ចេះតែ​មិន​ស្រួលខ្លួន​ក្រោយ​ហាត់ប្រាណ​រួច តើ​មាន​បញ្ហា​អ្វី​ដែរ​ទេ​?
ពីនេះ ពីនោះ / មិនយល់...!
ព័ត៍មានសុខភាព
ចេះតែ​មិន​ស្រួលខ្លួន​ក្រោយ​ហាត់ប្រាណ​រួច តើ​មាន​បញ្ហា​អ្វី​ដែរ​ទេ​?
20, Aug 2019 , 6:59 pm        
រូបភាព
ដោយ: ថ្មីៗ
​វា​អាចជា​រឿង​ញឹកញាប់​មួយ​ដែល​អ្នក​គួរតែមាន​អារម្មណ៍​ថា​ចង់​ចង្អោរ ឬ​មិន​ស្រួលខ្លួន​ក្រោយពី​ហាត់ប្រាណ​រួច​ម្តងម្កាល​។ អ្នក​ក៏​អាច​ច្រើនតែ​ស្រួលបួល​វិញ​ដែរ​ក្រោយពី​មានការ​រៀបចំ​អ្វីៗ​រួច​មុនពេល ក្នុងពេល និង​ក្រោយពេល​ហាត់ប្រាណ​ដែរ​។ ដូច្នេះ ខាងក្រោម​នេះ​ខ្ញុំ​សូម​ណែនាំ​ហេតុផល​ខ្លះៗ​ដែល​អាចធ្វើ​ឲ្យ​អ្នកមាន​អារម្មណ៍​មិន​ស្រួលខ្លួន​ក្រោយពី​ហាត់ប្រាណ​រួច និង​គន្លឹះ​ខ្លះៗ​ដើម្បី​បង្ការ​កុំ​ឲ្យ​កើតឡើង​ម្តងទៀត​។



​ញ៉ាំ​ទឹក​គ្រប់គ្រាន់​

​នៅពេល​ហាត់ប្រាណ យើង​នឹង​បាត់បង់​ជាតិ​ទឹក​តាមរយៈ​ការ​បែកញើស និង​ដកដង្ហើម​ខ្លាំងៗ​។ វា​ពិតជា​ងាយ​នឹង​ខ្សោះ​ជាតិ​ទឹក​ណាស់​ក្នុងពេល​ហាត់ប្រាណ​ខ្លាំងៗ​ពេក​។ យ៉ាងណាមិញ​អាកា​រៈ​នៃ​ការ​ខ្សោះ​ជាតិ​ទឹក​មានដូចជា ខ្សោយ​សាច់ដុំ វិលមុខ និង​ឈឺក្បាល​ជាដើម​។ ប៉ុន្តែ​ចូរ​ប្រយ័ត្ន​ផង ដោយសារតែ​ការ​ញ៉ាំ​ទឹក​ច្រើនពេក​អាចធ្វើ​ឲ្យ​កម្រិត​អា​ឡិច​ត្រូ​លីត្រ​ក្នុង​ឈាមរាវ​ពេក ដូច្នេះ​អ្នក​អាច​នឹង​ទៅជា​មាន​បញ្ហា​កង្វះ​ជាតិ​សូ​ដ្យូ​ម​ក្នុង​ខ្លួន​ផង រហូតដល់​មាន​អារម្មណ៍​ចង់​ក្អួត​។ ដូច្នេះ​ក្នុងពេល និង​ក្រោយពេល​ហាត់ប្រាណ យក​ល្អ​គួរតែ​ញ៉ាំ​ភេសជ្ជៈ​ណា​ដែល​សម្បូរ​ទៅដោយ​អេ​ឡិច​ត្រូ​លីត្រ​ទើប​អាចជួយ​ជំនួស​ជាតិ​សូ​ដ្យូ​ម និង អេ​ឡិច​ត្រូ​លីត្រ​ដែល​បាត់បង់​បាន​។ 
 
​តើ​ខ្ញុំ​គួរតែ​ញ៉ាំ​ទឹក​ច្រើន​ប៉ុណ្ណា​ទៅ​នៅពេល​ហាត់ប្រាណ​?

​ការ​ញ៉ាំ​ទឹក​គួរតែ​ធ្វើ​មុនពេល​ហាត់ប្រាណ និង​ក្នុងពេល​ហាត់ប្រាណ​តាមរបៀប​ដូចខាងក្រោម​៖
 
•​ ​បើសិនជា​ស្រេកទឹក មានន័យថា​អ្នក​ខ្សោះ​ជាតិ​ទឹក​ហើយ​
•​ ​បើសិនជា​ទឹកនោម​ស្លេក ឬ​ថ្លា មានន័យថា​មាន​ជាតិ​ទឹក​គ្រប់គ្រាន់​ហើយ តែបើ​លឿង​ខាប់ មានន័យថា​អ្នក​ត្រូវ​ញ៉ាំ​ទឹក​ឲ្យ​ច្រើន​វិញ​។ 
•​ ​មុនពេល​ហាត់ប្រាណ​ច្រើន​ម៉ោង ចូរ​ញ៉ាំ​ទឹក ៥ ទៅ ៧​មី​លី​លីត្រ​ក្នុង​មួយ​គីឡូក្រាម​នៃ​ទម្ងន់​មនុស្ស​យើង​
•​ ​ការ​ញ៉ាំ​ទឹក​ឲ្យ​គ្រប់​ក្នុងពេល​ហាត់ គឺ​ដើម្បី​បង្ការ​ការបាត់បង់​ជាតិ​ទឹក​ច្រើន​
•​ ​ក្រោយពី​ហាត់ប្រាណ​រួច ចូរ​ញ៉ាំ​ទឹក​ប្រហែល ១.៥​លីត្រ​។​
•​
 
​តើ​គួរតែ​ញ៉ាំ​អ្វី និង​គួរ​ញ៉ាំ​ពេលណា​សម្រាប់​ការហាត់​ប្រាណ​ខ្លាំង​បំផុត​?

