អន្តរជាតិ
ជប៉ុន នាំចេញសារធាតុគីមីសំខាន់ៗទៅកូរ៉េខាងត្បូងជាលើកដំបូង ក្រោយប្រកាសរឹតបន្តឹង
រដ្ឋមន្រ្តីសេដ្ឋកិច្ច ឧស្សាហកម្ម និងពាណិជ្ជកម្មជប៉ុន Hiroshige Seko ។ រូបភាព AFP
×![]()
ដោយ: តន ចាន់រិទ្ធារ៉ា
ទីក្រុងតូក្យូ នៅថ្ងៃទី៨ ខែសីហា បានបើកភ្លើងបៃតងដល់ការនាំចេញផលិតសំខាន់ៗមួយចំនួនទៅកាន់កូរ៉េខាងត្បូងជាលើកដំបូងចាប់តាំងពីការប្រកាសរឹតត្បិតនីតិវិធីនាំចេញរួចមក។ បញ្ញត្តិសម្រាប់ការត្រួតពិនិត្យដំណើរការថ្មីនេះ ធ្វើឲ្យទំនាក់ទំនងរវាងជប៉ុន និងកូរ៉េខាងត្បូងធ្លាក់ចុះយ៉ាងខ្លាំង ព្រោះកូរ៉េខាងត្បូងលែងអាចនាំចូលសារធាតុគីមីសំខាន់ៗបានលឿនដូចមុនទៀត។ មកទល់ពេលនេះ ជម្លោះពាណិជ្ជកម្មនេះ ក៏មិនទាន់ស្រាកស្រាន្តដែរ។
ស្របពេលដែលជម្លោះពាណិជ្ជកម្មជាមួយកូរ៉េខាងត្បូងកំពុងក្ដៅគគុក ជប៉ុន បានប្រកាសពីការអនុញញ្ញាតឲ្យនាំចេញសាធាតុគីមីសំខាន់ៗដែលស្ថិតបញ្ជីរឹតត្បិតទៅកាន់កូរ៉េខាងត្បូង។ នេះជាលើកដំបូងគិតចាប់ពីថ្ងៃទី៤ ខែកក្កដា ពេលដែលក្រុងតូក្យូប្រកាសរឹតត្បិតនីតិវិធីនាំចេញសារធាតុគីមីចំនួនបីមុខ មាន Extreme ultraviolet (EUV), Fluorinated polyimides និង Hydrogen fluoride ដែលចាំបាច់ក្នុងផលិតកម្មបន្ទះឈីប និងអេក្រង់ទូរសព្ទជាដើម។
រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មជប៉ុន Hiroshige Seko ជាអ្នកប្រកាសព័ត៌មាននេះនៅថ្ងៃទី៨ ខែសីហា ពោលជាងមួយខែក្រោយការអនុវត្តនីតិវិធីថ្មី។ បើតាមទីភ្នាក់ងារព័ត៌មាន AFP លោក Seko អះអាងថា ការប្រកាសព័ត៌មាននេះជាសាធារណៈ ជារឿងមិនដែលមានឡើយ ខណៈជប៉ុនមិនដែលប្រកាសការអនុញ្ញាតឲ្យនាំចេញបែបនេះទេ ប៉ុន្តែសម្រាប់សារធាតុគីមីនេះ ជាករណីលើកលែង ដើម្បីឆ្លើយតបនឹងការចោទប្រកាន់របស់សេអ៊ូលដែលថា តូក្យូចង់ហ៊ុមព័ទ្ធសេដ្ឋកិច្ចខ្លួននោះ។
រដ្ឋមន្ត្រីជប៉ុនដដែលបន្តថា ការអនុញ្ញាតនេះ ធ្វើឡើងក្រោយការត្រួតពិនិត្យល្អិតល្អន់។ យ៉ាងណាមិញ លោក Seko ក៏ឆ្លៀតព្រមានដែរថា ជប៉ុននឹងពង្រីកការរឹតបន្តឹងរបស់ខ្លួនលើផលិតផលនាំចេញដទៃទៀតក្រៅពីសារធាតុគីមីទាំងបីមុខ បើរកឃើញថា កូរ៉េខាងត្បូង ប្រើប្រាស់ផលិតផលនាំចូលពីជប៉ុន មិនត្រឹមត្រូវ។
តាមពិតទៅ វិធានការរបស់ក្រុងតូក្យូថ្ងៃទី៤ ខែកក្កដា មិនមែនជាការរារាំងការនាំចេញអ្វីទេ តែជាការរឹតបន្តឹងនីតិវិធីផ្ដល់ការអនុញ្ញាត។ ជាមួយនីតិវិធីថ្មីនេះ ការទទួលបានភ្លើងបៃតងនាំចេញអាចចំណាយពេលដល់ទៅ៩០ថ្ងៃឯណោះ ដែលការណ៍នឹងធ្វើឲ្យប៉ះពាល់ដល់សង្វាក់ផលិតកម្មនៅកូរ៉េខាងត្បូង ដែលពឹងផ្អែកខ្លាំងលើលើប្រភពធនធានរបស់ជប៉ុន។ ប៉ុន្តែក្រុងសេអ៊ូលក៏ច្រឡោតតូងនឹងចំណាត់ការរបស់តូក្យូតែម្ដងទៅ។
