ជាតិ
អភិបាលសៀមរាប ឱ្យមន្ត្រីបង្កើតគោលដៅទេសចរណ៍ថ្មីបន្ថែម ក្រោយទេសចរធ្លាក់ចុះ
×![]()
សៀមរាប៖ នារយៈពេល៦ខែដើមឆ្នាំ២០១៩នេះ ទេសចរអន្ដរជាតិមកកម្សាន្តខេត្តសៀមរាបធ្លាក់ចុះជាង៨ភាគរយ បើធៀបនឹងឆ្នាំ២០១៨។ ខេត្តសៀមរាប គឺពឹងលើវិស័យទេសចរណ៍ជាចម្បង ដូច្នេះបើវិស័យនេះធ្លាក់ចុះ ច្បាស់ណាស់ថានឹងរងផលប៉ះពាល់ដល់ផ្នែកផ្សេងៗ។ ការធ្លាក់ចុះនេះ ធ្វើឱ្យបានអភិបាលខេត្តបារម្ភ និងបានចាត់ឱ្យមន្ត្រីពាក់ព័ន្ធទាំងអស់ សិក្សានិងពង្រីកគោលដៅទេសចរណ៍ថ្មីៗបន្ថែមទៀត ដើម្បីទាក់ទាញភ្ញៀវទេសចរឡើងវិញ។
«ក្នុងនាមរដ្ឋបាលខេត្ត ក៏សុំទទួលស្គាល់ក្នុងការថយចុះរបស់ភ្ញៀវទេសចរក្នុងខេត្តសៀមរាបរបស់យើង ពិសេសយកចិត្តទុកដាក់ដល់បងប្អូនអាជីវករ ដែលបានផលប្រយោជន៍លើវិស័យនេះ។ នេះជាឱកាសឱ្យយើងពង្រឹង និងរកកន្លែងបន្ថែមទៀតក្នុងការថែរក្សា ពង្រឹកវិស័យទេសចរណ៍ក៏ដូចជាទេសចរណ៍ធម្មជាតិ...សូមឱ្យអភិបាលស្រុកនានា ស្វែងរកកន្លែងថ្មីបន្ថែមទៀត ដើម្បីទាក់ទាញភ្ញៀវទេសចរ...»។ នេះជាការលើកឡើងរបស់លោក ទៀ សីហា អភិបាលខេត្តសៀមរាបនាឱកាសផ្ដាស់ប្ដូរប្រធានមន្ទីរសាធារណការ និងដឹកជញ្ជូន នៅរសៀលថ្ងៃទី១៥ សីហា នាសាលាខេត្តសៀមរាប។
ក្រៅតែពីកង្វល់ក្នុងវិស័យទេសចរណ៍ហើយនោះ លោក ទៀ សីហា ក៏លើកពីបញ្ហាវិស័យកសិកម្ម ដែលលោកថា ផ្ទៃដីដាំដុះមានការកើនឡើងតែខ្វះខាតប្រព័ន្ធទឹកស្រោចស្រពជាងរាល់ឆ្នាំ៕
Tag:
ទេសចរណ៍សៀមរាប
ទៀ សីហា
© រក្សាសិទ្ធិដោយ thmeythmey.com