​ចូរ​មិនត្រូវ​ញ៉ាំ​អាហារ​ច្រើនឡើង​មុនពេល​ហាត់ប្រាណ​។ អ្នក​អាច​ញ៉ាំ​អាហារ​បី​ទៅ​បួន​ពេល​ច្រើនៗ​មុនពេល​ហាត់ប្រាណ និង​អាហារសម្រន់​មួយ​ទៅ​បី​ម៉ោង​មុន​ហាត់ប្រាណ​។ បើសិនជា​អ្នក​ចង់​ញ៉ាំ​មុនពេល ឬ​ក្នុងពេល​ហាត់ ចូរ​សាកល្បង​ញ៉ាំ​អាហារ​សម្បូរ​កាបូ​អ៊ី​ដ្រា​ត​ដូចខាងក្រោម​នេះ​៖
 
•​ ​ចេក​
•​ ​យ៉ា​អួរ​

​នៅ​រយៈពេល​ពីរ​ម៉ោង​ក្រោយ​ហាត់ប្រាណ​រួច ចូរ​ញ៉ាំ​អាហារ​ណា​ដែល​សម្បូរ​កាបូ​អ៊ី​ដ្រា​ត និង​ប្រូតេអ៊ីន​ដូចជា​៖
 
•​ ​សាំង​វិច​ប័​រ​សណ្តែកដី​
•​ ​ទឹកដោះគោ​សូកូឡា​មាន​ខ្លាញ់​ទាប​
•​ ​ទឹក​ផ្លែឈើ​
•​ ​បន្លែ​។​
 
​ហេតុផល​ផ្សេងៗ​ទៀត​ដែល​អ្នក​អាច​នឹងមិន​ស្រួលខ្លួន​ក្រោយ​ហាត់ប្រាណ​រួច​​ជាមួយគ្នា​នឹង​ការ​ញ៉ាំ​ជីវជាតិ និង​ការ​បង្គ្រប់​ជាតិ​ទឹក​ក្នុង​ខ្លួន​រួច កត្តា​ផ្សេងៗ​ទៀត​អាចមាន​ឥទ្ធិពល​ទៅលើ​របៀប​ដែល​អ្នកមាន​អារម្មណ៍​ក្នុងពេល និង​ក្រោយពេល​ហាត់ប្រាណ​ដែរ​ដូចជា​៖
 
•​ ​ប្រភេទ​នៃ​ការហាត់​ប្រាណ​ដូចជា ការរត់ អាចធ្វើ​ឲ្យ​មនុស្ស​មួយចំនួន​មាន​អារម្មណ៍​ចង់​ក្អួត​ជាង​ហាត់ប្រាណ​ដោយ​លើក​ដុំ​ដែក​
•​ ​ភាពខ្លាំង​ក្លា​នៃ​ការហាត់​៖ ការដែល​បង្ខំ​ខ្លួនឯង​ខំ​ហាត់​ខ្លាំងពេក អាចធ្វើ​ឲ្យ​មាន​បញ្ហា​មួយចំនួន​បាន​ដូចជា កើតជា​កា​គ្រិច​សន្លាក់ ឬ​សាច់ដុំ និង​មិនមាន​អារម្មណ៍ល្អ​តែម្តង​។​
•​ ​មិនបាន​កម្តៅ​សាច់ដុំ និង​ត្រជាក់​សាច់ដុំ​វិញ​
•​ ​សីតុណ្ហភាព​៖ ការហាត់​ប្រាណ​ក្នុង​អាកាសធាតុ​ក្តៅ ពេក អាចធ្វើ​ឲ្យ​ខ្សោះ​ជាតិ​ទឹក​លឿន និង​ចុះ​សម្ពាធ​ឈាម​ថែមទៀត​។ រឿងនេះ​អាចធ្វើ​ឲ្យ​ងាយ​នឹង​រមួលក្រពើ និង​អស់កម្លាំង​ដោយសារតែ​ក្តៅ​បាន​។​
 
​គន្លឹះ​ក្នុងការ​បង្ការ​ភាពមិន​ស្រួលខ្លួន​នៅពេល​ហាត់ប្រាណ​លើក​ក្រោយ​៖
 
•​ ​ផ្លាស់ប្តូរ​ប្រភេទ និង​ភាព​ខ្លាំងក្លា​នៃ​ការហាត់​។ ចូរ​និយាយ​ជាមួយ​គ្រូបង្ហាត់​នៅ​ក្លិប​អាហារ​ដើម្បី​សុំ​ដំបូន្មាន​ពី​គាត់​បន្ថែម​។​
•​ ​ចូរ​ផ្លាស់ប្តូរ​សីតុណ្ហភាព​បើសិនជា​អ្នក​កំពុងតែ​ហាត់ប្រាណ​ក្នុងផ្ទះ​
•​ ​ចូរ​ធ្វើការ​កម្តៅ​សាច់ដុំ​មុនពេល​ហាត់ប្រាណ និង​ត្រជាក់​សាច់ដុំ​វិញ​ក្រោយ​ហាត់ប្រាណ​ចប់ ជានិច្ច​៕

ត្រួតពិនិត្យ​ដោយ www.health.com.kh​
 
 

© រក្សាសិទ្ធិដោយ thmeythmey.com