អត្ថបទពាណិជ្ជកម្ម
ពិព័រណ៍វិទ្យាសាស្ត្រ បេប៊ីអោតឡេតលើកទី 2 នឹងចាប់ផ្តើមក្នុងពេលឆាប់ៗខាងមុខនេះ
× បន្ទាប់ពីជោគជ័យក្នុងពិព័រណ៍វិទ្យាសាស្ត្របេប៊ីអោតឡេត លើកទី 1 កាលពីដើមខែមិថុនាកន្លងមក ឥឡូវនេះ ហាងលក់ទំនិញកុមារ បេប៊ីអោតឡេត យើងខ្ញុំនឹងបង្កើត “ពិព័រណ៍វិទ្យាសាស្ត្របេប៊ីអោតឡេតលើកទី 2” ដែលមានបងប្អូនតំណាងចែកចាយផលិតផល ម្សៅទឹកដោះគោ ខោទឹកនោម សម្ភារលាងសម្អាត និងផលិតផលពាក់ព័ន្ធផ្សេងៗជាច្រើនទៀត ចូលរួម និងផ្តល់ប្រឹក្សាដល់អតិថិជនគ្រប់ស្រទាប់វណ្ណៈ។
ពិព័រណ៍វិទ្យាសាស្ត្របេប៊ីអោតឡេតលើកទី 2 នឹងប្រារព្ធឡើង នៅថ្ងៃទី 9-10-11 ខែសីហា ឆ្នាំ 2019 ចាប់ពីវេលាម៉ោង 8 ព្រឹក ដល់ម៉ោង 8 យប់ នៅទីតាំងសាខាវិមានឯករាជ្យ។ យើងខ្ញុំ នឹងពាំនាំម៉ាស៊ីនវិទ្យាសាស្ត្រជាច្រើនប្រភេទ រួមទាំងមនុស្សយន្ត ដែលមានការសហការទទួលបានពីសហភាពសហព័ន្ធយុវជនកម្ពុជា ក្នុងគោលបំណងពង្រីកចំណេះដឹងរបស់ប្អូនៗកុមារ ឲ្យបានស្គាល់ពីបច្ចេកវិទ្យា នៃឧបករណ៍ដែលយើងប្រើប្រាស់សព្វថ្ងៃ និងគំនិតគណនាផ្សេងៗផងដែរ ដែលហៅកាត់ថា STEM (Science, technology, engineering និង mathematics) ។
ជម្រើសសម្រាប់អ្នកម៉ាក់លោកប៉ា ទទួលបានការថែមជូនប្រូម៉ូសិនពិសេសៗ ពីសំណាក់ម្ចាស់ផលិតផលជាច្រើន ដែលបានចូលរួមសហការ។ មានការពន្យល់ពីរូបវិទ្យា និងវិទ្យាសាស្ត្រដែលទាក់ទងនឹងឧបករណ៍ដែលយើងប្រើប្រាស់សព្វថ្ងៃ ដោយលោកគ្រូ អ្នកគ្រូដែលមានបទពិសោធន៍ជាច្រើនឆ្នាំ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com