កីឡាជាតិ
ជាតិ
ការប្រកួតជើងទី១ពានរង្វាន់សម្តេច ហ៊ុន សែន វគ្គ១/៤ ត្រូវបានលើកពេល
× ការប្រកួតបាល់ទាត់ពានរង្វាន់សម្តេច ហ៊ុន សែន វគ្គ៨ក្រុមចុងក្រោយផ្តាច់ព្រ័ត្រជើងទី១ ដែលគ្រោងរៀបចំនៅថ្ងៃទី៧-៨ សីហា ឆ្នាំ២០១៩ ត្រូវបានលើកពេលប្រកួត។ ការលើកពេលនេះ គឺដោយសារមន្ត្រីអាជ្ញាកណ្តាលមួយចំនួនជាប់រៀនវគ្គអាជ្ញាកណ្តាលចៅក្រមអន្តរជាតិ និងដើម្បីកុំឲ្យប៉ះពាល់ដល់ការប្រកួតក្របខណ្ឌខេមបូឌានលីគជាដើម។
បើតាមលោក ឆាំង ពិសិដ្ឋ លេខាប្រតិបត្តិនៃគណៈកម្មការប្រកួតបាល់ទាត់ជាតិកម្ពុជា(CNCC)ការប្រកួតជើងទី១នៃពានរង្វាន់សម្តេច ហ៊ុន សែន វគ្គ១/៤ផ្តាច់ព្រ័ត្រត្រូវបានលើកពេលទៅរៀបចំនៅថ្ងៃទី១៣-១៤ ខែសីហា ឆ្នាំ២០១៩។ ចំណែកការប្រកួតជើងទី២ដែលគ្រោងធ្វើឡើងនៅថ្ងៃទី២១-២២ សីហា គឺរក្សានៅដដែល។
លេខាប្រតិបត្តិរូបនេះបានបន្ថែមថា ការលើកពេលនេះ គឺដោយសារ CNCC ចង់បានអាជ្ញាកណ្តាលល្អៗចូលរួមកាត់សេចក្តីក្នុងការប្រកួតពានរង្វាន់សម្តេច ហ៊ុន សែន នៅជើងទី១ ព្រោះមន្ត្រីអាជ្ញាកណ្តាលមួយចំនួនជាប់រវល់រៀនវគ្គអាជ្ញាកណ្តាលអន្តរជាតិ។ ហេតុផលមួយទៀត គឺដើម្បីជួយសម្រាលភាពមមាញឹកដល់ក្រុមមួយចំនួន ដែលត្រូវលេងពានសម្តេចផង និងក្របខណ្ឌមិត្តហ្វូនខេមបូឌានលីគផង។ ជាក់ស្តែងសម្រាប់ការប្រកួតលីគសប្តាហ៍ទី១៨ នៅថ្ងៃសៅរ៍ទី៣ សីហា បឹងកេតប៉ះក្រសួងការពារជាតិ រីឯវិសាខាជួបអង្គរថាយហ្គឺរ៕
Tag:
ឆាំង ពិសិដ្ឋ
Hun Sen Cup 2019
© រក្សាសិទ្ធិដោយ thmeythmey.com