ែត្រ ពីច្រកទ្វារចូលឈូងសមុទ្រថៃ នៅខេត្តព្រះសីហនុ ដែលមានបន្ទប់ស្នាក់នៅ ចំនួន ៥៣៦ យូនីត។
គម្រោងនេះ សាងសង់ដោយក្រុមហ៊ុនក្រុមហ៊ុន ជានឈ័ង អូនើ រៀលអ៊ីស្ទេត ឯ.ក ដែលធានាការជួលត្រឡប់ ២៤% ក្នុងយៈពេល ៣ឆ្នាំ។ យូនីតនេះ មានតម្លៃ ២,០៥០ដុល្លារ ក្នុងមួយម៉ែត្រការ៉េ និងតម្លៃសរុបត្រឹមតែ ៦០,១៤៧ដុល្លារ ក្នុងមួយយូនីត។ ខុនដូ មានបំពាក់ដោយគ្រឿងសង្ហារិម និងបរិក្ខារទំនើបៗដូចជា ឧបករណ៍បន្ទប់ទឹក,ម៉ាស៊ីនត្រជាក់,ទូទឹកកក និងទូរទស្សន៍សុទ្ធសឹងជាម៉ាកល្បីៗ និងយីហោផ្សេងៗទៀត។
ដំណាក់កាលដំបូងនៃគម្រោងនេះ គឺខុនដូសម្រាប់ស្នាក់នៅ ដែលមាន ៣០ ជាន់ ដែលមានទំហំ ៤០ ទៅ ៥០ម៉ែត្រការ៉េ។ គម្រោងនេះ គ្រោងបញ្ចប់ការសាងសង់ នៅឆ្នាំ២០២១។
១១. គម្រោងThe View
គម្រោងនេះ មានទីតាំងនៅបឹងកេងកង១ ចំការមន នៃរាជធានីភ្នំពេញ។ គម្រោងនេះ មានកម្ពស់ ៣៣ ជាន់ បែងចែកជាខុនដូ និងសេវាកម្មអាផាតមេន ដែលមានចំនួន ៣២០ យូនីត ។ យូនីតនីមួយៗ មានទំហំពី ២៦ ទៅ ៦១ ម៉ែត្រការ៉េ។ មានសន្តិសុខយាមកាម ២៤ម៉ោង ដែលធ្វើឲ្យអតិថិជន អាចទទួលបានអារម្មណ៍សុវត្ថិភាព។
គម្រោងនេះ សាងសង់ដោយក្រុមហ៊ុន Grand RichFortune ហើយក្រុមហ៊ុនធានាជួលត្រលប់ ក្នុងអត្រា ១៩% ក្នុងរយៈពេល ៥ឆ្នាំ។ គម្រោងនេះ បានបញ្ចប់ការសាងសង់ របស់ខ្លួននៅឆ្នាំ ២០១៨។ កន្លងទៅនេះ គម្រោងនេះ ក៏មានបន្ទប់អាផាតមិន សម្រាប់ជួលក្នុងតម្លៃ ១,០០០ ដុល្លារ ក្នុងមួយខែផងដែរ។ អតិថិជន អាចរីករាយជាមួយនឹងបរិក្ខារ និងកន្លែងលំហែកាយផ្សេងៗ ដូចជាអាងហែលទឹក សួនច្បារ ដោយមានទេសភាពទីក្រុងដ៏ស្រស់ស្អាតផងដែរ។
១២. គម្រោង Baoli Mansion
គម្រោង Baoli Mansion គឺជាគម្រោងប្រណិត និងស្រស់ស្អាត ដែលនឹងឈរជាទីសម្គាល់ថ្មីមួយ នៅក្នុងទីក្រុង និងផ្តល់ជូនឱកាសវិនិយោគល្អបំផុត ការជួលត្រលប់ក្នុងអត្រា ១៦% ក្នុងរយៈពេល ២ ឆ្នាំ។
Baoli Mansion មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ជិតស្ថានីយ៍រថភ្លើង និងត្រឹមតែ១៥នាទី ពីព្រលានយន្តហោះ។ Baoli Mansion ព័ទ្ធជុំវិញដោយស្ថាប័នរដ្ឋសំខាន់ៗ ស្ថាប័នអប់រំ និងស្ថាប័នពាណិជ្ជកម្ម ផ្សារទំនើប សេវាកម្មកម្សាន្តជាច្រើន នៅក្នុងទីក្រុង។
Baoli Mansion នឹងមានលំនៅឋានប្រណិត ដែលមានទំហំចាប់ពី ៤៥ ម៉ែត្រការ៉េ ដល់ ៥៥ ម៉ែត្រការ៉េ។ នៅក្នុងគម្រោង Baoli Mansion មានផ្តល់ជូនសេវាកម្មដូចជា ចំណតរថយន្ត សេវាកម្មថែរក្សាលំនៅឋាន កន្លែងហាត់ប្រាណ ហាងកាហ្វេ ភោជនីយដ្ឋាន និងបា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
