កីឡាអន្តរជាតិ
អន្តរជាតិ
ទិញ៨៩លានដុល្លារពី Lille នាំឲ្យ Pepe ក្លាយជាកីឡាករដែលមានតម្លៃខ្លួនខ្ពស់ជាងគេនៅ Arsenal
× Nicolas Pepe ខ្សែបម្រើស្លាបកូតឌីវ័រអាយុ២៤ឆ្នាំ ក្លាយជាកីឡាករថ្មីរបស់ Arsenal ក្រោយពី Lille ក្នុងតម្លៃខ្លួនជាកំណត់ត្រារបស់កាំភ្លើងធំរហូតដល់៧២ផោន (៨៩លានដុល្លារអាមេរិក) ក្រោមកិច្ចសន្យា៥ឆ្នាំ។
Pepe បានស៊ុតបាល់បញ្ចូលទី៧៤គ្រាប់ឲ្យ Lille សម្រាប់ការប្រកួតក្នុងក្របខណ្ឌ Ligue 1 របស់បារាំង ក្រោយផ្ទេរពីក្លិប Angers នៅឆ្នាំ២០១៧។ កាលពីរដូវកាលមុន កីឡាករកូតឌីវ័ររូបនេះ ស៊ុតបាល់បញ្ចូលទី២២គ្រាប់ និងបញ្ជូនបាល់ (assists) ចំនួន១១គ្រាប់។
បន្ទាប់ពី Paul Pogba និង Romelu Lukaku របស់ Manchester United និងខ្សែការពារ Virgil van Dijk របស់ Liverpool Pepe ក្លាយជាកីឡាករទី៤ដែលមានតម្លៃខ្លួនខ្ពស់ជាងគេនៅ Premier League ។
នៅ Arsenal ខ្សែបម្រើ Pepe ក្លាយជាកីឡាករដែលមានតម្លៃខ្ពស់ជាងគេក្នុងប្រវត្តិសាស្ត្រក្លិប ដោយឈរពីលើ Pierre-Emerick Aubameyang (៦៨លានដុល្លារ), Alexandre Lacazette (៥៧លានដុល្លារ), Mesut Ozil (៥២លានដុល្លារ) និងGranit Xhaka (៤៣លានដុល្លារ)។
Pepe ថា ខ្លួនបានសម្រេចចិត្តត្រូវដែលបានចូលរួមជាមួយ Arsenal ដែលនេះជាជម្រើសដ៏ជាក់លាក់។ គេនឹងពាក់លេខ១៩ក្នុងនាមជាកីឡាករក្លិបកាំភ្លើងធំ។
គ្រូបង្វឹក Arsenal លោក Unai Emery រីករាយដែលទទួលបានខ្សែបម្រើស្លាបលំដាប់ខ្ពស់ និងជាផ្ទាំងស៊ីបរបស់បណ្តាក្លិបធំៗនៅអឺរ៉ុប។
Pepe ស្ថិតក្នុងចំណោមកីឡាករឆ្នើមៗលើពិភពលោក ដែលធ្លាប់លេងឲ្យ Lille ដែលក្រៅពីនោះ មាន Idrissa Gueye, Divock Origi, Dimitri Payet, Lucas Digne និង Eden Hazard ជាដើម៕
© រក្សាសិទ្ធិដោយ thmeythmey.com