អត្ថបទពាណិជ្ជកម្ម
ជំនួបផ្ទាល់ រវាងកីឡាករបាល់ទាត់លំដាប់ពិភពលោក «RONALDINHO» និងក្រុមម្ចាស់ជើងឯក TIGER STREET FOOTBALL FESTIVAL 2019
×![]()
ដោយ: ថ្មីៗ
ទីក្រុង Rio, ប្រេស៊ីល ៖ ពិតជាមានមោទកភាព និងក្តីសប្បាយរីករាយជាខ្លាំង ដែលក្រុមកីឡាករកម្ពុជា និងជាម្ចាស់ជើងឯក Tiger Street Football Festival 2019 ទទួលការអញ្ជើញមកជួបផ្ទាល់ ជាមួយកំពូលកីឡាករបាល់ទាត់លំដាប់ថ្នាក់ពិភពលោក «RONALDINHO» នៅគេហដ្ឋានរបស់លោកជាលក្ខណៈឯកជន។ ដំណើរទស្សនកិច្ច នេះ គឺនៅទីក្រុង Rio de Janeiro ប្រទេសប្រេស៊ីល ចំនួន ៣ថ្ងៃ គឺថ្ងៃទី ១៧ ទី១៨ និងថ្ងៃទី១៩ ខែកក្កដា ឆ្នាំ២០១៩។
ក្រុមកីឡាករកម្ពុជា និងក្រុមការងារស្រាបៀថៃហ្គ័រ បានទទួលបានការស្វាគមន៍យ៉ាងកក់ក្តៅ នៅឯគេហដ្ឋានផ្ទាល់របស់កំពូលកីឡាករបាល់ទាត់ សញ្ជាតិប្រេស៊ីល លោក RONALDINHO ។ នាឱកាសដ៏ពិសេសនោះ ក៏មានការថតរូបអនុស្សាវរីយ៍ ជាមួយក្រុមកីឡាករកម្ពុជា ជាពិសេសលោក RONALDINHO បានចុះហត្ថលេខាផ្ទាល់លើអាវកីឡាជាច្រើន ទុកជាកាដូពិសេសជូនសមាជិកទាំងអស់ នៃក្រុមកីឡាករកម្ពុជាផងដែរ។ នៅក្នុងនោះក៏មានការរៀបចំកម្មវិធីជប់លៀង អាំងសាច់បែបអាហារប្រចាំប្រទេសប្រេស៊ីល និងអាហារប៊ុហ្វេច្រើនមុខដ៏ឆ្ងាញ់ពិសា និងមានបម្រើភេសជ្ជៈជាច្រើន អមជាមួយការចាក់តន្ត្រីកំដរអារម្មណ៍ ក្នុងបរិយាកាសសប្បាយរីករាយ និងស្និទ្ធស្នាលជាទីបំផុត ហើយនិងមានវត្តមានមិត្តភ័ក្តិជាច្រើន និងបងប្រុសរបស់លោក RONALDINHO បានចូលរួមក្នុងកម្មវិធីនេះផងដែរ។ អ្វីដែលពិសេសដែរនោះ គឺការលេង Footvolley ដែលជាកីឡាដ៏ពេញនិយមនៅ ប្រទេសប្រេស៊ីល នា សួនច្បារដ៏ស្រស់ស្អាត ក្នុងបរិវេណគេហដ្ឋានរបស់ RONALDINHOផងដែរ។
ក្នុងអំឡុងដំណើរទស្សនកិច្ចនេះ លោក RONALDINHO បានមានប្រសាសន៍ថា លោកពិតជារំភើបរីករាយដែលបានរៀបចំពិធីជប់លៀង នៅក្នុងបវិវេណគេហដ្ឋានផ្ទាល់របស់លោក ដើម្បីស្វាគមន៍ក្រុមម្ចាស់ជើងឯកនៃកម្មវិធី Tiger Street Football Festival 2019 មកពីប្រទេសកម្ពុជា ជាពិសេសផ្តល់ការណែនាំបច្ចេកទេសលេង និងចែករំលែកបទពិសោធន៍ល្អៗរបស់លោក ជូនក្រុមម្ចាស់ជើងឯក។ លោកត្រៀមខ្លួនរួចជាស្រេច ក្នុងការមកទស្សនាប្រទេសកម្ពុជា និងមកជួបផ្ទាល់អ្នកគាំទ្រកម្ពុជា ក្នុងព្រឹត្តិការណ៍ប្រកួតបាល់ទាត់ Tiger Street Football Festival ក្នុងខែមករា ឆ្នាំ២០២០ខាងមុខ។
