ជាតិ
×![]()
ដោយ៖ សុវណ្ណ ស្រីពេជ្រ
ភ្នំពេញ៖ ក្រសួងធនធានទឹក និងឧតុនិយម បានព្យាករថា ចាប់ពីថ្ងៃទី២៩ ខែកក្កដា រហូតដល់ថ្ងៃទី៤ ខែសីហា កម្ពុជា នឹងរងសម្ពាធទាប អូសបន្លាយកាត់ពីលើអាងទន្លេមេគង្គប្រទេសថៃ និងឡាវ ដែលធ្វើឲ្យតំបន់មួយចំនួនមានភ្លៀងធ្លាក់ពីមធ្យមទៅខ្លាំង។ នេះបើតាមសេចក្ដីជូនដំណឹងរបស់ក្រសួងធនធានទឹក ដែលចេញផ្សាយនាថ្ងៃទី២៩ខែកក្កដានេះ។
បើតាមជូនដំណឹងរបស់ក្រសួងធនធានទឹក មូលហេតុដែលនាំឲ្យអាកាសធាតុមានភ្លៀងធ្លាក់ពីមធ្យមទៅខ្លាំងបែបនេះ គឺដោយសារតែប្រព័ន្ធសម្ពាធទាបអូសបន្លាយកាត់ពីលើអាងមេគង្គប្រទេសថៃ និងឡាវ ខណៈនៅប៉ែកខាងលើសមុទ្រចិនខាងត្បូង នឹងកើតព្យុះទី៧។
ក្រសួងធនធានទឹក បញ្ជាក់ថា បណ្ដាខេត្តមួយចំនួន ដូចជា ខេត្តពោធិ៍សាត់ កំពង់ឆ្នាំង កំពង់ចាម ត្បូងឃ្មុំ ព្រៃវែង ស្វាយរៀង ក្រចេះ ព្រះវិហារ ស្ទឹងត្រែង មណ្ឌលគិរី កោះកុង និងខេត្តព្រះសីហនុ នឹងអាចមានភ្លៀងធ្លាក់ពីកម្រិតមធ្យមទៅច្រើន ហើយផ្នែកមួយចំនួននៃបណ្ដាខេត្តទាំងនោះមានភ្លៀងធ្លាក់ខ្លាំង។
ដោយឡែកនៅរាជធានីភ្នំពេញ និងតាមបណ្ដាខេត្តផ្សេងទៀត នឹងអាចមានភ្លៀងក្នុងកម្រិតពីខ្សោយទៅមធ្យម ខណៈតំបន់មាត់សមុទ្រ នឹងអាចមានបាតុភូតផ្គរ រន្ទះ ចាប់ពីថ្ងៃទី១-៤ ខែសីហា៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
