​ធនាគារ ABA និង​ក្រុមហ៊ុនមេ​នូ​ឡាយ​ហ្វ៍ ផ្តល់​សេវា​កម្មបង់​បុព្វលាភ​រ៉ាប់រង​តាម​ទូរស័ព្ទ​ដល់​អតិថិជន​
អត្ថបទពាណិជ្ជកម្ម
​ធនាគារ ABA និង​ក្រុមហ៊ុនមេ​នូ​ឡាយ​ហ្វ៍ ផ្តល់​សេវា​កម្មបង់​បុព្វលាភ​រ៉ាប់រង​តាម​ទូរស័ព្ទ​ដល់​អតិថិជន​
07, Aug 2019 , 4:39 pm        
រូបភាព
ដោយ: ថ្មីៗ
​រាជធានី​ភ្នំពេញ ថ្ងៃទី ៧ ខែសីហា ឆ្នាំ​២០១៩ ៖ ធនាគារ ABA ដែលជា​សមាជិក​សម្ព័ន្ធ​ធនាគារជាតិ​កាណាដា និង​ក្រុមហ៊ុន មេ​នូ​ឡាយ​ហ្វ៍ ខេ​ម​បូ​ឌា ដែលជា​ក្រុមហ៊ុន​ធានារ៉ាប់រង​អាយុជីវិត​ឈានមុខ​គេ​មួយ បានប្រកាស​ជា​ផ្លូវការ ស្តីពី​ការបង់​បុព្វលាភ​រ៉ាប់រង​តាម​ទូរស័ព្ទដៃ​។​កិច្ចសហការ​នេះ នឹង​អនុញ្ញាត​ឲ្យ​អតិថិជន​របស់​ក្រុមហ៊ុន មេ​នូ​ឡាយ​ហ្វ៍ អាច​បង់​បុព្វលាភ​រ៉ាប់រង តាមរយៈ​កម្មវិធី  ABA Mobile បាន​ដោយ​ឥតគិតថ្លៃ​។​
 
​កិច្ចសហការ​រវាង​ស្ថាប័នហិរញ្ញវត្ថុ​ឈានមុខ​ទាំងពីរ​នេះ ត្រូវបាន​ធ្វើឡើង បន្ថែម​លើ​កិច្ចសហការ​ជា​ដៃគូ​ចែកចាយ​ផលិតផល​ធានារ៉ាប់រង​អាយុជីវិត ដែល​ស្ថាប័ន​ទាំងពីរ បាន​ចុះ​កិច្ចព្រមព្រៀង​កាលពី​ឆ្នាំ ២០១៦​។ តាមរយៈ​កម្មវិធី ABA Mobile អតិថិជន​អាចធ្វើ​ការទូទាត់​ប្រាក់​បាន​យ៉ាង​ឆាប់រហ័ស ងាយស្រួល និង​មាន​សុវត្ថិភាព​គ្រប់ពេលវេលា គ្រប់​ទីកន្លែង ដោយ​គ្រាន់តែ​អនុវត្តតាម​ជំហាន​សាមញ្ញៗ​ដូចខាងក្រោម​៖ 


 
1.​ ​បើក​ដំណើរការ​កម្មវិធី ABA Mobile ហើយ​ចុច​យក​ប៊ូ​តុង “​ទូទាត់​ប្រាក់​” 
2.​ ​ជ្រើសរើស​យកពាក្យ “​ធានារ៉ាប់រង​”
3.​ ​ជ្រើស​រើសយក “​មេ​នូ​ឡាយ​ហ្វ៍ ខេ​ម​បូ​ឌា​”
4.​ ​ជ្រើសរើស គណនី ABA របស់លោក​អ្នក ហើយ​វាយ​បញ្ចូល​លេខ​ស្នើសុំ​ប័ណ្ណសន្យា​រ៉ាប់រង ឬ​លេខ​ប័ណ្ណសន្យា រ៉ាប់រង​របស់លោក​អ្នក​
5.​ ​ចុច​យកពាក្យ “​រួចរាល់​” ហើយ​ចុច​លើ​ប៊ូ​តុង “​បង់​ឥឡូវ​” រួច​បញ្ជាក់​ការទូទាត់​ដោយ​បញ្ចូល​លេខ​សម្ងាត់ ABA Mobile របស់លោក​អ្នក​។​
 
