ជាតិ
លោក អ៊ុង ប៊ុនអី ប្រាប់គន្លឹះខ្លីៗដើម្បីជាប់អាហារូបករណ៍ Civil Society Leadership Award
×![]()
ភ្នំពេញ៖ អតីតនិស្សិតអាហារូបករណ៍បរិញ្ញាបត្រជាន់ខ្ពស់ ជំនាញ សារព័ត៌មានអន្តរជាតិ នៅសាកលវិទ្យាល័យ Hong Kong Baptist University លោក អ៊ុង ប៊ុនអី បានប្រាប់គន្លឹះខ្លីៗ មួយចំនួនដើម្បីទទួលបានអាហារូបករណ៍ Civil Society Leadership Award ដូច្នេះថា គន្លឹះសំខាន់ៗក្នុងការដាក់អាហារូបករណ៍នេះ គឺត្រូវសិក្សាអំពីសំណួរ នីមួយៗ ក្នុងពាក្យអាហារូបករណ៍ឲ្យបានច្បាស់ ហើយអ្វីដែលសំខាន់នោះគឺ ការសរសេរសំណេរ ការជ្រើសរើស ជំនាញឲ្យបានត្រឹមត្រូវជាមួយជំនាញដែលយើងបានរៀន ហើយបេក្ខជនត្រូវបញ្ជាក់ថានឹងយកចំណេះដឹង ដែលរៀនមកអភិវឌ្ឍប្រទេសដូចម្ដេច។ 
លោក អ៊ុង ប៊ុនអី បានបញ្ជាក់គន្លឹះត្រៀមខ្លួនសម្ភាសថា៖«បេក្ខជនត្រូវសិក្សាអំពីពាក្យអាហារូបករណ៍ឡើងវិញ ព្រោះគេនឹងសួរពីអ្វី ដែលបេក្ខជនបានសរសេរក្នុងពាក្យអាហារូបករណ៍។ បេក្ខជនត្រូវប្រាកដនូវអ្វីដែលបាន សរសេរ ជៀសវាងសរសេរផ្សេង និងឆ្លើយសំណួរផ្សេង»។
ទន្ទឹមនឹងនេះ បេក្ខជន ត្រូវមានទំនុកចិត្តខ្ពស់ ក្នុងការឆ្លើយសំណួរ ជាមួយអ្នកសម្ភាស ហើយបេក្ខជន ត្រូវបង្ហាញគំនិត និងចម្លើយបែបពិចារណាលើសំណួរ ដែលអ្នកសម្ភាសបានសួរ។ ចំពោះកម្រិតភាសាអង់គ្លេស បេក្ខជនត្រូវត្រៀមទៅតាមសាកលវិទ្យាល័យនីមួយៗ ដែលមាននៅក្នុងអាហារូបករណ៍ Civil Society Leadership Award។ បើតាមលោក ប៊ុនអី ជាទូទៅបេក្ខជនត្រូវមានកម្រិតភាសាអង់គ្លេស IELTS ៥.៥ ឡើង និង TOEFL ៦ ឡើង ទើបអាចដាក់ពាក្យអាហារូបករណ៍បាន៕
សូមទស្សនាបទសម្ភាសខ្លីដូចខាងក្រោម៖
Tag:
អាហារូបករណ៍
អប់រំ
© រក្សាសិទ្ធិដោយ thmeythmey.com
