ក្រសួង ប្រាប់ឲ្យអាជីវករលក់តែសាច់ជ្រូកណាដែលមានអូសត្រាបញ្ជាក់វិញ្ញាបនបត្រអនាម័យសត្វ

ជាតិ

សង្គមជាតិ

ក្រសួង ប្រាប់ឲ្យអាជីវករលក់តែសាច់ជ្រូកណាដែលមានអូសត្រាបញ្ជាក់វិញ្ញាបនបត្រអនាម័យសត្វ

04, Aug 2019 , 3:19 pm

រូបភាព

សាច់ជ្រូកដែលមានការអូសត្រាបញ្ជាក់វិញ្ញាបនបត្រអនាម័យសត្វ ដែលធានាថាគ្មានជំងឺ រូបភាពពីក្រសួងកសិកម្ម រុក្ខប្រមាញ់ និងនេសាទ

ដោយ:

ភ្នំពេញ៖ ដើម្បីធានាបាននូវសាច់ជ្រូកដែលមិនមានជំងឺ ក្រសូងកសិកម្ម រុក្ខាប្រមាញ់ និងនេសាទ នឹងចាត់វិធានការត្រួតពិនិត្យ និងបញ្ជាក់វិញ្ញាបនបត្រអនាម័យលើសត្វគ្រប់ប្រភេទ និងផលិតផលមានដើមកំណើតពីសត្វគ្រប់ទីកន្លែងឲ្យបានច្បាស់លាស់តាមនិតីវិធី និងវិធានបច្ចេកទេស។ នេះបើតាមសេចក្តីប្រកាសដែលចេញផ្សាយដោយលោក វេង សាខុន រដ្ឋមន្ត្រីក្រសួងកសិកម្ម កាលពីថ្ងៃទី៣០ ខែកក្កដា។

លោក វេង សាខុន រដ្ឋមន្ត្រីក្រសួងកសិកម្ម បានបញ្ជាឲ្យអាជីករត្រូវតែលក់សាច់ជ្រូកណាដែលបានពិនិត្យគុណភាពច្បាស់លាស់ និងអូសត្រាលើផ្ទាំងសាច់ ដែលធានាថាមិនប៉ះពាល់ដល់សុខភាពអ្នកបរិភោគ។ រដ្ឋមន្ត្រីរូបនេះបញ្ជាក់ថា ដើម្បីបញ្ជាក់អនាម័យសាច់ដែលមានគុណភាព និងសុវត្ថិភាព ក្រសូងនឹងពង្រឹងការត្រួតពិនិត្យសាច់សត្វ និងពង្រឹងការយកចិត្តទុកដាក់លើការឃ្លាំមើល កុំឲ្យមានការលួចនាំយកសាច់ជ្រូកខុសច្បាប់។

ទន្ទឹមគ្នានេះដែរ នាយករដ្ឋមន្ត្រីកម្ពុជា បានបញ្ជាឲ្យស្ថាប័ន និងដៃគូពាក់ព័ន្ធនឹងរឿងការទប់ស្កាត់ជំងឺប៉េសជ្រូកអាហ្វ្រិក ឃាត់ទុក និងបំផ្លាញចោល សាច់ជ្រូកដែលនាំចូលខុសច្បាប់។

បច្ចុប្បន្នជំងឺប៉េស្តជ្រូកអាហ្វ្រិកបានទប់ស្កាត់អស់ហើយនៅខេត្តរតនគិរី ត្បូងឃ្មុំ ស្វាយរៀង តាកែវ និងកណ្តាល ដែលបណ្តាលឲ្យជាប់ជ្រូកប្រមាណ២៧០០ក្បាល។ ជំងឺប៉េស្តជ្រូកអាហ្វ្រិកមិនបង្កជាបញ្ហាដល់មនុស្សទេ តែធ្វើឲ្យជ្រូកងាប់។ នេះបើតាមការអះអាងរបស់រដ្ឋមន្ត្រីក្រសួងកសិកម្ម៕