ពីនេះ ពីនោះ
×![]()
ដោយ: ថ្មីៗ
«រយៈ»ចង់បញ្ជាក់ពី ពេលវេលា, សន្ទុះ,ល្បឿន,ដំណើរ។ ចំណែកឯពាក្យ «រយះ» សំដៅលើ រហែកញែកចេញដូចគេចាប់យះ។ 
វចនានុក្រមសម្តេចព្រះសង្ឃរាជ ជួន ណាត បានពន្យល់ពាក្យ «រយៈ»ជាសំស្ក្រឹត និងបាលីលាយគ្នា មានន័យថា សង្កាត់,ថ្នាក់,ភាគ និងកម្រិតនៃ កាល,ផ្លូវ,ពេលវេលា ដែលបញ្ជាក់ពីសន្ទុះ,ល្បឿន,ដំណើររួសរាន,ឆាប់រហ័ស។ ឧទាហរណ៍៖ រយៈកាល,រយៈផ្លូវ, រយៈវេលា, រយៈពេល។
ចំណែកឯពាក្យ «រយះ»មានន័យថា បែករហែកញែកចេញដូចគេចាប់យះ។ គេអាចផ្សំពាក្យ រយៈ ជាគន្លាស់នឹងពាក្យ រយះរយាយ ឬរយាយឆ្លះ គឺរយះឆ្លាយ។ ឧទាហរណ៍៖ សើចរយះមាត់, មែកឈើរយះ, រយះសំពត់ ជាដើម៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
