កម្ពុជា ចង់ឲ្យស្ថានការណ៍នៅហុងកុង វិលមករកប្រក្រតីភាពវិញ

ជាតិ

នយោបាយអន្តរជាតិ

កម្ពុជា ចង់ឲ្យស្ថានការណ៍នៅហុងកុង វិលមករកប្រក្រតីភាពវិញ

17, Aug 2019 , 9:14 pm

រូបភាព

សម្តេចនាយករដ្ឋមន្រ្តី ហ៊ុន សែន និងលោក ស៊ី ជិនពីង ប្រធានាធិបតីចិន ចាប់ដៃគ្នា ក្នុងវេទិកាធុរកិច្ច និងហិរញ្ញវត្ថុ កម្ពុជា-ចិន នៅទីស្តីការគណៈរដ្ឋមន្រ្តីកម្ពុជា កាលអំឡុងខែធ្នូ ឆ្នាំ២០១៦

ដោយ: សារព័ត៌មានថ្មីៗ

«កម្ពុជា ចង់ឃើញការវិលត្រឡប់មករកប្រក្រតីភាពឲ្យបានឆាប់ នូវជីវភាពរស់នៅប្រកបដោយសុខសន្តិភាពរបស់ប្រជាជនហុងកុង»។ នេះជាខ្លឹមសារមួយក្នុងសេចក្តីថ្លែងការណ៍របស់ក្រសួងការបរទេសកម្ពុជា ដែលចេញនៅយប់ថ្ងៃទី១៧ ខែសីហា ឆ្នាំ២០១៩ ជុំវិញការធ្វើបាតុកម្មរបស់ប្រជាជនក្នុងទីក្រុងហុងកុង។

តាមយៈសេចក្តីថ្លែងការណ៍ ក្រសួងការបរទេស ប្រកាសថា កម្ពុជា គោរព «គោលនយោបាយចិនតែមួយ» ហើយចាត់ទុកស្ថានការណ៍ដែលកំពុងវិវត្តក្នុងទីក្រុងហុងកុង ថាជាកិច្ចការផ្ទៃក្នុងរបស់ចិន។ លើសពីនេះ ក្រសួងការបរទេស បង្ហាញជំហរថា កម្ពុជា គាំទ្រ «រាល់ចំណាត់ការចំបាច់នានា» របស់រដ្ឋាភិបាលចិន និងរដ្ឋបាលទីក្រុងហុងកុង ដើម្បីរក្សាសន្តិភាព សណ្តាប់ធ្នាប់សាធារណៈ សន្តិសុខជាតិ និង ការរួមរស់ជាមួយគ្នា ប្រកបដោយភាពសុខដុមរមនា៕

អត្ថបទទាក់ទង

ធ្វើបាតុកម្មរាប់ខែមកនេះ! តើអ្វីជាការទាមទាររបស់ក្រុមបាតុករហុងកុង?

ពលរដ្ឋហុងកុង ប្រមូលផ្ដុំតវ៉ាជាថ្មី ខណៈរដ្ឋាភិបាលមិនចុះញ៉មរឿងច្បាប់បត្យាប័នជាមួយចិន