ហូជីមិញ ថ្ងៃទី១ ខែសីហា ឆ្នាំ២០១៩៖ ក្រុមហ៊ុនអាកាសចរណ៍ Vietjet បានប្រកាសពីប្រាក់ចំណូលរបស់ខ្លួន ពីការដឹកជញ្ជូនផ្លូវអាកាស ក្នុងរយៈពេល៦ខែដំបូង នៅឆ្នាំ២០១៩។ តួលេខនេះកើនឡើង ២២ភាគរយ បើធៀបទៅនឹងរយៈពេលដូចគ្នានេះ ក្នុងឆ្នាំ២០១៨ ហើយប្រាក់ចំណេញរបស់ក្រុមហ៊ុននៅមុនពេលកាត់ពន្ធ សម្រាប់ពាក់កណ្តាលឆ្នាំ២០១៩នេះ បានកើនឡើង ១៦ ភាគរយ បើធៀបនឹង រយៈពេលដូចគ្នា កាលពីឆ្នាំមុន។
ក្រុមហ៊ុននេះ បានបញ្ជាក់ថា ប្រាក់ចំណូលតាមរយៈការដឹកជញ្ជូនផ្លូវអាកាសរបស់ខ្លួន មានចំនួនសរុប ២០,១ ទ្រីលានដុង (ស្មើនឹង ៨៦៩,៩២៨ លានដុល្លារអាមេរិក) ក្នុងនោះប្រាក់ចំណេញ នៅមុនពេលកាត់ពន្ធ មានចំនួន ១,៥៦ ទ្រីលានដុង សម្រាប់រយៈពេល៦ខែដំបូង ក្នុងឆ្នាំ២០១៩នេះ។
ប្រាក់ចំណូលសរុបទាំងអស់របស់ Vietjet ក្នុងនោះរាប់បញ្ចូលទាំងប្រាក់ចំណូល បានមកពីសកម្មភាពមិនទាក់ទងនឹងការដឹកជញ្ជូន ដូចជា ពាណិជ្ជកម្មលើយន្តហោះ ក៏បានកើនឡើងចំនួន ២៤ ភាគរយ ផងដែរ នៅពាក់កណ្តាលឆ្នាំ២០១៩នេះ ។ ក្រោយពី រកបានប្រាក់ចំណូល ២៦,៣ ទ្រីលានដុង បើធៀបទៅនឹងរយៈពេលដូចគ្នា ក្នុងឆ្នាំ២០១៨ ខណៈដែលប្រាក់ចំណេញសរុប នៅមុនពេលកាត់ពន្ធ មានចំនួន ២,៤ ទ្រីលានដុង ដែលជាការកើនឡើង ១១ភាគរយ បើធៀបនឹងឆ្នាំមុន។
ក្នុងអំឡុងរយៈពេល៦ខែដំបូង ក្នុងឆ្នាំ២០១៩ ក្រុមហ៊ុន Vietjet បានប្រតិបត្តិការហោះហើរ ៦៨ ៨២១លើក ស្មើនឹង ៤៥ភាគរយ នៃការហោះហើរសរុប ដែលត្រូវបានប្រតិបត្តិដោយក្រុមហ៊ុនអាកាសចរណ៍របស់វៀតណាមទាំងអស់។ Vietjet បានដឹកអ្នកដំណើរសរុបចំនួន ១៣,៥ លាននាក់ ក្នុងការហោះហើរសរុបទាំងអស់នោះ ក្រោយពីការពង្រីកបណ្តាញហោះហើររបស់របស់ខ្លួន ស្របពេលដែលក្រុមហ៊ុននេះ នៅតែរក្សាស្ថិតក្នុងទីតាំងឈានមុខគេ លើសេវាដឹកជញ្ជូនក្នុងស្រុក ដោយមានចំណែកទីផ្សារដល់ទៅ ៤៤ភាគរយ ក្នុងរយៈពេល៦ខែដំបូង នៅឆ្នាំនេះ។ ក្រុមហ៊ុនអាកាសចរណ៍វៀតណាម មានចំណែកទីផ្សារ ៣៤ភាគរយ ក្នុងដំណាក់កាលដូចគ្នានេះ។
ការកើនឡើងខ្លាំង ទៅលើតួលេខនៃប្រតិបត្តិការរយៈពេល៦ខែដំបូង របស់ក្រុមហ៊ុន Vietjet នេះ កើតឡើងមួយផ្នែកធំ ដោយសារតែការពង្រីកបណ្តាញផ្លូវហោះហើរឥតឈប់ឈរ ទាំងក្នុងស្រុក និងអន្តរជាតិ ជាមួយនឹងការពង្រីកផ្លូវហោះហើរអន្តរជាតិថ្មី ចំនួន៩ ទៅកាន់ជប៉ុន ទីក្រុងហុងកុង ឥណ្ឌូណេស៊ី ចិន និងផ្លូវក្នុងស្រុកចំនួន ៣ទៀត។ ការចំណាយទាបទៅលើប្រេងសាំង និងការគ្រប់គ្រងរូបិយបណ្ណបរទេស បានយ៉ាងរឹងមាំ ក៏បានជួយឲ្យមានកំណើនខ្លាំង លើប្រាក់ចំណូលក្នុងរយៈពេល៦ខែ ដំបូងនៃឆ្នាំ២០១៩ ផងដែរ។
ចំនួនអ្នកធ្វើដំណើរនៅលើផ្លូវហោះហើរអន្តរជាតិ របស់ Vietjet បានកើនឡើង ៣៥ ភាគរយ ស្មើនឹងជិត៤ លាននាក់ ហើយប្រាក់ចំណូលរបស់ក្រុមហ៊ុន Vietjet សម្រាប់សេវាដឹកជញ្ជូនអន្តរជាតិ បានកើនឡើងខ្ពស់ ជាងប្រាក់ចំណូល ពីសេវាដឹកជញ្ជូនក្នុងស្រុក ពោលគឺស្មើនឹង ៥៤ ភាគរយ នៃប្រាក់ចំណូលសរុបពីការដឹកជញ្ជូនផ្លូវអាកាសរបស់ Vietjet។
បណ្តាញហោះហើររបស់ក្រុមហ៊ុន Vietjet បច្ចុប្បន្នផ្សារភ្ជាប់អ្នកធ្វើដំណើរ ទៅកាន់គោលដៅផ្សេងៗជាច្រើន ទូទាំងប្រទេសវៀតណាម កម្ពុជា ជប៉ុន ឥណ្ឌូណេស៊ី សិង្ហបុរី កូរ៉េខាងត្បូង តៃវ៉ាន់ ថៃ មីយ៉ាន់ម៉ា ម៉ាឡេស៊ី និងប្រទេសចិន។
សម្រាប់តួលេខប្រតិបត្តិការ ដ៏គួរឲ្យចាប់អារម្មណ៍ផ្សេងទៀត ក្នុងរយៈពេល៦ខែដំបូងនេះ ក្រុមហ៊ុន Vietjet បានប្រកាសថា ទម្ងន់ផ្ទុកជាមធ្យមរបស់ខ្លួន ក្នុងពេលហោះហើរ គឺមានចំនួន ៨៨ ភាគរយ ភាពជឿជាក់ទៅលើប្រព័ន្ធបច្ចេកទេស មាន ៩៩,៦៤ភាគរយ ហើយភាពទៀងទាត់ទាន់ពេលពេលវេលា មានកម្រិតដល់ទៅ ៨១,៥ភាគរយ៕
(អត្ថបទពាណិជ្ជកម្ម)