អត្ថបទពាណិជ្ជកម្ម
ក្រុមហ៊ុន ភ្នំពេញលែន ឃែភីថល វិនិយោគទឹកប្រាក់ ជាង៥លានដុល្លារលើក្រុមហ៊ុនម៉ារីន បេ ឃែភីថល ក្នុងវិស័យដឹកជញ្ជូននៅកម្ពុជា
× ភ្នំពេញៈ នៅថ្ងៃទី ២៩ ខែ កក្កដា ឆ្នាំ ២០១៩នេះ ក្រុមហ៊ុនភ្នំពេញលែន ឃែភីថល ដែលជាក្រុមហ៊ុនដែលមានសក្កានុពលមួយនៅក្នុងប្រទេសកម្ពុជា និងជាក្រុមហ៊ុនអចលនទ្រព្យដែលបានវិនិយោគ និងបណ្តាក់ទុនជាមួយក្រុមហ៊ុនជាច្រើនទាំងក្នុង និងក្រៅប្រទេស បានចុះហត្ថលេខា រួមគ្នាវិនិយោគក្នុងវិស័យដឹកជញ្ជូននៅកម្ពុជា ជាមួយក្រុមហ៊ុនម៉ារីន បេ ឃែភីថល ។
លោកជំទាវ សែ លីលី ជាសហស្ថាបនិក និងជាប្រធានក្រុមប្រឹក្សាភិបាលនៃក្រុមហ៊ុន ភ្នំពេញ លែន ឃែភីថល និងជាសមាជិកវ័យក្មេងជាងគេនៃសមាគមនាយកប្រតិបត្តិវ័យក្មេងហៅកាត់ថា YPO Cambodia ដែលសមាគមនេះបានបង្កើតឡើងតាំងពីឆ្នាំ ១៩៥០ ហើយសព្វថ្ងៃមានបណ្តាញថ្នាក់នាយកក្រុមហ៊ុនធំៗមកពី ១៣០ ប្រទេសដែលមានប្រាក់ចំណូលប្រចាំឆ្នាំ ៩ សែនកោដិដុល្លារសហរដ្ឋអាមេរិក ។ អ្វីដែលគួរឱ្យចាប់អារម្មណ៍ទៀតនោះគឺថ្មីៗនេះក្រុមហ៊ុនភ្នំពេញ លែន ឃែភីថល ក៏បានរៀបចំនូវគម្រោងថ្មីទីក្រុងរណបវៃឆ្លាតមួយហៅថា អៃ ស៊ីធី។
ក្រុមហ៊ុន ភ្នំពេញ លែន ឃែភីថល មិនត្រឹមតែជាក្រុមហ៊ុនដែលអភិវឌ្ឍលើអចលនទ្រព្យតែមួយមុខនោះទេ តែជាក្រុមហ៊ុនដែលពង្រីកសក្តានុពលរបស់ខ្លួនទៅបន្តវិនិយោគលើសេវាកម្មដឹកជញ្ជូន, បច្ចេកវិទ្យា និងហិរញ្ញវត្ថុទៀតផង ។ ក្រុមហ៊ុនមានចក្ខុវិស័យបង្កើតនូវទីក្រុងវៃឆ្លាតដំបូងគេបង្អស់ដែលរួមបញ្ចូលវិស័យជាច្រើនដូចជា ពាណិជ្ជកម្ម, អេកូទេសចរណ៍, វប្បធម៌, បរិស្ថាន ដែលសុទ្ធសឹងជាផ្នែកសំខាន់ៗស្របតាមគោលនយោបាយអភិវឌ្ឍន៍របស់រាជរដ្ឋាភិបាល ។
លោក ថៃ ឧត្តម ជាប្រធានក្រុមប្រឹក្សាភិបាល និងជាអគ្គនាយកក្រុមហ៊ុនម៉ារីន បេ ឃែភីថក៏បានមានប្រសាសន៍ រថាវិស័យនាំចេញ-នាំចូលមានតម្រូវការខ្ពស់ ។ ដោយមើលឃើញនូវតម្រូវការក៏ដូចជាឱកាសទៅលើវិស័យនាំចេញ-នាំចូលនេះ បានជាក្រុមហ៊ុនម៉ារីន បេ ឃែភីថល និងក្រុមហ៊ុនភ្នំពេញលែន ឃែភីថល ចូលរួមគ្នាអភិវឌ្ឍន៍វិស័យដឹកជញ្ជូន នេះឡើងដើម្បីឱ្យកាន់តែមានប្រសិទ្ធភាពក៏ដូចជាអាចឈានជើងចូលទៅកាន់ទីផ្សារអន្តរជាតិបាន។
លោកក៏បានបន្តទៀតថា ដោយសារវិស័យដឹកជញ្ជូន យើងអាចធ្វើការសហការគ្នាជាសកលព្រោះយើងបានភ្ជាប់ការដឹកជញ្ជូនពីតំបន់មួយ ទៅតំបន់មួយ ពីប្រទេសមួយទៅកាន់ប្រទេសមួយផ្សេងទៀត។ជាក់ស្ដែង យើងបានដឹកជញ្ជូនផលិតផលកសិកម្មចេញទៅតំបន់អាស៊ីអាគ្នេយ៍ និងបណ្តាប្រទេសនៅអឺរ៉ុបជាដើម ហើយយើងបានចូលរួមចំណែកនៅក្នុងការធ្វើឱ្យពិភពលោកកាន់តែមានភាពជិតបង្កើយ។
នៅក្នុងឱកាសនេះ លោកថមមី ស៊ីម ជាទីប្រឹក្សាក្រុមហ៊ុនភ្នំពេញលែន ឃែភីថល បានមានប្រសាសន៍ថា ការរួមគ្នារវាងក្រុមហ៊ុនទាំងពីរ លើការ វិនិយោគក្នុងវិស័យ ដឹកជញ្ជូន ព្រោះ ភ្នំពេញលែន បានបង្កើតនូវទីក្រុងថ្មីនោះគឺនឹងផ្តល់អ្វីដែលថ្មីដែលគេហៅថាភាពខុសប្លែកគ្នារវាងទីក្រុង ឬបុរី ដោយគេហៅបានថាជាទីក្រុងឆ្លាតវៃ ឬ Smart City ដែលនៅក្នុងទីក្រុងទាំងអស់ប្រើប្រាស់ទៅដោយប្រព័ន្ធតិចណូឡូជីដើម្បីដំណើរការ និងគ្រប់គ្រង និងធ្វើឱ្យការរស់នៅមានសុវត្ថិភាព ដែលអាចជួយបញ្ចៀសរាល់ហានិភ័យទាំងអស់របស់លោកអ្នក ថែមទាំងរួមបញ្ចូលគ្នាជាមួយវិស័យដឹកជញ្ចូននិងវិស័យជាច្រើនផ្សេងទៀត។
ក្រុមហ៊ុនទាំងពីរជឿជាក់ថា ពិធីចុះហត្ថលេខា និងការចាប់ដៃគូវិនិយោគរវាងក្រុមហ៊ុនទាំងពីរ និងផ្តល់នូវភាពរីកចម្រើនក្នុងវិស័យដឹកជញ្ជូនក្នុងប្រទេសថែមមួយកម្រិតទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com