ទឹកដោះគោខាប់ MY BOY នឹងមានរូបរាងថ្មីទម្ងន់២គីឡូក្រាមដាក់លក់នៅកម្ពុជា និងងាយរក្សាទុក

អត្ថបទពាណិជ្ជកម្ម

ទឹកដោះគោខាប់ MY BOY នឹងមានរូបរាងថ្មីទម្ងន់២គីឡូក្រាមដាក់លក់នៅកម្ពុជា និងងាយរក្សាទុក

19, Aug 2019 , 6:29 pm

រូបភាព

ដោយ: ថ្មីៗ

រាជធានីភ្នំពេញ៖ ទឹកដោះគោខាប់ដែលលោកអ្នកតែងនិយមចូលចិត្ត MY BOY បានបន្ថែមបរិមាណនិងសន្សំបាន១០ភាគរយ ដែលចំណេញសម្រាប់រូបរាងថ្មីរបស់ខ្លួន តាមរយៈការវេចខ្ចប់ជាកញ្ចប់ទម្ងន់ ២គីឡូក្រាម។ ទឹកដោះខាប់រួបរាងថ្មីនេះ មានដាក់លក់លើទីផ្សារប្រទេសកម្ពុជា ពីខែសីហាឆ្នាំ២០១៩នេះតទៅ។

ការវេចខ្ចប់ក្រោមរូបរាងថ្មីនេះ គឺជាការវិវត្តខ្លួនដំបូងបង្អស់របស់ទឹកដោះគោខាប់ MY BOY ដែលមានអត្តសញ្ញាណផ្ទាល់ខ្លូន និងល្បីល្បាញលើរសជាតិ និងគុណភាព។ ការបន្ថែមរូបរាងលើការវេចខ្ចប់នេះ គឺដើម្បីសម្រួលភាពងាយស្រួលដល់អ្នកប្រើប្រាស់ ជាពិសេសម្ចាស់ហាងកាហ្វេនានា ដែលអាចសន្សំសំចៃបានដល់នៅ១០ភាគរយទាំងថវិកា និងបរិមាណ។

លោក Assadej Chanlohakarnkid ជាអ្នកគ្រប់គ្រងផ្នែកលក់នៅតំបន់ឥណ្ឌូឆៃណា នៃក្រុមហ៊ុន FrieslandCampina ដែលមានទីតាំងនៅប្រទេសហូឡង់ បាននិយាយថា៖ «ក្រុមការងារ MY BOY បានមើលឃើញពីតម្រូវការដ៏ខ្ពស់របស់អ្នកប្រើប្រាស់ ជាពិសេសម្ចាស់ហាងកាហ្វេនានា ដែលជំរុញឲ្យពួកយើងធ្វើអ្វីមួយ ដើម្បីជាការតបស្នងដល់អតិថិជន ដែលគាំទ្រដល់ផលិតផលរបស់ពួកយើង និងបន្តប្រើប្រាស់បន្តទៀត»។

លោក បាននិយាយថា MY BOY ទម្ងន់២គីឡូក្រាមនេះ នឹងផ្តល់ភាពងាយស្រួលម្ចាស់ហាងកាហ្វេ ជាពិសេសអ្នកលក់ភេសជ្ជៈ ដូចជាកាហ្វេតាមផ្លូវក្នុងការរក្សាទុក ឬដាក់តាមខ្លួន រួមទាំងអាចឆុងបានជាង៧០កែវ អាស្រ័យទៅតាមរូបមន្តនីមួយៗ។

អ្នកគ្រប់គ្រងផ្នែកលក់នៅតំបន់ឥណ្ឌូឆៃណា នៃក្រុមហ៊ុន FrieslandCampina រូបនេះ បានបន្ថែមថា៖ «ទោះបីជាមានការវេចខ្ចប់បន្ថែមថ្មីខុសពីមុនក៏ដោយ ក៏ផលិតផលទឹកដោះគោនេះនៅតែរក្សារសជាតិនិងគុណភាពដូចគ្នានឹងផលិតផល MY BOY ដែលមានរសជាតិខាប់ឆ្ងាញ់ និងដិតអារម្មណ៍»។

ជាមួយនឹងរសជាតិដើម ទឹកដោះគោខាប់ MY BOY បានបន្ថែមរសជាតិដល់មុខម្ហូប និងអាហារដល់ប្រជាជនកម្ពុជាអស់រយៈពេលជាងពីរទសវត្សរ៍មកហើយ និងបានក្លាយជាផ្នែកមួយនៃអត្តសញ្ញាណ និងរូបមន្តសម្ងាត់សម្រាប់ម្ហូបដ៏សំខាន់មិនអាចរំលង។ ទឹកដោះគោខាប់បានបន្ថែមរូបរាងរបស់ខ្លួនទៅជាកញ្ចប់ដែលមានទម្ងន់ ២គីឡូក្រាម ដែលផ្តល់ភាពងាយស្រួលក្នុងការប្រើប្រាស់ និងការរក្សាទុក។

គួរបញ្ជាក់ដែរថា MY BOYគឺជាផលិតផលមួយក្នុងចំណោមផលិតផលទឹកដោះគោខាប់ជាច្រើនទៀតរបស់ក្រុមហ៊ុន FrieslandCampina ដែលមានទីតាំងនៅប្រទេសហូឡង់ និងបាននាំចូលមកប្រទេសកម្ពុជាអស់រយៈពេលជាច្រើនទសវត្សរ៍កន្លងមក និងបានក្លាយជាផលិតផលដ៏ពេញនិយមចាប់តាំងពីពេលនោះមក។ អតិថិជន MY BOY អាចរកជាវបាននៅគ្រប់កន្លែង ដូចជាហាងលក់គ្រឿងទេស និងផ្សារទំនើបក្នុងតម្លៃសមរម្យបំផុត៕

(អត្ថបទពាណិជ្ជកម្ម)