​លោក Robert Elliott អគ្គនាយក​ប្រតិបត្តិ និង​នាយក​ចាត់ការ​ទូទៅ​នៃ​ក្រុមហ៊ុន មេ​នូ​ឡាយ​ហ្វ៍ ខេ​ម​បូ​ឌា បាន​មានប្រសាសន៍ថា​៖«​នៅ​ក្រុមហ៊ុន មេ​នូ​ឡាយ​ហ្វ៍ យើង​មាន​បេសកកម្ម​ដ៏​ច្បាស់លាស់​មួយ ក្នុង​ការជួយ​ឲ្យ​អតិថិជន​របស់​យើង សម្រេចចិត្ត​កាន់តែ​ងាយស្រួល និង​ជីវិត​កាន់តែ​ប្រសើរ​ជាង​មុន​។ យុទ្ធសាស្ត្រ​ដ៏​សំខាន់​មួយ ដើម្បី​ឲ្យ​យើង​អាច​សម្រេច​បេសកកម្ម​នេះ​បាន គឺ​ការធ្វើជា​ក្រុមហ៊ុន​ឈានមុខ​មួយ ផ្នែក​ឌីជីថល នៅក្នុង​ទីផ្សារ​។ ខ្ញុំ​មាន​មោទកភាព​ក្រៃលែង​ចំពោះ សមិទ្ធផល​ដែល​យើង​កំពុង​ប្រកាស​ជា​ផ្លូវការ ជាមួយ​ធនាគារ ABA ដែល​កិច្ចសហការ​នេះ នឹង​ផ្ដល់​បទពិសោធ​ក្នុងការ​ទូទាត់​ប្រាក់​បែប​ឌីជីថល (​ដោយ​មិន​ប្រើប្រាស់​សាច់ប្រាក់​ផ្ទាល់​) ដល់​អតិថិជន​របស់​យើង ទូទាំងប្រទេស ដែល​ត្រូវ​ការបង់​បុព្វលាភ​រ៉ាប់រង មក​ក្រុមហ៊ុន មេ​នូ​ឡាយ​ហ្វ៍​»​។   


 
​ចំណែកឯ​លោក Askhat Azhikhanov នាយក​ប្រតិបត្តិ​របស់​ធនាគារ ABA​វិញ លោក​បាន​មានប្រសាសន៍ថា ៖«​មេ​នូ​ឡាយ​ហ្វ៍ ខេ​ម​បូ​ឌា គឺជា​ដៃគូ​យុទ្ធសាស្ត្រ​របស់​យើង​។ ចាប់តាំងពី​កិច្ចសហប្រតិបត្តិការ​ដំបូង​របស់​យើង នៅក្នុង​ឆ្នាំ ២០១៦ យើង​សម្រេចបាន​ដំណោះស្រាយ​ធានារ៉ាប់រង​អាយុជីវិត ដែលមាន​គុណភាព ជូន​អតិថិជន​របស់​យើង ជាច្រើន​នាក់​។ ការសម្ពោធ​ដាក់​ឲ្យ​ប្រើប្រាស់ សេវា​បង់​បុព្វលាភ​រ៉ាប់រង​តាម​ទូរស័ព្ទ​ដល់​អតិថិ​ជននេះ នឹង​ជួយ​ពួកគាត់ ទូទាត់​សេវា​ធានារ៉ាប់រង​ពី​ផ្ទះ ឬ​ពី​ការិយាល័យ​របស់​ពួកគេ​តែម្តង បាន​យ៉ាង​ងាយស្រួល និង​មាន​ផាសុកភាព​។ យើង​ជឿជាក់ថា មុខងារ​នេះ នឹង​បន្ថែម​ភាពងាយស្រួល​ដល់​អតិថិ​ជន​របស់​ធនាគារ ABA និង​មេ​នូ​ឡាយ​ហ្វ៍ ក៏ដូចជា​ជួយ​ព​ន្លឿ​ន​ការវិវឌ្ឍ​របស់​ប្រទេស ឈានទៅរក​សង្គម​មួយ ដែលមាន​ការទូទាត់​បែប​ឌីជីថល​ដ៏​ទំនើប ដោយ​មិន ចាំបាច់​ប្រើ​សាច់ប្រាក់​»​។​
 
​សម្រាប់​ព័ត៌មាន​បន្ថែម អំពី​សេវា​កម្មបង់​បុព្វលាភ​រ៉ាប់រង​នេះ លោកអ្នក​អាចទាក់ទង​មកកាន់​ក្រុមហ៊ុន មេ​នូ​ឡាយ​ហ្វ៍ ខេ​ម​បូ​ឌា តាមរយៈ​លេខ​ទូរស័ព្ទ 1800-211-211 ដោយ​ឥតគិតថ្លៃ ឬ​ធនាគារ ABA តាមរយៈ​លេខ​ទូរស័ព្ទ 023 225 333៕












 
(​អត្ថបទ​ពាណិជ្ជកម្ម​)

© រក្សាសិទ្ធិដោយ thmeythmey.com