ជាតិ
បទសម្ភាសន៍
បាក់ឌុប
វីដេអូ
×![]()
ភ្នំពេញ៖ ការប្រឡងបាក់ឌុបឆ្នាំ២០១៩ នឹងប្រព្រឹត្តនៅថ្ងៃទី១៩-២០ ខែសីហានេះ។ ក្នុងរយៈពេលដ៏ខ្លីមុនការប្រឡងនេះ លោកសាស្ត្រាចារ្យគីមីវិទ្យា សេង សុខឃាង បានជំរុញឲ្យសិស្សថ្នាក់ទី១២ ទាំងអស់ ខិតខំអនុវត្តធ្វើលំហាត់ ក្នុងសៀវភៅក្រសួងអប់រំឲ្យបានទាំងអស់ និងសាកសួរគ្រូវិញប្រសិនបើមានចម្ងល់ត្រង់ចំណុចណាមួយ។ លោកសាស្ត្រាចារ្យ សេង សុខឃាង បញ្ជាក់ថា៖«បើសិស្សមានសមត្ថភាពខ្សោយ កុំខំប្រឹងធ្វើលំហាត់ធំៗពេក។ ធ្វើលំហាត់តូចៗឲ្យអស់ នោះអាចប្រឡងជាប់។ ជាពិសេស សិស្សត្រូវធ្វើ លំហាត់ក្នុងសៀវភៅក្រសួងអប់រំឲ្យបានទាំងអស់ ហើយមានចម្ងល់អាចយកមកសួរគ្រូវិញបាន»។
លោកសាស្ត្រាចារ្យ សេង សុខឃាង បន្ថែមថា ក្នុងពេលប្រឡងប្រសិនបើសិស្សបានត្រៀមខ្លួនល្អ នោះពួកគេ នឹងមិនភិតភ័យ និងធ្វើកិច្ចការប្រឡងបានបានល្អ។ ផ្ទុយទៅវិញ ប្រសិនបើសិស្សមិនសូវបានរៀនត្រៀម ឬខ្ជិលធ្វើលំហាត់ នោះសិស្សនឹងភ័យក្នុងពេលប្រឡង ហើយបាត់បង់ចំណេះដឹងដែលបានចេះ អស់មួយចំនួន។ សាស្ត្រាចារ្យរូបនេះ លើកទឹកចិត្តសិស្ស ឲ្យខិតខំអនុវត្តន៍លំហាត់ឲ្យកាន់តែច្រើន ជាពិសេសលំហាត់តូចៗ សម្រាប់សិស្សដែលខ្សោយ។
សម្រាប់សិស្សដែលចង់បាននិទ្ទេសល្អ លោកសាស្ត្រាចារ្យ បានអះអាងថា សិស្សត្រូវធ្វើលំហាត់ ទាំងអស់ មិនថា លំហាត់ពិបាក និងលំហាត់ខ្សោយ ដើម្បីវាស់សមត្ថភាពពិត មុនពេលប្រឡង។ សិស្សត្រូវតាំងអារម្មណ៍ឲ្យបានស្ងប់ មុននឹងធ្វើលំហាត់ ហើយសិស្សត្រូវអានប្រធានឲ្យបាន ត្រឹមត្រូវ មុននឹងធ្វើ។
សូមអញ្ជើញទស្សនាវីដេអូខ្លីដូចតទៅ៖
សូមបញ្ជាក់ថា សម័យប្រឡងសញ្ញាបត្រមធ្យមសិក្សាទុតិយភូមិ នឹងប្រព្រឹត្តទៅនៅថ្ងៃទី ១៩-២០ ខែសីហា ២០១៩នេះ ដោយមានបេក្ខជនដាក់ពាក្យប្រឡងសរុប ១១៩, ២១៧នាក់៕
Tag:
បាក់ឌុប
គីមីវិទ្យា
អប់រំ
© រក្សាសិទ្ធិដោយ thmeythmey.com