ជាពិសេសទៅទៀតក្នុងដំណើរទស្សនកិច្ចនេះ ក្រុមកីឡាករកម្ពុជា បានចូលទស្សនាផ្ទាល់ការប្រកួតវគ្គ១ភាគ៤ផ្ដាច់ព្រ័ត្រ នៅពហុកីឡដ្ឋានដ៏ធំ ឈ្មោះ Maracanã រវាងក្រុម Flamengo និង Athletico Paranaense ដើម្បីប្រកួតដណ្តើមពានរង្វាន់ប្រេស៊ីល (Copa do Brasil) ដោយមានការចូលរួម ពីអ្នកគាំទ្រកីឡាបាល់ទាត់រាប់ម៉ឺននាក់ សំឡេងនូវការទូងស្គរ និងស្រែកហ៊ោអបអរពេញពហុកីឡាដ្ឋាន យ៉ាងរំភើបសប្បាយរីករាយក្រៃលែង។ នេះគឺជាបទពិសោធន៍លើកដំបូង ក្នុងការទស្សនា កម្មវិធីប្រកួតបាល់ទាត់នៅក្នុងពហុកីឡាដ្ឋានអន្តរជាតិដោយផ្ទាល់ នៅក្នុងទ្វីបអាមេរិកឡាទីន សម្រាប់ក្រុមម្ចាស់ជើងឯក និងក្រុមការងារស្រាបៀរថៃហ្គ័រ ដែលមានអារម្មណ៍រំភើប និងសប្បាយរីករាយបំផុតមិនអាចបំភ្លេចបាន។
លើសពីនេះទៀត បានរីករាយទស្សនានៅកន្លែងទេសចរណ៍ដ៏ពេញនិយម នៅទីក្រុង Rio ដូចជាទស្សនាទេសភាពភ្នំ Corcovado និង Sugarloaf ដើរលំហែកម្សាន្ត បន្ធូរអារម្មណ៍នៅតាមឆ្នេរសមុទ្រ Copacabana ដ៏វែង និងស្រស់ស្អាត អមជាមួយអគារខ្ពស់ៗ ដែលមានរចនាបទទំនើប គួរឲ្យទាក់ទាញនៅកណ្តាលទីក្រុង Rio។
ក្នុងឱកាសពិសេសនេះផងដែរ លោក ភូ គឹម សែ ដែលជាប្រធានក្រុមម្ចាស់ជើងឯក Tiger Street Football Festival 2019 បានប្រសាសន៍ថា លោក និងសមាជិកទាំងអស់ មានអារម្មណ៍រំភើបរីករាយ និងរំជើបរំជួលចិត្តខ្លាំងណាស់ ដែលបានជួបផ្ទាល់ជាមួយកំពូលតារាបាល់ទាត់ក្នុងដួងចិត្ត គឺលោក RONALDINHO នៅក្នុងគេហដ្ឋានផ្ទាល់របស់គាត់ នៅក្នុងទីក្រុង Rio ប្រទេសប្រេស៊ីល។ លោក ភូ គឹម សែ សង្ឃឹមថា Tiger Street Football Festival នឹងមានការរៀបចំកម្មវិធីជួបផ្ទាល់បែបនេះ កាន់តែអស្ចារ្យជាមួយកំពូលរីបុរសបាល់ទាត់លំដាប់ពិភពលោក នៅឆ្នាំក្រោយៗទៀត។
ឆ្នាំនេះជាភាពជោគជ័យដ៏ធំធេង និងកាន់តែប្លែកខុសពីឆ្នាំមុនៗ សម្រាប់កម្មវិធី Tiger Street Football Festival 2019 ដោយបានផ្តល់បទពិសោធន៍ដ៏កម្រមាន មិនដែលធ្លាប់មានពីមុនមក និងមានតែម្តងគត់ក្នុងមួយជីវិត សម្រាប់ក្រុមកីឡាករកម្ពុជា ជួបផ្ទាល់ក្នុងគេហដ្ឋានផ្ទាល់ របស់កំពូលកីឡាករបាល់ទាត់លំដាប់ថ្នាក់ពិភពលោក RONALDINHO នៅទីក្រុង Rio ប្រទេសប្រេស៊ីល។
ចំពោះព័ត៌មានបន្ថែមអំពីកម្មវិធីទស្សនកិច្ច សកម្មភាព និងរូបភាពនៃដំណើរទស្សនកិច្ច របស់ក្រុមម្ចាស់ជើងឯក Tiger Street Football Festival 2019 ទីក្រុង Rio De Janeiro ប្រទេសប្រេស៊ីល សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀថៃហ្គ័រ៖ www.facebook.com/TigerBeerKH ៕
ពិសាដោយការទទួលខុសត្រូវ!
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
