«​ខ្ញុំ​រំពឹងថា នឹង​ត្រឡប់​មកកាន់​ម៉ា​ឌ្រី​ដ​វិញ​នាពេល​ឆាប់​ខាងមុខ​»​។ នេះ​ជាការ​អះអាង​របស់ Ronaldo ក្រោយ​ទទួលពាន Marca Leyenda ដែល​ផ្តល់​ដោយ​កាសែត​កីឡា Marca សម្រាប់​អ្នក​ប្រកប​កីឡា​អាជីព​ល្អ​ជាងគេ​នៅ​អេ​ស្ប៉ា​ញ​។ ចាប់ពី​ឆ្នាំ​១៩៩៧​មក អ្នកកីឡា​ជាង​៤០​នាក់​ទទួលបាន​ពានរង្វាន់​ប្រកបដោយ​កិត្យានុភាព​នេះ​។​

 

Ronaldo បាន​ចំណាយពេល​មួយ​ទសវត្សរ៍​នៅ Real Madrid ដោយបាន​ឈ្នះ Ballon d’Or ៤​លើក​ក្នុងចំណោម​៥​លើក ឈ្នះ Champions League ៤​លើក ឈ្នះ La Liga ២​លើក ឈ្នះ Copa de Rey ២​លើក ជាមួយនឹង​ការ​ស៊ុត​បាល់​បញ្ចូល​ទី​សរុប​៤៥០​គ្រាប់​ក្នុងចំណោម​ការប្រកួត​៤៣៨​លើក មុនពេល​ចូលរួម​ជាមួយ Juventus​។​

 

​ខ្សែប្រយុទ្ធ​រូបនេះ បាន​អះអាងថា គេ​មានការ​នឹករលឹក​ជានិច្ច​ក្រោយ​ការ​ចេញពី Real Madrid​។ «​ខ្ញុំ​នឹក​ទាំង​មែន​ឆេ​ស្ទ័​រ និង​ម៉ា​ឌ្រី​ត ប៉ុន្តែ​ដោយសារ​ខ្ញុំ​រស់នៅ​ច្រើន​ឆ្នាំ​នៅ​ម៉ា​ឌ្រី​ត កូនៗ​ខ្ញុំ​កើត​នៅទីនេះ ដូច្នេះ​ខ្ញុំ​នឹក​ម៉ា​ឌ្រី​ត​ជាង​»​។ Ronaldo បានលើកឡើង​យ៉ាង​ដូច្នេះ​៕