នាឡិកាដៃ គឺជាសម្ភារដែលជួយបង្កើនភាពស៊ីវិល័យ បង្កើនសម្រស់ ភាពស្រស់សង្ហាបានមួយកម្រិត និងអាចបង្ហាញពីបុគ្គលិកលក្ខណៈរបស់មនុស្សផងដែរ។ វាមិនត្រឹមតែជាគ្រឿងលម្អខ្លួនសាមញ្ញៗ ដែលអ្នកគិតថា ចេះតែទិញឲ្យតែបានៗនោះឡើយ។ ថ្ងៃនេះសូមអញ្ជើញលោកអ្នក មកស្គាល់ពីនាឡិកាដៃដ៏ប្រណិត ដែលមានគុណភាពខ្ពស់ និងការរចនាម៉ូដដ៏ល្អពិសេសដែលអ្នកមិននឹកស្មានដល់។
នាឡិកាដៃម៉ាក Concord C1 មានតម្លៃប្រមាណ €15,200 ($17,320)។ អ្នកអាចគិតថា វាមានតម្លៃថ្លៃ ប៉ុន្តែបើអ្នកបានជ្រាបពីចំណុចពិសេស របស់ម៉ាកនាឡិកាដៃនេះវិញ នោះលោកអ្នកនឹងមិនខ្វល់ពីតម្លៃរបស់វាទៀតឡើយ។ ការរចនាយ៉ាងហ្មត់ចត់ ល្អឥតខ្ចោះ គ្រប់ចំណុចគ្រប់ផ្នែកនៃតួនាឡិកា។
ក្បាលនាឡិកា ត្រូវបានផលិតឡើងពីលោហៈស្រោបមាស ហើយកញ្ចក់វិញ ជាប្រភេទកញ្ចក់ Sapphire Crystal (កញ្ចក់មិនឆ្កូត) កម្រាស់២មីល្លីម៉ែត្រ ដែលអាចទប់ស្កាត់ចំណាំងផ្លាតបានល្អ។ ចំណែកក្បាលរុយនាឡិកាវិញ ផលិតពីសេរ៉ាមិចពណ៌ខ្មៅ ស្រោបមាស បង្ហាញពីភាពទាក់ទាញ និងរឹងមាំ។
លើសពីនេះ ខ្សែនាឡិកាដៃផលិតមកពីស្បែកក្រពើសុទ្ធសាធ ប្រភេទ PVD ក្រឡាពណ៌ខ្មៅមានទំហំ ៤៧ មីលី្លម៉ែត្រ។ នៅផ្នែកខ្សែខាងក្រោម មានដាប់អក្សរ Concord ព្រមជាមួយនឹងការបញ្ជាក់ពីគុណភាពខ្សែ ដោយឆ្លាក់ថា «Genuine alligator» មានន័យថា ជាស្បែកក្រពើសុទ្ធ១០០%។ ចំណែកគន្លឹះវិញ ក៏មានការច្នៃផលិ តពីដែកសេរ៉ាមិចពណ៌ខ្មៅ យ៉ាងរលើបរលោង បង្ហាញពីភាពឥតខ្ចោះ និងគុណភាពហ្មត់ចត់ នៃនាឡិកាម៉ាក Concord C1។
មុខងារកាន់តែពិសេស ទោះបីជាអ្នកត្រូវជ្រមុជទឹកជ្រៅ ឬក៏ចុះទៅបាតសមុទ្រក៏ដោយ គឺមិនមានការព្រួយបារម្ភពីការជ្រាបទឹកនោះទេ ដោយសារវាមានសក្តានុពលពិសេស គឺធន់នឹងទឹកដល់ទៅ ២០០ម៉ែត្រ។ មិនតែប៉ុណ្ណោះ វាមានគ្រឿងម៉ាស៊ីនស្វ័យប្រវត្តិ (Automatic) Caliber A07.211 ដែលអាចទប់ខ្យល់ និងរំញ័របានដល់ទៅ ៤ហឺត ក្នុងមួយម៉ោង។ កាន់តែអស្ចារ្យនោះគឺ នាឡិកាលំដាប់ខ្ពស់នេះមានថ្មបម្រុងដែលមានថាមពលខ្លាំងដល់ទៅ ៤៨ម៉ោង។
នេះគឺជានាឡិកាដៃបុរសលំដាប់កំពូល និងពោរពេញទៅដោយសោភ័ណភាពទំនើប និងតាក់តែងជាមួយការរចនាដ៏ប្រណិត ដែលអ្នកមិនអាចរកបាននៅម៉ាកនាឡិកាដទៃ។ ពាក់នាឡិកានេះ នៅលើដៃអ្នក ធានាថានឹងប្រកបទៅដោយភាពស្រស់ស្អាត សង្ហា ថ្លៃថ្នូរ ព្រមជាមួយនឹងការស្ងើចសរសើរ ពីមនុស្សជុំវិញជាក់ជាមិនខាន។
(អត្ថបទពាណិជ្ជកម្ម)