ជាតិ
រដ្ឋមន្ត្រីវៀតណាមនឹងមកជួបប្រជុំជាមួយលោក ប្រាក់ សុខុន នៅថ្ងៃទី២០-២១សីហា ដើម្បីពង្រឹងកិច្ចសហការទ្វេភាគី រដ្ឋមន្រ្តីការបរទេសកម្ពុជា (ឆ្វេងដៃ) ចាប់ដៃជាមួយរដ្ឋមន្រ្តីការបរទេសវៀតណាម។ រូបពីក្រសួងការបរទេសកម្ពុជា
× ភ្នំពេញ៖ លោក ផាម បិញមិញ រដ្ឋមន្ត្រីការបរទេសវៀតណាម នឹងមកប្រជុំក្នុងគណៈកម្មការចម្រុះលើកទី១៧ ជាមួយលោក ប្រាក់ សុខុន រដ្ឋមន្ត្រីក្រសួងបរទេស និងសហប្រតិបត្តិការអន្តរជាតិ នៅថ្ងៃទី២០-២១ សីហា ឆ្នាំ២០១៩ នៅរាជធានីភ្នំពេញ។ ការប្រជុំគណៈកម្មការចម្រុះលើកទី១៧នេះ គឺស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកទេស។
យោងតាមសេចក្តីប្រកាសព័ត៌មានរបស់ក្រសួងការបរទេស កាលពីថ្ងៃទី១៦ សីហា កិច្ចប្រជុំគណៈកម្មការចម្រុះ ធ្វើឡើងក្នុងគោលបំណង ធ្វើបច្ចុប្បន្នភាពវឌ្ឍនភាពកិច្ចសហប្រតិបត្តិការ ក្នុងការរិះរកវិធី និងមធ្យាបាយនានា ដើម្បីពង្រីកបន្ថែមទៀតនូវវិសាលភាព ប្រសិទ្ធិភាពនៃទំនាក់ទំនងទ្វេភាគីប្រទេសទាំងពីរ ក្នុងវិស័យនានា។ ក្នុងដំណើរកិច្ចប្រជុំនេះ លោក ផាម បិញមិញ នឹងអញ្ញើញចូលជួបសម្តែងការគួរសមចំពោះមុខប្រមុខរដ្ឋាភិបាលសម្តេច ហ៊ុន សែន ៕
© រក្សាសិទ្ធិដោយ thmeythmey.com