ជាតិ
សង្គមជាតិ
ទ័ពមួកខៀវកម្ពុជាជិត៤០០នាក់ ត្រឡប់មកវិញ ក្រោយចប់បេសកកម្មនៅម៉ាលី និង ស៊ូដង់
រូបពីក្រសួងការពារជាតិ
×![]()
ដោយ: ថ្មីៗ
កងកម្លាំងរក្សាសន្តិភាពរបស់កម្ពុជា៣៨២នាក់ បានត្រឡប់មកកម្ពុជាវិញ កាលពីថ្ងៃទី៩ ខែសីហា ឆ្នាំ២០១៩ ក្រោយបញ្ចប់បេសកកម្មនៅប្រទេសម៉ាលី និង ប្រទេសស៊ូដង់ខាងត្បូង។ រដ្ឋាភិបាល បានរៀបចំពិធីទួលពួកគេ ក្រោមអធិបតីរបស់សម្តេច ទៀ បាញ់ រដ្ឋមន្ត្រីក្រសួងការពារជាតិ ដោយមានការចូលរួមពីតំណាងអង្គការសហប្រជាជាតិនៅកម្ពុជា ក្រសួង និងស្ថាប័នពាក់ព័ន្ធនានា។ 
ក្នុងចំណោមកងកម្លាំងមួកខៀវទាំងនោះ មានពីរកង បានបញ្ចប់បេសកកម្មនៅប្រទេសម៉ាលី គឺ កងវិស្វកម្មព្រលានយន្តហោះលេខ១៩៨ និង កងកម្ទេចគ្រាប់មិនទាន់ផ្ទុះលេខ១៣២ ហើយ ១កងទៀត គឺកងរាជអាវុធហត្ថលេខ៦៨១ បានបញ្ចប់បេសកកម្មនៅប្រទេសស៊ូដង់ខាងត្បូង។ ក្នុងពិធីនោះ សម្តេច ទៀ បាញ់ ក៏បានបំពាក់គ្រឿងឥស្សរិយយសជូនដល់ពួកគេ។
សូមបញ្ជាក់ថា រហូតមកដល់ពេលនេះ កម្ពុជា មានកងកម្លាំងរក្សាសន្តិភាពជាង៥ពាន់នាក់ហើយ ដែលបានទៅបំពេញបេសកកម្ម ក្រោមឆត្រអង្គការសហប្រជាជាតិ នៅប្រទេសចំនួន៨ គឺ សាធារណរដ្ឋស៊ូដង់ ស៊ូដង់ខាងត្បូង លីបង់ សាយប្រ៊ឹស ស៊ីរី ឆាដ ម៉ាលី និងអាហ្វ្រិកកណ្តាល៕
Tag:
ទ័ពមួកខៀវ
© រក្សាសិទ្ធិដោយ thmeythmey.com
