អាវកីឡាបាល់បោះដែលលោកអូបាម៉ា ពាក់កាលពី៤០ឆ្នាំមុន លក់បាន១២ម៉ឺនដុល្លារ

កីឡាអន្តរជាតិ

អន្តរជាតិ

អាវកីឡាបាល់បោះដែលលោកអូបាម៉ា ពាក់កាលពី៤០ឆ្នាំមុន លក់បាន១២ម៉ឺនដុល្លារ

20, Aug 2019 , 4:34 pm

រូបភាព

ដោយ: ទេព ពិទូរ្យ

អាវកីឡាបាល់បោះដែលធ្លាប់ជាកម្មសិទ្ធិរបស់អតីតប្រធានាធិបតីអាមេរិកលោក បារ៉ាក់ អូបាម៉ា បានលក់ចេញនៅថ្ងៃទី១៩ សីហា ក្នុងតម្លៃ ១២ម៉ឺនដុល្លារអាមេរិក។ នេះបើតាមការអះអាងរបស់ការិយាល័យដេញថ្លៃនាទីក្រុង Dallas សហរដ្ឋអាមេរិក។

ឯកសណ្ឋានដែលមានលេខ ២៣ ជារបស់លោកអូបាម៉ាពាក់តាំងពីអាយុ ១៨ ឆ្នាំម្លេះ ពោលគឺអំឡុងពេលលោកនៅជាសិស្សជាន់ខ្ពស់នៃវិទ្យាល័យ Punahou ក្នុងរដ្ឋហាវ៉ៃ និងជាទីកន្លែងលោករស់នៅផងដែរ។ មុនពេលលក់ចេញ អាវនេះមានតម្លៃ១សែនដុល្លារ ប៉ុន្តែត្រូវបានដេញថ្លៃឡើងរហូត១២ម៉ឺនដុរល្លារ។

លោកអូបាម៉ា ជាអ្នកគាំទ្រកីឡាបាល់បោះមួយរូប ហើយលោកតែងតែលេងកីឡាដែលមានប្រជាប្រិយភាពខ្លាំងនៅអាមេរិកនេះជាញឹកញាប់នៅឯសេតវិមាន គ្រាដែលលោកនៅកាន់តំណែងជាប្រធានាធិបតី។ បុរសវ័យ៥៨ឆ្នាំរូបនេះ បានបញ្ចប់អាណត្តិក្នុងតំណែងប្រធានាធិបតីអាមេរិកក្នុងឆ្នាំ២០១៦ បន្ទាប់ពីកាន់កាប់អស់រយៈពេលពីរអាណត្តិរួចមក៕