ពីសេអ៊ូលឯណោះវិញ នាយករដ្ឋមន្ត្រីកូរ៉េខាងត្បូង លី ណាក់-យុន (Lee Nak-yon) ប្រកាសថា ជប៉ុនបានផ្ដល់ភ្លើងបៃតងលើការនាំចេញសារធាតុ EUV ។ ប៉ុន្តែលោកបានហៅការរឹតត្បិតការនាំចេញរបស់ជប៉ុន ជារឿងមិនសមហេតុផលដដែល។ នាជំនួបជាមួយមន្ត្រីទទួលបន្ទុកកិច្ចការរដ្ឋ លោក លី ក៏បញ្ជាក់ជាថ្មីពីជំហររបស់សេអ៊ូលក្នុងការដោះស្រាយជម្លោះពាណិជ្ជកម្មនេះតាមផ្លូវការទូតដដែល។ នេះបើតាមទីភ្នាក់ងារព័ត៌មាន Yonhap ៕
ស្របពេលដែលជម្លោះពាណិជ្ជកម្មជាមួយកូរ៉េខាងត្បូងកំពុងក្ដៅគគុក ជប៉ុន បានប្រកាសពីការអនុញញ្ញាតឲ្យនាំចេញសាធាតុគីមីសំខាន់ៗដែលស្ថិតបញ្ជីរឹតត្បិតទៅកាន់កូរ៉េខាងត្បូង។ នេះជាលើកដំបូងគិតចាប់ពីថ្ងៃទី៤ ខែកក្កដា ពេលដែលក្រុងតូក្យូប្រកាសរឹតត្បិតនីតិវិធីនាំចេញសារធាតុគីមីចំនួនបីមុខ មាន Extreme ultraviolet (EUV), Fluorinated polyimides និង Hydrogen fluoride ដែលចាំបាច់ក្នុងផលិតកម្មបន្ទះឈីប និងអេក្រង់ទូរសព្ទជាដើម។
រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មជប៉ុន Hiroshige Seko ជាអ្នកប្រកាសព័ត៌មាននេះនៅថ្ងៃទី៨ ខែសីហា ពោលជាងមួយខែក្រោយការអនុវត្តនីតិវិធីថ្មី។ បើតាមទីភ្នាក់ងារព័ត៌មាន AFP លោក Seko អះអាងថា ការប្រកាសព័ត៌មាននេះជាសាធារណៈ ជារឿងមិនដែលមានឡើយ ខណៈជប៉ុនមិនដែលប្រកាសការអនុញ្ញាតឲ្យនាំចេញបែបនេះទេ ប៉ុន្តែសម្រាប់សារធាតុគីមីនេះ ជាករណីលើកលែង ដើម្បីឆ្លើយតបនឹងការចោទប្រកាន់របស់សេអ៊ូលដែលថា តូក្យូចង់ហ៊ុមព័ទ្ធសេដ្ឋកិច្ចខ្លួននោះ។
រដ្ឋមន្ត្រីជប៉ុនដដែលបន្តថា ការអនុញ្ញាតនេះ ធ្វើឡើងក្រោយការត្រួតពិនិត្យល្អិតល្អន់។ យ៉ាងណាមិញ លោក Seko ក៏ឆ្លៀតព្រមានដែរថា ជប៉ុននឹងពង្រីកការរឹតបន្តឹងរបស់ខ្លួនលើផលិតផលនាំចេញដទៃទៀតក្រៅពីសារធាតុគីមីទាំងបីមុខ បើរកឃើញថា កូរ៉េខាងត្បូង ប្រើប្រាស់ផលិតផលនាំចូលពីជប៉ុន មិនត្រឹមត្រូវ។
តាមពិតទៅ វិធានការរបស់ក្រុងតូក្យូថ្ងៃទី៤ ខែកក្កដា មិនមែនជាការរារាំងការនាំចេញអ្វីទេ តែជាការរឹតបន្តឹងនីតិវិធីផ្ដល់ការអនុញ្ញាត។ ជាមួយនីតិវិធីថ្មីនេះ ការទទួលបានភ្លើងបៃតងនាំចេញអាចចំណាយពេលដល់ទៅ៩០ថ្ងៃឯណោះ ដែលការណ៍នឹងធ្វើឲ្យប៉ះពាល់ដល់សង្វាក់ផលិតកម្មនៅកូរ៉េខាងត្បូង ដែលពឹងផ្អែកខ្លាំងលើលើប្រភពធនធានរបស់ជប៉ុន។ ប៉ុន្តែក្រុងសេអ៊ូលក៏ច្រឡោតតូងនឹងចំណាត់ការរបស់តូក្យូតែម្ដងទៅ។
ពីសេអ៊ូលឯណោះវិញ នាយករដ្ឋមន្ត្រីកូរ៉េខាងត្បូង លី ណាក់-យុន (Lee Nak-yon) ប្រកាសថា ជប៉ុនបានផ្ដល់ភ្លើងបៃតងលើការនាំចេញសារធាតុ EUV ។ ប៉ុន្តែលោកបានហៅការរឹតត្បិតការនាំចេញរបស់ជប៉ុន ជារឿងមិនសមហេតុផលដដែល។ នាជំនួបជាមួយមន្ត្រីទទួលបន្ទុកកិច្ចការរដ្ឋ លោក លី ក៏បញ្ជាក់ជាថ្មីពីជំហររបស់សេអ៊ូលក្នុងការដោះស្រាយជម្លោះពាណិជ្ជកម្មនេះតាមផ្លូវការទូតដដែល។ នេះបើតាមទីភ្នាក់ងារព័ត៌មាន Yonhap ៕
Tag:
ជប៉ុន
កូរ៉េខាងត្បូង
© រក្សាសិទ្ធិដោយ thmeythmey.com
