ពីនេះ ពីនោះ
×![]()
ដោយ: ថ្មីៗ
វចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពាក្យ«សង្កេត»មានន័យខុសពីពាក្យ «អង្កេត» ដែលជាកម្ចីពីបារាំងដែលសរសេរជា Enquête។ 
«សង្កេត» ជាភាសាសំស្ក្រឹត និងបាលី មានន័យថា ការកំណត់,ការមត់គ្នា, ការណាត់គ្នា,ប្តេជ្ញាគ្នា, ការយល់ព្រមជាមួយ, ការត្រួតពិនិត្យមើលឲ្យដឹងច្បាស់លាស់។ ខ្មែរយើងប្រើពាក្យ«សង្កេត»ជាកិរិយាសព្ទ សំដៅលើ ការត្រួតពិនិត្យ,ចំណាំ, គ្នេរគ្នាន់, រំពឹងមើលឲ្យឃើញជាក់។ សង្កេតការណ៍បោះឆ្នោត ដើម្បីពិនិត្យស្ថានភាពនៅពេលបោះឆ្នោត។
ចំណែក «អង្កេត» ជាពាក្យកម្ចីពីបារាំង Enquête សំដៅលើការស៊ើបសួរបញ្ជាក់សាក្សី និងជាដំណើររកឲ្យដឹងការណ៍ពិត។ អាជ្ញាអង្កេត មន្ត្រីដែលតុលាការចាត់ឲ្យទៅស៊ើបពិនិត្យបញ្ជាក់ការណ៍ឲ្យឃើញពិត៕
© រក្សាសិទ្ធិដោយ thmeythmey.com
